НИЙГМИЙН ДААТГАЛЫН ХЭЛТСИЙН ТӨСӨЛ НҮБ-ЫН ХӨГЖЛИЙН ХӨТӨЛБӨРИЙН ШАЛГАРУУЛАЛТАД ТЭНЦЖЭЭ

Орхон аймгийн Нийгмийн даатгалын хэлтсийн байцаагч, ажилтнуудын санаачилж, туршсан төсөл "Бодлогын инноваци" төслийн шалгаруулалтад хоёр дахь жилдээ амжилттай шалгарлаа. 

      НҮБ-ын Хөгжлийн хөтөлбөрөөс Канад улсын Засгийн газрын дэмжлэгтэйгээр "Монгол Улсад мэргэжлийн, иргэн төвтэй төрийн албыг төлөвшүүлэх нь" төслийг амжилттай хэрэгжүүлж байна. Энэ хүрээнд төрийн байгууллагын үйл ажиллагааг сайжруулах, иргэдэд илүү хүртээмжтэй, үр өгөөжтэй үйлчлэх зорилгод чиглэсэн шинэлэг арга барилуудыг туршиж, өргөжүүлэх зорилго бүхий “Бодлогын инновац-2020” төслийг 2020 оны дөрөвдүгээр сараас эхлэн улсын хэмжээнд хэрэгжүүлж байна. 

      Энэхүү бичил төсөл нь төрийн албан хаагчдыг идэвхжүүлэх замаар стратегийн болон гүйцэтгэлийн төлөвлөгөөг үр дүнтэй хэрэгжүүлэх зорилготой юм. Хоёр дахь удаагийн “Бодлогын инновац” төслийг төрийн байгууллагуудын дунд 2021 оны хоёрдугаар сарын 11-нд зарласан бөгөөд энэ жилийн сонгон шалгаруулалтад төрийн 21 байгууллагаас 39 санал ирүүлснээс 10 төсөл шалгарсан байна. 

1. Сүхбаатар аймгийн Баруун-Урт сумын 8-р цэцэрлэгийн Алслагдсан, цэцэрлэгт хамрагдаагүй хүүхдүүдэд сургуулийн өмнөх боловсрол олгох “Хаалга бүрт мэдлэг” төсөл 

2. Сангийн яамны Улсын төсвийн хөрөнгө оруулалтыг олон нийтэд ил тод болгох, оролцогчдыг чадавхижуулах төсөл

3. Орхон аймгийн Нийгмийн даатгалын хэлтсийн Нийгмийн даатгал, халамж, улсын бүртгэлийн үйл ажиллагааны уялдааг хангах төсөл 

4. Авто тээврийн үндэсний төвийн Тээврийн хэрэгслийн бүртгэлийг сайжруулах “Цахим гэрчилгээ” төсөл 

5. Хөгжлийн бэрхшээлтэй хүний хөгжлийн ерөнхий газрын Дохион хэлийг орчуулах, текстэд хөрвүүлэх шийдлийг тодорхойлох төсөл 

6. Байгаль орчин, аялал жуулчлалын яамны Тусгай хамгаалалттай газар нутагт аялагчдын ил задгай хог хаях зан үйлийг судлах төсөл 

7. Стандарт хэмжил зүйн газрын Үйлчилгээний чанарыг сайжруулах Чанарын менежментийн тогтолцоо нэвтрүүлэх туршилтын төсөл 

8. Боловсрол, шинжлэх ухааны яамны Ерөнхий боловсролын сургууль, цэцэрлэгийн төсвийг цахимаар нэгтгэх төсөл 

9. Багшийн мэргэжил дээшлүүлэх институтын Аргазүйчдийн мэргэжлийн ёс зүй, манлайллын сургалтын хөтөлбөр боловсруулах төсөл 

10. Хөдөлмөр, нийгмийн хамгааллын яамны Хөгжлийн бэрхшээлтэй хүүхдийн сурах орчинг бүрдүүлэх чиглэлээр туршилт хийх, загвар үүсгэх төсөл тус тус шалгараад байна. 

Эдгээр төсөлд энэ оны дөрөвдүгээр сараас есдүгээр сарыг дуусталд тус бүр 3000 хүртэлх ам.доллар хүртэлх санхүүгийн дэмжлэг үзүүлэх бөгөөд үр дүнг нь энэ оны аравдугаар сард олон нийтэд танилцуулах аж.

Мэдээллийн төв

 

 

Сэтгэгдэл


Сэтгэгдэл

Мэдэгдэл. Энд сэтгэгдэл байхгүй!

Холбоотой мэдээлэл

2015-04-19 1567
Хүнс, хөдөө аж ахуй чиглэлээр: 2015 оны 04 сарын 13-наас 17

1. Нутгийн захиргааны байгууллагуудаас иргэдэд үзүүлэх төрийн үйлчилгээг түргэн шуурхай болгох талаар ...

2014-06-06 1168
Орхон аймгийн Аудитын газрын 4 сарын төсвийн гүйцэтгэлийн мэдээ

Орхон аймгийн Аудитын газрын 4 сарын төсвийн гүйцэтгэлийн мэдээ

2015-02-10 1201
Хугацаанаасаа өмнө халагджээ

Аймгийн ЗДТГ-ын цэргийн хэлтэс Цэргийн жинхэнэ албаны 2014 оны нэгдүгээр ээлжийн цэрэг татлагаар татагдан ...

Цахим төрийн үйлчилгээ


Сурталчилгаа

 

 

 

Веб статистик

Таны IP хаяг: 3.239.56.184
2021-03-29-ний өдрөөс хойш.
  • 52 Онлайн
  • 5516 Өнөөдөр
  • 6396 Өчигдөр
  • 11912 Долоо хоногт
  • 144922 Сүүлийн сард
  • 4390298 Нийт хандалт

Санал асуулга

Манай вэб сайт таны санаанд хэр нийцэж байна?
Нийт саналын тоо:  932

Facebook

Цаг агаар