БНХАУ-ЫН ЭЛЧИН САЙД ШИН ХАЙМИН ОРХОН АЙМАГТ АЖИЛЛАЛАА

Бүгд найрамдах Хятад ард улсаа Монгол Улсад суух онц бөгөөд бүрэн эрхт Элчин сайд Шин Хаймин тэргүүтэй албаны хүмүүс манай аймагт ажиллалаа. Тэд БНХАУ-ын оролцоотойгоор манай аймгийн эрчим хүчний салбарт хэрэгжиж төслүүдийн явцтай танилцсан юм. 

Тодруулбал, “Эрдэнэт үйлдвэр” ХХК-ийн дулааны цахилгаан станцыг 4х12 Мвт-аар өргөтгөх төслийг тус улсын “Харбин электрик интернешнл” компани гүйцэтгэж буй. Уг төслийн хөрөнгө оруулагч нь “Эрдэнэт үйлдвэр” ХХК нийтдээ 41.8 сая ам.доллар зарцуулж байна. Тус үйлдвэрийн дулааны цахилгаан станцын өргөтгөлийн бүтээн байгуулалтын ажил өнгөрсөн 5-р сард эхэлсэн. Одоогоор 95.1 хувийн гүйцэтгэлтэй үргэлжилж байгаа аж. “Харбин электрик интернешнл” компани уг ажлыг  түлхүүр гардуулах нөхцөлтэйгөөр гүйцэтгэж байгаа бөгөөд  11-р сард  хүлээлгэж өгөх гэрээ байгуулсан байна. Одоогоор “Эрдэнэт үйлдвэр” ХХК-ийн дулаан цахилгаан станц 2.5 Мвт-ын 2 ширхэг турбин ашиглаж байгаа юм. Дээрх төслийн хүрээнд тус бүр нь 12 Мвт-ын хүчин чадалтай 4 турбин ашиглалтад оруулна. Ингэснээр нийт хүчин чадал нь 53 Мвт болж өснө. 
 
БНХАУ-аас Монгол Улсад суух онц бөгөөд бүрэн эрхт Элчин сайд Шин Хаймин тэргүүтэй бүрэлдэхүүн “Эрдэнэтийн ДЦС” ТӨХК-ийг 50 Мвт-ын өргөтгөлийн төсөлтэй танилцсан. Өнгөрсөн оны 3-р сард уг ажлын шав тавих ёслол болсон. Нийт хөрөнгө оруулалтын хэмжээ нь 53 сая ам.доллар юм. Үүний тодорхой хувийг БНХАУ-ын Засгийн газрын хөнгөлөлттэй зээл эзэлж байгаа бөгөөд гүйцэтгэгчээр тус улсын “Хунан Индустрал Экуйпмент Инстолэйшн”  компани шалгараад байгаа юм.  Одоогоор уг төслийн ерөнхий гэрээнд гарын үсэг зурагдсан, тусгайлсан гэрээг удахгүй хийхээр төлөвлөөд байгаа аж. 
 
Элчин сайд Шин Хаймин дээрх төслүүдтэй танилцсаны дараа БНХАУ-ын оролцоотой хөрөнгө оруулалт, бүтээн байгуулалтын ажлууд Эрдэнэт хотод амжилттай хэрэгжиж байгааг онцоллоо. Цаашид хамтын ажиллагаагаа өргөжүүлэх сонирхол өндөр байгаагаа илэрхийлсэн юм. Үүний хүрээнд хоёр улсын Засгийн газар хоорондын хэлэлцээрийн дагуу Эрдэнэт хотод шинээр тодорхой төсөл хэрэгжүүлэх асуудлыг судалж буйгаа дуулгалаа. 
 
Түүнчлэн аймгийн Засаг даргын орлогч С.Батжаргал уулзалтын үеэр тус улстай харилцан ашигтай байдлаар, хууль эрх зүйн хүрээнд хамтран ажиллах боломж нээлттэй гэдгийг онцлон хэлсэн. Мөн тус улсын оролцоотойгоор манай хотод хэрэгжиж төслүүд амжилттай үргэлжилж байгаад талархаж буйгаа хэллээ. 
 
 
 
 
 
 
 
 
 
 
 
 
 
 

Мэдээллийн төв

 

Сэтгэгдэл


Сэтгэгдэл

Мэдэгдэл. Энд сэтгэгдэл байхгүй!

Холбоотой мэдээлэл

2017-02-17 10120
“ОРХОН АЙМАГТ 00:00 ЦАГААС ХОЙШ СОГТУУРУУЛАХ УНДАА ХУДАЛДАН БОРЛУУЛАХ ТҮҮГЭЭР ҮЙЛЧЛЭХ” ТУХАЙ ЖУРАМ БАТЛАГДЛАА

Cогтууруулах ундаа худалдан борлуулах, түүгээр үйлчлэх цэгийн цагийн хуваарийг 00:00-03 цаг эсвэл 00:00- ...

2015-05-11 1087
Иргэдийн санал хүсэлт хүлээн авах 70353511 төвийн 7 хоногийн мэдээлэл

3-6 дугаар байрны урд шинэ зам тавьж байна. Энэ зам нь өнгөрсөн жил халтираад аюултай гээд Үйлчилгээний ...

2016-11-29 3795
“ТҮРЭЭСИЙН ОРОН СУУЦ” ХӨТӨЛБӨРТ ХАМРАГДСАН ИРГЭД “БАТЛАМЖ” –АА ГАРДАН АВЛАА

Засгийн газрын 2015 оны 6-р сарын 15-ы өдрийн 248-р тогтоолыг үндэслэж Засаг дарга 2016 оны 9-р сарын ...

Цахим төрийн үйлчилгээ


Сурталчилгаа

 

 

 

Веб статистик

Таны IP хаяг: 3.92.96.236
2021-03-29-ний өдрөөс хойш.
  • 93 Онлайн
  • 3703 Өнөөдөр
  • 5153 Өчигдөр
  • 47158 Долоо хоногт
  • 68467 Сүүлийн сард
  • 4313843 Нийт хандалт

Санал асуулга

Манай вэб сайт таны санаанд хэр нийцэж байна?
Нийт саналын тоо:  929

Facebook

Цаг агаар