АЙМГИЙН УДИРДЛАГУУД БАЯНЦАГААН, ГОВИЛ БАГИЙН ИРГЭДТЭЙ УУЛЗЛАА

Орхон аймгийн Засаг дарга Д.Батлут болон түүний харъяа хэлтэс, агентлагийн удирдлагууд өнгөрөгч долоо хоногийн турш багуудаар явж иргэдтэй уулзалт зохион байгуулсан. Тэгвэл өчигдөр сүүлийн уулзалтуудаа Баян-Өндөр сумын Баянцагаан, Говил, Жаргалант сумын иргэдтэй хийлээ. 

Баянцагаан багт зохион байгуулагдсан уулзалтад аймгийн удирдлагуудаас гадна УИХ-ын хамгийн залуу гишүүн болох Д.Гантулга мөн хүрэлцэн ирж оролцсон юм. Баянцагаан багийн иргэдийн зүгээс дэвшүүлэн тавьж буй нэг санал бол “ЭДЦС” ТӨХК-тай хамгийн ойрхон байрлалд байдаг ч дэд бүтэц тааруу хөгжиж байна хэмээгээд бидний нэрлэж заншсан шинэ, хуучин Тосгонд төвийн дулааны шугам татах асуудлыг судлаж өгөх санал ч гарч байв. Баянцагаан багийн ахмад настан н.Наянбуу гуай “Сүүлийн үед иргэд төр засаглуугаа дайрч давшлах өнгө аяс их анзаарагдах болжээ. Монголчууд хэдэн зууны төрт ёсны түүхтэй ард түмэн, хэзээнээс нааш төрөө хүндэлж дээдэлж ирсэн бөгөөд цаашид ч төрөө дээдэлж явах”-ыг уриаллаа. Баянцагаан багийн ахмад настнуудаас гарсан өөр нэг санал, хүсэлт бол нийтийн тээврийн үйлчилгээ болон БОЭТ-ийн ахмадын эмчийн зан харилцааны талаар анхаарч өгөхийг хүслээ.
Говил багт хийсэн уулзалтын үеэр нэлээд олон иргэдээс гарсан санал бол хуучин байшингуудын суурийг цэвэрлэх, эсхүл газрын хамт өмчлүүлж ашиглуулах, Говил багт эрүүл мэндийн тусламж үйлчилгээг сайжруулах талаар хөндөж байлаа. Говил багийн газар нутгийн зарим хэсэг нь Батлан хамгаалах яамны мэдэлд цэрэг, стратегийн зориулалтаар нөөцлөж байдаг бөгөөд тэрхүү газрын хил, хэмжээ нь төрийн нууцын зэрэглэлд хамаардаг байна. Юутай ч тус багийн ард иргэдээс гарсан санал хүсэлтийг Батлан хамгаалах яаманд уламжилж, нааштайгаар шийдвэрлүүлэхийг Газрын харилцаа, хот байгуулалтын газарт үүрэг болголоо. 
Иргэдийн зүгээс аймаг орон нутгийн удирдлагуудыг богино хугацаанд их зүйл бүтээж байгаад талархаж байгаагаа ч мөн илэрхийлж байв. 
 
                                                                                                                                                                          Мэдээллийн төв
 
 
 
 

 

Холбоотой мэдээлэл

2014-12-08 1384
Жаргалант суманд Хөгжлийн бэрхшээлтэй иргэдийн дунд өдөрлөг зохион байгууллаа

Орхон аймгийн Жаргалант суманд Хөгжлийн бэрхшээлтэй иргэдийн дунд өдөрлөг зохион байгууллаа. Тус өдөрлөгөөр ...

2015-03-03 1291
ХОТ ТОХИЖУУЛАХ ГАЗРЫН ХИЙЖ ГҮЙЦЭТГЭСЭН АЖЛЫН 7 ХОНОГИЙН МЭДЭЭ /2015.02.21-28/

Гэр хорооллын айл өрхийн хог /Говил багаас / Орон сууцны хорооллын хог ачилт Албан газар

2014-05-14 1462
“Азийн холдинг” компани зэс хайлуулах үйлдвэр барих төлөвлөгөөгөө танилцууллаа

Өнгөрсөн лхагва гарагт “Эрдэнэт” үйлдвэр, Солонгос улсын “Азийн холдинг” компанийн ...

Цахим төрийн үйлчилгээ


Сурталчилгаа

 

 

 

Веб статистик

Таны IP хаяг: 54.144.55.253
2021-01-03-ний өдрөөс хойш.
  • 16 Онлайн
  • 1338 Өнөөдөр
  • 2319 Өчигдөр
  • 13738 Долоо хоногт
  • 65729 Сүүлийн сард
  • 6432864 Нийт хандалт

Санал асуулга

Манай вэб сайт таны санаанд хэр нийцэж байна?
Нийт саналын тоо:  1047

Facebook

Цаг агаар