АЙМГИЙН МУЗЕЙН САН ХӨМРӨГТ ХҮННҮГИЙН ҮЕИЙН ҮЗМЭРҮҮД НЭМЭГДЖЭЭ фото

   Манай аймгийн Жаргалант сумын Айргийн гозгор хэмээх газраас олдсон археологийн дурсгалын үзэсгэлэн өнөөдөр “Эрдэнэт Арт” галерейд нээлтээ хийлээ. Уг үзэсгэлэнд Хүннү гүрний хожуу үе, Сяньби улсын түүхийн эхэн үеийн   60 гаруй үзмэр тавигдсан. Айргийн гозгор орчмоос олдсон зарим овор хэмжээ их болон сэргээн засварлах шаардлагатай үзмэрүүдийг энэ удаад  тавиагүй гэнэ. 

   Одоогоос гурван жилийн өмнө Монголын Үндэсний музей, Орхон аймгийн Засаг даргын тамгын газар хамтран Жаргалант сумын Айргийн гозгорт малтлага хийж эхэлсэн. Тухайн хэсэгт нийтдээ 97 булш бий. Малтлага эхэлснээс хойших хугацаанд 10 булшийг гаргаж ирснээр энэхүү үзэсгэлэнг гаргаж байгаа талаар Аймгийн Музейн эрхлэгч Ц.Энхтуяа ярьлаа. Айргийн гозгорт малтлага хийсний үр дүнд олдсон олдворуудаас одоогоор 15 төрлийн 20 үзмэрийг манай аймгийн Муейд шилжүүлээд байгаа аж. 
 
   Эдгээр олдворууд нь Хүннү гүрэн нь Монголчуудын өвөг мөн гэдгийг нотлох маш чухал баримт. Тиймээс Монголын болон олон улсын эрдэмтэн, судлаачдын анхаарлыг маш их татаж байгаа гэж Монголын Үндэсний музейн мэргэжилтнүүд хэллээ. Мөн энэ нь 1924 онд Хараагийн Ноён уулаас олдсон Хүннүгийн үеийн булшнаас хойших хамгийн том олдворт тооцогдож байгаа юм байна. 
Өнөөдөр нээлтээ хийж буй энэхүү үзэсгэлэн “Эрдэнэт Арт” галерейд 7 хоногийн турш олон нийтийн хүртээл болох юм. 
 
 
 
 
 
 
 
 
 
 
 
 
 
 
Мэдээллийн төв
 

 

 

Холбоотой мэдээлэл

2019-11-01 5568
ЖДҮ ЭРХЛЭГЧДИЙГ ДЭМЖИХ ЗЭЭЛИЙН ТАНИЛЦУУЛГА

ЖДҮ ЭРХЛЭГЧДИЙГ ДЭМЖИХ ЗЭЭЛИЙН ТАНИЛЦУУЛГА

2017-02-19 3660
УУЛЫН БЭЛ, ЖАЛГА ОРЧМООР ӨВӨЛЖИЖ БУЙ АЙЛУУДЫН МАЛ ИХ ХОРОГДЖЭЭ

Аймгийн Засаг даргын орлогч А.Түвшинжаргал малчидтай уулзах үеэрээ орон нутгийн засаг захиргаанаас малчдаа ...

2017-06-08 3536
ХАЧИГТ ХАЛДВАРААС СЭРГИЙЛЬЕ

ХАЧИГТ ХАЛДВАРААС СЭРГИЙЛЬЕ

Цахим төрийн үйлчилгээ


Сурталчилгаа

 

 

 

Веб статистик

Таны IP хаяг: 52.90.49.108
2021-01-03-ний өдрөөс хойш.
  • 17 Онлайн
  • 620 Өнөөдөр
  • 1638 Өчигдөр
  • 2258 Долоо хоногт
  • 69668 Сүүлийн сард
  • 6436803 Нийт хандалт

Санал асуулга

Манай вэб сайт таны санаанд хэр нийцэж байна?
Нийт саналын тоо:  1049

Facebook

Цаг агаар