Стандартчилал хэмжилзүйн хэлтсийн долоо хоногийн мэдээ

Өргөн уудам нутаг дэвсгэртэй, таруу байршил бүхий монгол улсын эдийн  засаг, нийгмийн хөгжилд авто замын сүлжээ ихээхэн чухал үүрэг гүйцэтгэж байна.
Монгол Улсын хэмжээнд “Хэрэглэгчдэд зориулсан үйлчилгээ. Авто замын   дагуух үйлчилгээний байгууламж, Үндсэн шаардлага”  MNS 5537:2005  үндэсний стандарт 2005 онд батлагдан гарсан боловч энэхүү стандартын шаардлагад  нийцсэн жолооч, зорчигч нарын амрах, хооллох, буудаллах үйлчилгээний байгууламж байхгүй байсаар байна.
      Авто замын дагуух эдгээр үйлчилгээний цэгүүд нь жолооч, зорчигч нарын тав тухыг хангахгүй, жолооч, зорчигчид амрах, угаалга цэвэрлэгээ хийх боломжгүйгээс гадна тээврийн хэрэгсэлд анхан шатны техникийн засвар үйлчилгээ хийх, тээврийн хэрэгслийг байрлуулах хангалттай байр, талбай байхгүй, хоолны газруудаар үйлчлүүлэхийн тулд тээврийн хэрэгсэл эсрэг урсгалаас эргэх зэрэг хөдөлгөөний аюулгүй байдлыг хангагдахгүй  байгаа тул зорчигч урсгал болон тээврийн хэрэгслийн хөдөлгөөний эрчмээс хамааруулан авто замын дагууд үйлчилгээний иж бүрэн цогцолбор байгуулах, хэрэглэгчийн шаардлагыг хангахад чиглэн дээрх стандартыг Стандартчиллын үндэсний зөвлөлийн 2016 оны 04 дүгээр сарын 28 –ны өдрийн 18 дугаар тогтоолоор шинэчлэн баталсан байна.
Энэхүү стандарт нь 2016 оны 06 дугаар сарын 10-ны өдрөөс эхлэн хүчин төгөлдөр мөрдөгдөж байна.
Стандартын зорилго нь авто тээврийн хэрэгслийн жолоочийн ажил амралтын дэглэмийг хангах, зорчигчдын тав тухтай аялах нөхцөлийг бүрдүүлэх, тээврийн хэрэгслийн техникийн хэвийн үйл ажиллагаа, замын хөдөлгөөний аюулгүй байдлыг хангахад чиглэсэн үйлчилгээний цогцолборыг хөгжүүлэх, түүнд тавигдах нөхцөл, шаардлагыг тогтооход оршиж байна.
     Энэ стандарт нь Авто замын дагуух үйлчилгээний цогцолборыг төлөвлөх, барьж байгуулах үйл ажиллагааг хамрах бөгөөд Авто замын дагуух үйлчилгээний цогцолборт хамрагдах үйлчилгээ үзүүлж буй иргэн, аж ахуйн нэгж, байгууллага, хяналт тавих эрх бүхий байгууллага, ажилтан мөрдөж ажиллана.
Стандартын дэлгэрэнгүйг  www.estandard.mn  цахим хуудаснаас авна уу.

 




 

 

Холбоотой мэдээлэл

Ангилал

Цахим төрийн үйлчилгээ


Сурталчилгаа

 

 

 

Веб статистик

Таны IP хаяг: 54.173.214.227
2021-01-03-ний өдрөөс хойш.
  • 5 Онлайн
  • 97 Өнөөдөр
  • 902 Өчигдөр
  • 1950 Долоо хоногт
  • 32170 Сүүлийн сард
  • 6527556 Нийт хандалт

Санал асуулга

Манай вэб сайт таны санаанд хэр нийцэж байна?
Нийт саналын тоо:  1085

Facebook

Цаг агаар