Хууль зүйн хэлтсийн 14 хоногийн ажлын мэдээ

Аймгийн Засаг даргын А/639 дугаар шийдвэрээр аймгийн хэмжээнд шинэ жилийн баярын өдрүүдэд ажиллах хариуцлагатай эргүүлийн хуваарийг батлуулж хуваарийн дагуу холбогдох хэлтэс, газрын удирдлагууд хариуцлагатай эргүүлийг хуваарийн дагуу гүйцэтгэсэн байна.
“Шашин төрийн харилцаа ба шашин шүтэх эс шүтэх эрх чөлөө” сэдэвт эрх зүйн сургалтыг багуудаар дамжуулан иргэд болон ЕБС-ийн ахлах ангийханы дунд  зохион байгуулж  сургалтын тайланг Хууль зүйн яаманд явууллаа. 2014 онд Хууль зүйн сайд болон аймгийн Засаг дарга нарын хооронд байгуулах гэрээний саналыг  боловсруулж  цахим болон цаасан хэлбэрээр яаманд хүргүүллээ.

Засгийн газрын 410 дугаар тогтоолоор батлагдсан “Цахим тоглоомын газрын үйл ажиллагааг  зохицуулах журам”-ыг хэрэгжүүлэхээр ажлын хэсэг байгуулагдан хяналт шалгалтын удирдамж, төлөвлөгөөг боловсруулж байна.
Иргэдээс ирсэн гомдлын дагуу аймгийн Номын төв болон 4-р цэцэрлэгиййн санхүүгийн үйл ажиллагааны зөрчлийн талаарх мэдээллийг Авлигатай тэмцэх  газарт шалгуулахаар   шилжүүллээ.

2013 онд аймгийн Засаг даргын шийдвэрээр 716 захирамж гарснаас хууль зүйн хэлтсийн захирамжийн бүртгэлийн дэвтэрт  606 нь  бүртгэгдсэн  байна. 111 захирамж хууль зүйн хэлтсээр хянуулаагүй байгаа бөгөөд захирамжийн визны хуудас болон захирамжинд нэгдсэн тулгалт хийж хэлтсээр хянуулаагүй захирамж  гаргасан холбогдох мэргэжилтнүүдийг  шалгуулах болно. Эрх бүхий албан тушаалтан бус гадны хүн захирамж хянуулахаар виз бариж яваа зөрчил удаа дараа гарсан бөгөөд мэргэжилтнүүд үүнд анхаарч ажиллах шаардлагатай байна.
Мөн худалдан авах ажиллагааны 165  гэрээг хянаж баталгаажуулсан байна.
Худалдан авах ажиллагааны 4 гэрээг хянаж, баталгаажууллаа.
Захиргааны 6,  иргэний 4 хэрэгт итгэмжлэлээр оролцож байна.
Иргэд аж ахуй нэгжээс ирсэн 8 өргөдөл, гомдол, санал хүсэлтийг судалж шийдвэрлэн хариуг өгч,  3  өргөдлийг судалж байна.

Цагдаагийн  газраас
:  Шинэ жилийн баярын үеэр 2013 оны 12 дугаар сарын 26-ны өдрөөс аймгийн Цагдаагийн газрын бие бүрэлдэхүүн өндөржүүлсэн бэлэн байдлын 2 дугаар зэрэглэлд шилжин ажиллаж 24 цагаар эргүүлийн үүрэг гүйцэтгэж ажилсан байна.Мөн пиротехникийн хэрэгсэл /салют/ худалдааны төвүүд болон захуудад Онцгой байдлын газар болон, Мэргэжлийн хяналтын газартай хамтарсан үзлэг шалгалтыг тогтмол хийж ажилсан бөгөөд  пиротехникийн хэрэгсэл хэрэглэж гэмтэж хохирсон тохиолдол гараагүй болно.

12 дугаар сарын 28-нд “Сархиа” цанын баазын урд ууланд 45-50 орчим насны эмэгтэй ил харагдах шарх сорвигүйгээр осгосон байдалтай нас барсныг шалгаж байна.
 12 сарын 31-нд Их залуу багийн  “Ану” дэлгүүрт хулгай орж  820.000 төгрөг бэлнээр хулгайлсныг Орхон аймгийн иргэн М үйлдэснийг илрүүлэн шалгаж байна. Баярын бусад өдөр гэмт хэрэг гараагүй байна.

12 дугаар сарын 26-наас 2014 оны 01 сарын 01-ны хооронд 80 хүн эрүүлжүүлэгдсэнээс гудамж талбайд унтаж байсан 14 иргэнийг эрүүлжүүлэн амь нас, эрүүл мэндийг хамгаалсан байна.

2013 онд аймгийн хэмжээнд бүх хэрэг 7 хувиар өссөн дүнтэй байгаа бөгөөд үүний нэг шалтгаан нь хэрэг илрүүлэлт 26.4 хувиар өссөнтэй холбоотой байна.

Урьд оноос тодорхой төрлийн хэрэг зөрчлүүд буурсан дүнтэй байна. Үүнд: эрүүлжүүлэгдсэн иргэдийн тоо 4.4 хувь, согтуугаар үйлдэгдсэн гэмт хэргийн тоо 23.2 хувь, хөдөлгөөний аюулгүй байдлын эсрэг хэргүүд 5.9 хувь, дээрэмдэх 43.8 хувиар тус урьд оноос буурсан дүнтэй байна. 

 

 

Сэтгэгдэл


Сэтгэгдэл

Мэдэгдэл. Энд сэтгэгдэл байхгүй!

Холбоотой мэдээлэл

2019-05-30 2931
ХЭРЭГЛЭЭНИЙ ХАЛУУН УС ХЭСЭГЧИЛЭН ТАСАРНА

“Эрдэнэтийн дулааны цахилгаан станц” ТӨХК нь 2019-2020 оны өвлийн их ачааллын бэлтгэл ажлын хүрээнд дулаан ...

2018-02-05 2059
“Автотээврийн хэрэгслийн улсын бүртгэлийн дугаарын тэмдэг. 2-р хэсэг. Ерөнхий шаардлага

Стандартчиллын үндэсний зөвлөлийн 2017 оны 41 дүгээр тогтоолоор " MNS 4410-2:2017. Автотээврийн хэрэгслийн ...

2020-04-10 7628
ЖИРЭМСЭН БОЛОН БАГА НАСНЫ ХҮҮХЭДТЭЙ ЭЭЖҮҮД ГЭРЭЭСЭЭ АЖИЛЛАНА

0-12 насны хүүхдүүдтэй болон жирэмсэн эмэгтэйчүүд 2020 оны 4-р сарын 30 хүртэл гэрээсээ цалинтай ажиллахаар ...

Цахим төрийн үйлчилгээ


Сурталчилгаа

 

 

 

Веб статистик

Таны IP хаяг: 3.234.252.109
2021-06-10-ний өдрөөс хойш.
  • 20 Онлайн
  • 468 Өнөөдөр
  • 11889 Өчигдөр
  • 468 Долоо хоногт
  • 190434 Сүүлийн сард
  • 4683530 Нийт хандалт

Санал асуулга

Манай вэб сайт таны санаанд хэр нийцэж байна?
Нийт саналын тоо:  950

Facebook

Цаг агаар