“ЭРТНИЙ ИХ ТҮҮХТ ИХ МОНГОЛ УЛСЫН ИРЭЭДҮЙ ХОЙЧ, МОНГОЛ УЛСЫН ИРГЭН БИ...

      Монгол Улс анхдугаар Үндсэн хуулиа баталж, Бүгд найрамдах улсаа тунхагласны түүхт 97 жилийн ойг тохиолдуулан Орхон аймгийн ерөнхий боловсролын 19 сургуулийн 74 сурагч “Монгол Улсын иргэний андгай өргөх ёслол” өнөөдөр ГБХЗХГ боллоо. 

     Залуу үедээ эх оронч сэтгэлгээг төлөвшүүлэх, түүх соёлоороо бахархах, төр улсаа эрхэмлэн дээдлэх, эх орон ард түмнийхээ өмнө хүлээх хариуцлагаа ухамсарлан, үзлийг төлөвшүүлэх зорилгоор зохион байгуулдаг билээ. 
    Монгол улсын хэмжээнд 19 дэх жилдээ зохион байгуулагдаж буй энэхүү ёслолд аймгийн ИТХ-ын дарга Д.Мөнхбат, Засаг дарга С.Батжаргал, Боловсролын газрын дарга О.Ариунгэрэлт, ГБХЗХГ-ын дарга Наранболд нар оролцлоо. 
    16 настнуудыг төлөөлж 14-р сургуулийн 11А ангийн сурагч Э.Баттөр индэр дээрээс хэлсэн үгэндээ үүрэг хариуцлагатай, өрсөлдөх чадвартай иргэн байхыг онцолж эх орноо хөгжүүлэхэд үе тэнгийн найзуудаа уриаллаа. 
      Ийнхүү 16 настнууд  “Эртний их түүхт Их Монгол Улсын ирээдүй хойч, Монгол Улсын иргэн би
Монгол төрийнхөө сүр хүчийг сүлдлэн дээдэлж
Монгол Улсынхаа тусгаар тогтнолыг батлан хамгаалж
Монгол иргэнийхээ нэр төрийг өндөрт өргөн
Бүрэн эрхт ард түмнийхээ итгэлийг даан
Их түүх, эрх чөлөөнийхөө эзэн нь байж
Эх орон, газар нутгаа хайрлан хамгаалж
Их соёл, зан заншлаа өвлөн дэлгэрүүлж
Энх тайван, амар амгаланг эрхэмлэн дээдэлж
Их засаг, хууль ёсоо чанадлан сахиж
Үнэнч шударга, цэвэр ариун, оюун төгс, хөдөлмөрч хичээнгүй иргэн байхаа
Их төрийнхөө дор андгайлж байна” хэмээн андгай өргөлөө.
 
Мэдээллийн төв 
 
 
 
 
 

 

Холбоотой мэдээлэл

2015-01-10 5683
"Хангарьдын цом III" байт харвааны тэмцээн болж байна

Өнөөдөр Монгол улсын анхны дэлхийн аваргын нэрэмжит "Хангарьдын цом III" байт харвааны ...

2015-10-22 4376
Цахилгаан тоолуур баталгаажуулж байна

Иргэдийн ажил, цаг завыг хэмнэхийн тулд Эрдэнэт Булганы Цахилгаан Түгээх Сүлжээ ТӨХК-ний цахилгаан ...

2014-04-18 1793
Хөгжлийн бэрхшээлтэй хүмүүст бие даан амьдрах үзэл баримтлалыг таниулах сурталчлах уулзалт семинар боллоо

Хөгжлийн бэрхшээлтэй хүмүүсийн бие даан амьдрах “Түгээмэл хөгжил” төвийн удирдлага менежерүүдээс ...

Цахим төрийн үйлчилгээ


Сурталчилгаа

 

 

 

Веб статистик

Таны IP хаяг: 54.80.249.22
2021-01-03-ний өдрөөс хойш.
  • 10 Онлайн
  • 972 Өнөөдөр
  • 1344 Өчигдөр
  • 7155 Долоо хоногт
  • 27768 Сүүлийн сард
  • 6523154 Нийт хандалт

Санал асуулга

Манай вэб сайт таны санаанд хэр нийцэж байна?
Нийт саналын тоо:  1084

Facebook

Цаг агаар