ЗАСАГ ДАРГЫН ШУУРХАЙ ХУРАЛДААН ХУРАЛДЛАА /2021.09.20/

 Даваа гараг бүрийн 11:00 цагт хуралддаг Засаг даргын шуурхай хуралдаан хуралдлаа.  Хотын захирагчийн алба, Баян-Өндөр, Жаргалант сумын Засаг дарга нар мэдээлэл хийж зарим цаг үеийн асуултуудад хариулт өглөө. 

         Инженерийн шугам сүлжээг шинэчлэх сайжруулах ажлын хүрээнд “Тавин лан” ХХК-ын гүйцэтгэж буй шугамын ажил гэрээний хугацаа сунгагдан үргэлжилж буй. Засаг даргаас өгсөн үүрэг даалгаврын хүрээнд өнөөдөр зарим хэсэгт цутгалтын ажил хийгдэж байгаа ажээ. Иймд өнөөдөр орой хийн туршилт, нягтын туршилт хийж маргааш буюу 2021.09.21-ний өдөр 1-р микрийн 13 байр, 4-р микрийн 7 байрны дулаан болон хэрэглээний халуун ус өгнө гэдгийг Хотын захирагчийн албаны дарга С.Ганцогт хэллээ. 
          Мал аж ахуйн 2021-2022 оны өвөлжилт, хаваржилтын бэлтгэл ажлыг хүлээж авах ажлын хэсэг 2 сумын, 12 чиглэлд, 39 хүний бүрэлдэхүүнтэй явахаар бэлтгэл ажлыг ханган ажиллаж байна.
2021-2022 оны хотын өвөлжилтийн бэлтгэл хангах ажлын төлөвлөгөөнд нийт 37 нэр төрлийн ажил хийгдэхээр тусгагдсан. Үүнээс бүрэн хэрэгжсэн 12 ажил, хэрэгжиж буй 22 ажил, удаашралтай 3 ажил байгаа бөгөөд 80 хувийн гүйцэтгэлтэй байгаа ажээ. 
         Аймгийн ХББЗА, ХОХБТХ-тэй хамтран улсын болон орон нутгин хөрөнгөөр хийгдэж байгаа зам барилга, инженерийн шугам сүлжээ, гэрэлтүүлэг цахилгаан тоног төхөөрөмжийн угсралтын ажил дээр хамтарсан шалгалтыг зохион байгуулж байна. Улсын болон орон нутгийн төсвийн хөрөнгө оруулалтаар хийгдэж буй ажилд барилгын хяналтын чиглэлээр 3 дүгнэлт, зөрчил арилгуулахаар 2 албан шаардлага өгч биелэлтэд нь хяналт тавин ажиллаж байна.
         Хуралдааны төгсгөлд Засаг дарга С.Батжаргал зарим үүрэг даалгаврыг өглөө. 
Иргэнээс ирсэн гомдлын дагуу хүнсний эрүүл ахуй хангахгүй, иргэдэд чанар муутай хоолоор үйлчилж буй Хаан хуушуур цайны газрын үйл ажиллагааг яаралтай зогсоох үүргийг МХГ-т өглөө. 
         Орхон аймгийн хөгжлийн ерөнхий төлөвлөгөөний ажлын даалгаврыг яаралтай дуусгаж БХБЯ-д хүргүүл гэв. Ерөнхий төлөвлөгөөнд хаус хороолол, гэр хорооллыг орон сууцжуулах, гэр хорооллын дахин төлөвлөлт, магистрал шугамыг өргөтгөх, Эрдэнэт хотыг дайран өнгөрөх голын гольдролыг гаргах зэрэг саналуудыг тусгах шаардлагатайг санууллаа. 
       Эрүүл мэндийн газар томуугийн дэгдэлтээс урьдчилан сэргийлэх, иргэд ажлын байр, сургууль цэцэрлэгийн орчинд хэрхэн хүүхдүүдээ болон өөрсдийгөө хамгаалах ёстой анхааруулга мэдээллийг гаргах, Баян-Өндөр сум, БОАЖГ хамтран нөөцийн түлээ түлшний асуудлыг журамлаж шийдвэрлэх зэрэг үүрэг даалгавар өгөгдлөө. 
Мэдээллийн төв
 
 
 

 

Холбоотой мэдээлэл

2020-09-14 745
ГАМШГААС ХАМГААЛАХ КОМАНД ШТАБЫН СУРГУУЛЬ ЗОХИОН БАЙГУУЛАГДЛАА

Орхон аймгийн Онцгой байдлын газрын даргын тушаалаар Баян-Өндөр суманд “Гамшгаас хамгаалах команд штаб”-ын ...

2020-10-06 827
БОЭТ-ИЙН ДЭРГЭД ЭРҮҮЛ МЭНДИЙГ ДЭМЖИХ ТӨВ БАЙГУУЛАГДАНА

Монгол улсын Засгийн газрын гишүүн Эрүүл мэндийн сайд Т.Мөнхсайхан анх удаа Орхон аймагт ажиллалаа.

2020-10-09 687
ХАЛААЛТ ДУЛААНТАЙ ХОЛБООТОЙ САНАЛ ХҮСЭЛТИЙН ДАГУУ ҮЗЛЭГ ХИЙГДЭЖ БАЙНА

Орон сууцны айл өрхүүдээс халаалт дулаантай холбоотой санал хүсэлтийн дагуу үзлэг хийгдэж байна.

Цахим төрийн үйлчилгээ


Сурталчилгаа

 

 

 

Веб статистик

Таны IP хаяг: 3.236.51.151
2021-06-10-ний өдрөөс хойш.
  • 15 Онлайн
  • 190 Өнөөдөр
  • 3039 Өчигдөр
  • 6315 Долоо хоногт
  • 99899 Сүүлийн сард
  • 6357875 Нийт хандалт

Санал асуулга

Манай вэб сайт таны санаанд хэр нийцэж байна?
Нийт саналын тоо:  1026

Facebook

Цаг агаар