ХҮНСНИЙ ДЭЛГҮҮРИЙН ЗОРИУЛАЛТААР АЖИЛЛАДАГ ПАВИЛЬОН, ХОТЫН ТӨВД БАЙРЛАСАН ГРАЖУУДЫН АСУУДЛААР АЖЛЫН ХЭСЭГ ХУРАЛДЛАА

Баян-Өндөр сумын нутаг дэвсгэрт үйл ажиллагаа явуулж байгаа худалдаа үйлчилгээний цэгүүд буюу хүнсний дэлгүүрүүд, хотын доторх авто машины гражууд, тэдгээрийн газрын асуудлыг,  хэлэлцэх Орхон аймгийн Засаг даргын захирамжаар байгуулагдсан ажлын хэсэг хуралдлаа.
      Баян-Өндөр сумын хэмжээнд ТҮЦ, зургаа, найман нэрийн хүнсний дэлгүүрийн зориулалтаар ажилладаг 94 павильон байдаг ажээ. Ажлын хэсэг эхний ээлжид эдгээрийг цаашид хэрхэн үргэлжлүүлэн ажиллуулах талаар санал солилцлоо.
    94 павильоноос дулааны болон бохирын шугаман дээр байрласан, мөн газрын зөвшөөрөл аваагүй 19 павильонуудад 1 жилийн дотор зөрчлөө арилгах үүрэг даалгавар өгөх юм. энэ хугацаанд зөрчлөө арилгаагүй ААН-ийг цаашид ажиллуулахгүй байх шийдвэрийг гаргах ажээ. 
      Харин зөвшөөрөлтэй бөгөөд хугацаа нь дуусаагүй павильонуудын хувьд нэгдсэн нэг өнгө, хаяг бүхий болгох ажээ. Түүнчлэн хариуцлагын гэрээг байгуулах нь зүйтэй гэсэн саналыг гаргалаа. 
       Аймгийн нутаг дэвсгэрт 1100 гаруй гражыг 2000 гаран эзэмшигч эзэмшдэг байна. Эдгээр гражуудыг эрх зүйн хувьд хэрхэн зохицуулалт хийх талаар хэлэлцсэн юм. 1-рт эдгээр гражуудын хугацааг сунгахгүй байх шийдвэр гарлаа. Ингэхдээ одоо хүчинтэй байгаа газруудын  хувьд хугацаагаа дуустал эзэмшээд явна.
      Цаашид хотын төвд байгаа эдгээр газруудад дахин төлөвлөлтийг хийж байрлалыг өөрчлөхгүйгээр далд граш  барих төлөвлөлт хийгдэхээр ярилцлаа. Мөн хотын ерөнхий төлөвлөлтийн дагуу зарим нэг гражуудын буулгаж сургууль, цэцэрлэг, хотхон болгохоор төлөвлөж байгаа ажээ.
         Иймд иргэд граж худалдан авч байгаа тохиолдолд газрын гэрчилгээний дуусах хугацааг сайтар анхаарах нь зүйтэй гэдгийг хэлж байлаа.
     Дээрх асуудлуудыг ажлын хэсэг эцэслэн шийдвэрлэхгүй бөгөөд Засаг даргын зөвлөлийн хурлаар хэлэлцэж шийдвэрлэх юм.
 Мэдээллийн төв
 
 
 
 
 

 

Холбоотой мэдээлэл

2014-04-26 1520
04-р сарын 25-ны өглөө цас их орсноос болж хот хоорондын зорчигч тээвэрлэлтийг 2 цаг зогсоожээ

Орхон аймгийн хэмжээнд 2014 оны 4-р сарын 24,25-ний өдөр цас ихээр унаж замын нөхцөл байдал хүндэрч ...

2014-02-25 2088
ХАНГАЙН БҮСИЙН АЙМГУУДЫН ХУРЛЫН БАЙГУУЛЛАГЫН ЗӨВЛӨГӨӨН БОЛНО

“Ухаалаг төрлүү шилжих санаачлагын хүрээнд нутгийн өөрөө удирдах байгууллагын үйл ажиллагааг сайжруулах ...

2015-03-13 1517
Үйлдвэрлэгч эмэгтэйчүүдийн анхдугаар зөвлөгөөн боллоо

2015 оны 3 дугаар сарын 11-ны өдөр Жаргалант сумын өрхийн үйлдвэрлэл эрхэлж буй малчин, тариаланч, жижиг ...

Цахим төрийн үйлчилгээ


Сурталчилгаа

 

 

 

Веб статистик

Таны IP хаяг: 44.197.197.23
2021-06-10-ний өдрөөс хойш.
  • 22 Онлайн
  • 78 Өнөөдөр
  • 2802 Өчигдөр
  • 78 Долоо хоногт
  • 206279 Сүүлийн сард
  • 6245499 Нийт хандалт

Санал асуулга

Манай вэб сайт таны санаанд хэр нийцэж байна?
Нийт саналын тоо:  1000

Facebook

Цаг агаар