БАТЛАГДСАН ТОХИОЛДЛУУДЫН ГЭР БҮЛИЙН 5, АЖЛЫН БАЙРНЫ 6 ИДЭВХТЭЙ ГОЛОМТ БАЙГАА ТАЛААР МЭДЭЭЛЛЭЭ

Аймгийн Онцгой комисс цаг үеийн нөхцөл байдлын талаар мэдээлэл хийлээ. Мэдээллийг аймгийн Засаг дарга Онцгой комиссын дарга С.Батжаргал, ОБГ-ын дарга хурандаа Г.Ганбаатар, ЭМГ-ын даргын үүрэг гүйцэтгэгч Д.Сүхээ, Замын цагдаагийн газрын дарга М.Баттулга, Онцгой комиссын дэргэдэх эрүүл мэндийн зөвлөх Уранчимэг нар оролцлоо. 

      Өнөөдөр /3.28/-ийн байдлаар шинээр 10 тохиолдол нэмж батлагдан Орхон аймгийн хэмжээнд нийт шинээр батлагдсан тохиолдол 46 боллоо. Батлагдсан тохиолдлыг тусгаарлах ажил үргэлжлэн хийгдэж байна. 
БОЭТ-ийн халдвартын тасагт нийт 49 хүнийг тусгаарласан бөгөөд үүнээс 44 иргэн батлагдсан тохиолдол, бусад 5 иргэн нь батлагдсан тохиолдлын ойрын хавьтлууд байгаа юм. 
      Батлагдсан иргэдээс нэг хүний биеийн байдал хүнд, найман хүний биеийн байдал хүндэвтэр, суурь өвчтэй долоон хүн байна.  Үүнд тархины хавдартай 1, чихрийн шижинтэй 1, артерийн даралт ихсэх өвчтэй 5 хүн гэжээ. 
     Нэмэгдсэн 10 тохиолдлуудыг ажлын байраар нь ангилахад  “Орхон Эмпати” сургууль 1, 15-р цэцэрлэг 2, 21-р цэцэрлэг 1, “Ачит Ихт” ХХК 2, Төв аймгийн 061-р анги 1,  Тессоро зочид буудлаас гурван иргэн байна. 
Нийт шинээр батлагдсан 46 тохиолдлын 41 нь том хүн, 5 нь хүүхэд, 30.4 хувийг эмэгтэй, 69.5 хувийг эрэгтэйчүүд эзэлж байна. Халдвараар өвчлөгсдийн дундаж нас 35.5. 
     Хавьтлын судалгаагаар ойрын хавьтал 437, дам хавьтал 1327 хүнийг олж илрүүлэн тусгаарлах болон шинжилгээ авах ажлуудыг зохион байгуулж байна. Зарим тохиолдлын ойрын хавьтлуудад  дунд сургуулийн хүүхдүүд хамрагдаж байгаа тул тэдгээр хүүдүүдийг гэрийн тусгаарлалтад байлгаж хяналт тавин ажиллаж байна. 
      Тусгаарлан ажиглах байранд 178 иргэн байгаагаас Цэцэг зочид буудалд 21, Молор-Эрдэнэ зочид буудалд 18, Эрдэнэт сувиллын цогцолборт 82, Энэрэл төвд 70, Тесеро зочид буудалд 16, Эрдэнэт зочид буудалд 41 иргэн тусгаарлагдлаа. 
      Батлагдсан тохиолдлуудын гэр бүлийн 5, ажлын байрны 6 идэвхтэй голомт байгаа ба “Эрдэнэт Үйлдвэр” ТӨҮГ, “Ачит Ихт” ХХК, Төрийн банк, Тесеро, Урт цагаан, 15-р цэцэрлэг зэрэг газруудад халдвар бүртгэгдээд байгаа юм.  Одоогийн байдлаар халдварын тархалтын байдлыг харахад хүн амын дунд дэгдэлт байдлаар тархаж байна. Цаашид тархалтын явц олон эх сурвалжаас идэвхитэй тархан дамжих эрсдэлтэй байна. 
     Батлагдсан тохиолдлуудын  зам маршрутын дагуу нийт 41 байгууллага, аж ахуйн нэгжүүдэд тандалт  судалгаа хийсэн  ба 3 дугаар сарын 27-ны өдөр  34 байгууллага, аж ахуйн нэгжүүдэд  тандалт судалгаа хийгдлээ. 
Мэдээллийн төв
 
 
 
 

 

Сэтгэгдэл


Сэтгэгдэл

Мэдэгдэл. Энд сэтгэгдэл байхгүй!

Холбоотой мэдээлэл

2016-10-28 2475
10 сарын 29-нд "Тархины харвалтын дэлхийн өдөр” болно

Тархины харвалт нь хөдөлмөрийн чадвар алдалтад хүргэх гол шалтгаан төдийгүй, нийт нас баралтын хоёрдугаар ...

2019-10-24 1026
ОЛОН УЛСЫН ЗӨВЛӨХ БАГ МАНАЙ АЙМАГТ АЖИЛЛАЖ БАЙНА

Европын сэргээн босголт, хөгжлийн банктай хамтран хэрэгжүүлэхээр ажиллаж байгаа 14 сая долларын өртөг ...

Цахим төрийн үйлчилгээ


Сурталчилгаа

 

 

 

Веб статистик

Таны IP хаяг: 3.230.76.48
2021-03-29-ний өдрөөс хойш.
  • 123 Онлайн
  • 1976 Өнөөдөр
  • 10529 Өчигдөр
  • 1976 Долоо хоногт
  • 163918 Сүүлийн сард
  • 3976176 Нийт хандалт

Санал асуулга

Манай вэб сайт таны санаанд хэр нийцэж байна?
Нийт саналын тоо:  861

Facebook

Цаг агаар