ЖИЖИГ, ДУНД БИЗНЕС ЭРХЛЭГЧ НАРТ ЦАР ТАХЛААС ҮҮДЭЛТЭЙ ТУЛГАРААД БАЙГАА ХҮНДРЭЛ БЭРХШЭЭЛИЙГ СУДАЛЖЭЭ

АНУ-ын Олон Улсын Хөгжлийн Агентлаг (USAID)-ийн “Жижиг, Дунд Бизнесийн Тогтвортой Хөгжлийг Сайжруулах, Ил Тод Байдлыг Нэмэгдүүлэх” (BEST) хөтөлбөр жил орчмын өмнөөс манай улсад хэрэгжиж эхэлсэн.
       Энэхүү хөтөлбөр 5 жилийн хугацаанд хэрэгжих бөгөөд жижиг, дунд бизнесийн санхүүжилтийн хүртээмжийг нэмэгдүүлж, эдийн засгийн сайн засаглал, хариуцлага, ил тод байдлыг сайжруулах замаар Монгол Улсын эдийн засгийг төрөлжүүлэн өсгөхөд үйл ажиллагаа нь чиглэгддэг.
      Хөтөлбөрийн үндсэн үйл ажиллагаа нь жижиг дунд бизнес эрхлэгчдэд зориулсан санхүү, нягтлан бодох бүртгэлийн менежмент, бизнес төлөвлөлтийн сургалт, зөвлөх үйлчилгээ, зээлийн зуучлалын үйлчилгээ үзүүлэх, ЖДБ-ийн сайн засаглалыг бий болгох, бэхжүүлэх сургалт, зөвлөх үйлчилгээ үзүүлэх, ЖДБ-ийн хөгжлийг дэмжихэд чиглэсэн төрийн болон төрийн бус байгууллагуудыг чадваржуулах, дотоод хяналт, хариуцлага, санхүүжилтийн ил тод байдлыг сайжруулахад зориулагддаг.
    Манай Орхон аймаг энэхүү хөтөлбөртэй хамтран ажилладаг бөгөөд мөн Улаанбаатар хот, Баянхонгор, Дархан-Уул, Дорноговь, Дорнод, Завхан, Сэлэнгэ, Ховд аймгуудад хэрэгждэг.
      Тус хөтөлбөрийн хүрээнд короновирусийн цар тахлаас үүдэлтэй жижиг, дунд бизнес эрхлэгч нарт тулгараад байгаа хүндрэл бэрхшээлийг туулах арга замыг тодорхойлох судалгааг дээрх аймгуудад хийжээ.
    Энэхүү судалгаагааныхаа үр дүнг өнөөдөр танилцууллаа. Танилцуулах уулзалтад Орхон аймгийн Засаг дарга С.Батжаргал болон албаны бусад хүмүүс оролцлоо. Мөн УИХ-ын гишүүн Дамбын Батлут, Сайнхүүгийн Ганбаатар нар цахимаар оролцсон бол УИХ-ын гишүүн Норовын Алтанхуяг бие төлөөлөгчөө илгээжээ.
      Судалгаанд манай аймгийн 107 ААН хамрагдсан бөгөөд 11 хувь нь дунд, 47 хувь нь жижиг, 42 хувь нь бичил бизнес эрхлэгчид байна.
      ААН-үүдийн зүгээс цар тахлын энэ үед төр засгийн зүгээс татвар, НДШ-ээс ААН-үүдийг хөнгөлөх, чөлөөлөх түүнчлэн банкнуудын зээлийг хүүг царцаах нь бодит дэмжлэг болно гэдгийг илэрхийлжээ. Цар тахлын энэ үед хамгийн их нэрвэгдсэн салбар нь үйлчилгээ эрхэлдэг ААН-үүд бөгөөд үйлдвэрлэл эрхлэгчид зарим нь үйл ажиллагаагаа түр хугацаагаар зогсоосон бол үйлдвэрлэл эрхэлдэг ААН-үүд харьцангуй гайгүй байгаа гэсэн судалгаа гарчээ.
      Энэхүү судалгаанд тулгуурлан цаашид Орхон аймгийн төр захиргааны зүгээс хийж хэрэгжүүлэх боломжтой асуудлуудыг эрэмбэлэн төлөвлөгөө гаргаж ажиллах юм.
 
Мэдээллийн төв
 
 
 
 

 

Сэтгэгдэл


Сэтгэгдэл

Мэдэгдэл. Энд сэтгэгдэл байхгүй!

Холбоотой мэдээлэл

2014-11-18 1366
Малчдад арьс ширний урамшуулал олгоно

Үндэсний боловсруулах үйлдвэрт арьс шир бэлтгэн тушаасан хоршооны гишүүн, малчин мал бүхий иргэдэд урамшуулал ...

2014-07-07 1144
Оюутнуудад голч дүнг харгалзан тэтгэлэг олгоно

Засгийн газрын 2014 оны 71 дүгээр тогтоолоор баталсан "Дээд боловсролын сургалтын байгууллагад ...

2017-05-07 4331
ЭРҮҮЛ МЭНДИЙН САЙД А.ЦОГЦЭЦЭГ ОРХОН АЙМАГТ АЖИЛЛАЛАА

МУ-ын Засгийн газрын гишүүн, Эрүүл мэндийн сайд А.Цогцэцэг болон ЭМЯ-ны Газрын дарга, улсын томоохон ...

Цахим төрийн үйлчилгээ


Сурталчилгаа

 

 

 

Веб статистик

Таны IP хаяг: 3.230.76.48
2021-03-29-ний өдрөөс хойш.
  • 135 Онлайн
  • 1753 Өнөөдөр
  • 10529 Өчигдөр
  • 1753 Долоо хоногт
  • 163695 Сүүлийн сард
  • 3975953 Нийт хандалт

Санал асуулга

Манай вэб сайт таны санаанд хэр нийцэж байна?
Нийт саналын тоо:  861

Facebook

Цаг агаар