Өнгөрсөн долоо хоногт Цагдаагийн байгууллагад нийт 446 гомдол мэдээлэл ирж, согтуугаар тээврийн хэрэгсэл жолоодож эрүүлжүүлэгдсэн зөрчил өмнөх долоо хоногоос 4 хувиар өссөн мэдээлэлтэй байна. 

            Сар шинийн өдрүүдэд Онцгой байдлын алба, Зэвсэгт хүчин, Цагдаагийн газар, Баян-Өндөр сум, бусад төр захиргааны байгууллагууд хамтран эргүүл, хяналт шалгалтыг хийж гүйцэтгэсэн бөгөөд ямар нэгэн ноцтой зөрчил дутагдал гараагүй талаар Цагдаагийн газрын дарга мэдээлэл хийлээ.

         Түүнчлэн хорио цээрийн дэглэм алдагдуулахгүй, хяналт шалгалт хийх ажлын хүрээнд төрийн албан хаагчид болон мэргэжлийн байгууллагууд гэрийн тусгаарлалтын дэглэм зөрчсөн 5 иргэнийг илрүүлж хариуцлага тооцуулахаар шүүхэд шилжүүлжээ.

           Мөн цахим хэрэгсэл ашиглан архи согтууруулах ундаа худалдан борлуулах зар мэдээлэл тавьж, худалдан борлуулсан нэг иргэнийг тогтоож материалжуулан шалгаж байна. 

     Эмнэлгийн хүлээн авахаар нийт 550 иргэн үйлчлүүлснээс архины шалтгаантай 32 тохиолдол ирж үйлчлүүлжээ. Өнөөдрийн байдлаар 177 өвчтөн хэвтэн эмчлүүлж байна. Өнгөрсөн долоо хоногт нийт 31 эх амаржсанаас сар шинийн баярын өдрүүдэд 12 эх амаржиж Эрдэнэт хотын иргэд мөн тоогоор нэмэгдсэн байна.