Мөн төрийн нэгдсэн байр барих ажлыг Орхон аймгаас УИХ-д сонгогдсон гишүүдийн дэмжлэгтэйгээр барьж байгуулах ажлыг хийхээр төлөвлөөд байгаа ажээ. Төрийн нэгдсэн байр байгуулснаар төрийн үйлчилгээ түргэн шуурхай хүрэх бөгөөд, иргэд хүндрэл чирэгдэлгүйгээр нэгдсэн үйлчилгээ авах боломжтой болно. 

       Түүнчлэн “Эрдэнэт Үйлдвэр” ТӨҮГ-тай хамтран ажиллах гэрээнд Жаргалант суманд Агропарк барих ажлыг Эрдэнэт Үйлдвэр ТӨҮГ-ийн дэмжлэгтэйгээр хийж гүйцэтгэх саналыг хүргүүлээд байгааг мөн дурдлаа. Агро паркийг байгуулснаар аймгийн ард иргэд хүнсний ногооны хэрэгцээгээ дотоодоосоо хангах, эрүүл чанартай хүнсний бүтээгдэхүүн хэрэглэх мөн хямд өртгөөр хүнсний ногоо худалдан авах, ажлын байр нэмэгдэх зэрэг олон давуу талтай гэдгийг онцоллоо.