Богино хугацаанд гадаргуу дээрх нян вирусийг устгах, ариутгах зориулалт бүхий  ариутгалын хаалгыг Нутгийн удирдлагын ордонд байрлуулсан бол Захиргааны II байранд биеийн халуун хэмжигчтэй, бүрэн ариутгаж халдваргүйжүүлэх ухаалаг хаалгыг суурилуулсан юм.

 

Захиргааны II  байр нь Орхон аймгийн Улсын бүртгэлийн хэлтэс, Байгаль орчин аялал жуулчлалын газар, Баян-Өндөр сумын ИТХ, Баян-Өндөр сумын ЗДТГ зэрэг олон төрийн байгууллага нэг дор байрладаг иргэдийн хөл хөдөлгөөн ихтэй объект. Иймд амны хаалтгүй хүнд анхааруулга дохио өгч сануулдаг, биеийн дулааныг зайнаас хэмжиж хэвийн эсэхийг Монголоор хэлдэг, царай таних ухаалаг системтэй, цагийн бүртгэлийн үүрэг гүйцэтгэгч, мананцар үүсгэж ариутгах үйлдэл бүхий ухаалаг хаалгыг байршуулсан юм. Уг ухаалаг хаалганы үндсэн үнэ 9,9 сая төгрөг.

 

Нутгийн удирдлагын ордонд аймгийн ИТХ, Төрийн аудитын газар, Хотын захирагчийн алба зэрэг 10 гаруй төрлийн чиг үүрэг бүхий төрийн байгууллага, алба, хэлтэс байрладаг. Хөл хорионы хязгаарлалтын үед өдөрт дунджаар давхардсан тоогоор 400 гаруй иргэн үйлчилгээ авч байна. Иймд нутгийн удирдлагын ордонд 3 төрлөөр ариутгал, халдваргүйжүүлэлт хийх зориулалт бүхий ухаалаг ариутгагч суурилуулсан.  Энэ нь  зөвхөн ариутгаж халдваргүйжүүлэх төхөөрөмж бөгөөд 5,5 сая төгрөгийн өртөгтэй. Дээрх хоёр төхөөрөмжийн үндсэн үнэ дээр тээвэрлэлтийн хөлс нэмэгдэж бодогдоно.

 

Иргэдийн хөл хөдөлгөөн ихтэй, орох гарах хөдөлгөөний нэг урсгал бүхий байгууллагуудад эхний удаа эдгээр хаалгыг суурилуулсан бөгөөд төрийн болон хувийн хэвшлийн байгууллагууд байрлуулснаар гар аргаар халуун үзэх цаг хугацааг хэмнэх боломжтой гэж үзэж байгаа юм. 

 

Уг төхөөрөмжийг СкайПрофешнл Трейд ХХК Монгол улсад албан ёсны эрхтэйгээр нийлүүлдэг бөгөөд ИНЕГ, Хангарди Ордон, УИХ-н Тамгын Газар, ТЕГазар, Хил Хамгаалах Ерөнхий Газар, УБТөмөр Зам зэрэг томоохон байгууллагууд суурилуулсан байна. Төхөөрөмж нийлүүлэх компанийн ерөнхий мэдээллийг  https://www.facebook.com/SkyproTrade хаягаар авах боломжтой ажээ.