ӨНДӨРЖҮҮЛСЭН БЭЛЭН БАЙДЛЫН ҮЕД ХӨЛ ХОРИОНЫ ДЭГЛЭМ ЗӨРЧИЖ, ХУЛГАЙН ТЭЭВЭР ХИЙСЭН ИРГЭДЭД ХАТУУ АРГА ХЭМЖЭЭ АВНА

Сүүлийн үед Короновирусийн халдвар нийслэл Улаанбаатар хотод нэлээд хүндрээд байна. Тиймээс нийт иргэдийнхээ эрх ашгийг хамгаалах үүднээс аймгийн хэмжээнд халдварын голомтот газраас ирж буй иргэдийн онцын шаардлагагүй тохиолдолд аль болох зорчуулахгүй байх талаар анхааран ажиллаж байгаа. 

Гэтэл энэ үед зарим иргэд батлагдаагүй зам маршрутаар хот хооронд зорчих, PCR шинжилгээгүй иргэдийг орон нутагт тээвэрлэх, ашиг хонжоо олох зорилгоор хулгайн тээвэр эрхлэх зэрэг зөрчил гаргаж байгаа тул Эрдэнэт хотын эргэн тойронд хөдөлгөөнт эргүүл, постуудыг нэмэгдүүлэн ажиллаж байна. 
      2021 оны 01 дүгээр сарын 3-4 ний өдрийн байдлаар 8 хяналтын цэгээр манай аймаг руу орох 134 тээврийн хэрэгсэл 325 иргэнийг шалгаж зөрчилтэй 27 тээврийн хэрэгсэлтэй 93 хүнийг буцаасан бол манай аймгаас гарах гэж явсан зөрчил бүхий 33 тээврийн хэрэгсэл 88 иргэнийг буцаагаад байна. 
     Монгол улсын Шадар сайдын 156-р тушаалаар батлагдсан орон нутаг хооронд зорчих журам зөрчсөн 33 тээврийн хэрэгсэлтэй 39 хүний бичиг баримтыг хураан авч одоогийн байдлаар 3 иргэнд Зөрчлийн тухай хуулийн 5.13-4-д заасныг үндэслэн 300 нэгжийн торгуулийн арга хэмжээ авч, 22 иргэнд хууль сануулан зөрчлийг арилгуулан ажиллаад байна. 
      Өндөржүүлсэн бэлэн байдлын үед хорио цээрийн дэглэм зөрчсөн иргэнд Зөрчлийн тухай хууль, Гамшгаас хамгаалах тухай хууль, Эрүүгийн хуулийн зүйл заалтуудыг үндэслэн 500.000 төгрөгөөр торгох, зөрчил үйлдсэн тээврийн хэрэгслийн журамлах, хураах, иргэнийг баривчлах ял шийтгэх зэрэг зүйл заалтуудтай юм. 
Сүүлийн өдрүүдэд хөрсөн дээр цочир хүйтэрч байгаа тул иргэд аль болох өөрсдийн аюулгүй байдлын үүднээс онцын шаардлагагүй тохиолдолд бусад аймаг орон нутаг, хөдөө зорчихгүй байх, техникийн бүрэн бүтэн байдлыг хангахыг холбогдох байгууллагуудаас анхааруулж байна. 
 
Зөрчлийн тухай хуулийн 5.13 дугаар зүйл зааснаар “Гамшгаас хамгаалах тухай хууль зөрчих” гэдэг үндэслэлээр
Гамшиг, аюулт үзэгдэл, халдварт өвчин, осол, аюулын үед энэ талаар олон нийтийг төөрөгдүүлэх, худал мэдээ, мэдээлэл түгээсэн нь эрүүгийн хариуцлага хүлээлгэхээргүй бол хүнийг таван зуун нэгжтэй тэнцэх хэмжээний төгрөгөөр, хуулийн этгээдийг таван мянган нэгжтэй тэнцэх хэмжээний төгрөгөөр торгоно.
Гамшиг, аюулт үзэгдэл, халдварт өвчин, осол, аюулын үед эрх бүхий байгууллагаас тогтоосон хорио цээр, хөдөлгөөний хязгаарлалт, тэдгээрийн  дэглэм зөрчсөн, эсхүл саад учруулсан нь эрүүгийн хариуцлага хүлээлгэхээргүй бол хүнийг таван зуун нэгжтэй тэнцэх хэмжээний төгрөгөөр торгох, эсхүл долоогоос гуч хоногийн хугацаагаар баривчлах шийтгэл оногдуулах, хуулийн этгээдийг таван мянган нэгжтэй тэнцэх хэмжээний төгрөгөөр торгоно.
Гамшгаас   хамгаалах талаар хуулиар хүлээсэн үүргээ биелүүлээгүй бол хүнийг нэг зуун нэгжтэй тэнцэх хэмжээний төгрөгөөр, хуулийн этгээдийг нэг мянган нэгжтэй тэнцэх хэмжээний төгрөгөөр торгоно гэсэн хуулийн заалтуудтай бөгөөд үүний хүрээнд одоогийн байдлаар хэд хэдэн иргэнд хэрэг нээн шалгаж байна. Хэрэг шийдвэрлэгдсэний дараа дахин мэдээлэх болно. 
Мэдээллийн төв
 

 

Сэтгэгдэл


Сэтгэгдэл

Мэдэгдэл. Энд сэтгэгдэл байхгүй!

Холбоотой мэдээлэл

2021-01-11 59
ОРОН НУТАГ ӨӨРИЙН ХӨРӨНГӨӨР ОРОН СУУЦНЫ БАРИЛГА БАРИНА

Энэ онд гэр хорооллын айл өрх болон зорилтот бүлгийн иргэдийг орон сууцанд хамруулах зорилгоор төвлөрсөн ...

2018-08-31 4587
МЭНДЧИЛГЭЭ

Эрхэм хүндэт хүүхэд багачууд, багш, сурган хүмүүжүүлэгчид, боловсролын байгууллагын ажилтан ажиллагсад ...

Цахим төрийн үйлчилгээ


Сурталчилгаа

 

 

 

ХЯНАЛТ ШАЛГАЛТЫН АЖИЛД ХҮЧ НЭМЭГДҮҮЛЖ ЯВУУЛЫН НАЙМАН ПОСТ АЖИЛЛУУЛЖ ЭХЭЛЛЭЭ

2021-01-03 3945

ӨНДӨРЖҮҮЛСЭН БЭЛЭН БАЙДЛЫН ҮЕД ХӨЛ ХОРИОНЫ ДЭГЛЭМ ЗӨРЧИЖ, ХУЛГАЙН ТЭЭВЭР ХИЙСЭН ИРГЭДЭД ХАТУУ АРГА ХЭМЖЭЭ АВНА

2021-01-06 1315

“ТОГТВОРТОЙ ХӨГЖЛИЙН БОЛОВСРОЛ II” ТӨСӨЛ МАНАЙ АЙМГИЙН ДӨРВӨН СУРГУУЛЬД ХЭРЭГЖИНЭ

2021-01-05 284

ОРХОН АЙМАГТ ӨНГӨРСӨН БАЯРЫН ӨДРҮҮДЭД ГУДАМЖ ТАЛБАЙН ГЭМТ ХЭРЭГ ЗӨРЧИЛ ИЛРЭЭГҮЙ

2021-01-04 207

ИРГЭДИЙН САНАЛ ХҮСЭЛТ ХҮЛЭЭН АВАХ “70353511 УТАС”-ААР ИРСЭН 7 ХОНОГИЙН МЭДЭЭЛЭЛ

2021-01-04 161

“ОРОН НУТАГТ ЗОРЧИХ ЖУРАМ” ЗӨРЧСӨН ИРГЭДЭД ТОРГУУЛИЙН АРГА ХЭМЖЭЭ АВЧЭЭ

2021-01-11 148

АЙМГИЙН ЗАСАГ ДАРГЫН ШУУРХАЙ ЗӨВЛӨГӨӨНИЙ ҮҮРЭГ ДААЛГАВРЫН БИЕЛЭЛТ

2021-01-04 145

ШИНЭ ҮНДСЭН ХУУЛЬ БАТЛАЛЦСАН ДЕПУТАТУУДАД ХҮНДЭТГЭЛ ҮЗҮҮЛЛЭЭ

2021-01-13 100

АРГАЧЛАЛ, ЗАГВАР БАТЛАХ ТУХАЙ ЗГХЭГ-ЫН ДАРГЫН 2020 ОНЫ 100 ДУГААР ТУШААЛ

2021-01-08 82

УХААЛАГ АРИУТГАГЧ СУУРИЛУУЛЛАА

2021-01-08 79

Веб статистик

Таны IP хаяг: 3.239.236.140
2017-11-30-ний өдрөөс хойш.
  • 29 Онлайн
  • 642 Өнөөдөр
  • 2941 Өчигдөр
  • 22234 Долоо хоногт
  • 56266 Сүүлийн сард
  • 3175403 Нийт хандалт

Санал асуулга

Манай вэб сайт таны санаанд хэр нийцэж байна?
Нийт саналын тоо:  819

Facebook

Цаг агаар