“Тогтвортой хөгжлийн боловсрол 2” төсөлд манай аймгийн 4-р сургууль, 5-р сургууль, 15-р сургууль, 14-р сургуулиудын төслүүд хоёр дахь шатанд шалгарч тус бүр 30 сая төгрөгийн санхүүжилттэй төсөл хэрэгжүүлэхээр болжээ.
Швейцарын хөгжлийн агентлагийн санхүүжилтээр Байгаль орчин аялал жуулчлалын яам (БОАЖЯ), Боловсрол, Шинжлэх Ухааны яам (БШУЯ), Боловсролын Хүрээлэн болон Байгаль орчны Мэдээлэл сургалтын төв ТББ-тай хамтран Тогтвортой хөгжлийн боловсрол төслийн 2-р үе шатыг хэрэгжүүлж эхэлсэн.
Тогтвортой хөгжлийн боловсрол төслийн 2-р үе шатны зорилго нь Монгол Улсын иргэдэд байгаль орчин, нийгэм, эдийн засгийн хариуцлагатай, тэгш хүртээмжтэй, тогтвортой ирээдүйг бий болгоход дэмжлэг үзүүлэх”-д оршиж байна. Тогтвортой хөгжлийн боловсролын талаарх мэдлэг чадварыг бататгаж, чадавхжуулах болон цаашид тогтвортой хэрэгжүүлэх арга замыг бэхжүүлэхийг гол болгож байгаа ажээ.
Уг төслийн хүрээнд Орхон аймгийн ЗДТГ болон төслийг орон нутагт хэрэгжүүлэгч байгууллага болох Байгаль орчин Мэдээлэл сургалтын төв, төсөл хэрэгжих сургуулийн захирлууд хамтран ажиллах гэрээнд гарын үсэг зурлаа.
Төслөөс байгаль орчинд ээлтэй, сурагч хүүхдүүд тэдгээрийн эцэг эхчүүд, орон нутгийн төрийн байгууллагуудыг хамруулсан жишиг төслүүдийг сонгон шалгаруулсан байна. Уг төсөлд улсын хэмжээнд 30 сургууль хамрагдаж байгаа ажээ.
Мэдээллийн төв
.png)
.png)
.jpg)
.jpg)
Сэтгэгдэл