МОНГОЛЫН МЭС ЗАСАЛЧ ЭМЧ НАРЫН ЧУУЛГА УУЛЗАЛТ ОРХОН АЙМАГТ БОЛЖ БАЙНА

Эрдэнэт хүний эрүүл энхийн манаанд зогсдог мэс засалч эмч нар чуулж байна. Хоёр жил тутамд зохион байгуулагддаг Монголын мэс заслын эмч нарын холбооны 13-р чуулган Орхон аймагт зохион байгуулагдаж өнөөдөр /2020.10.23/ нээлтээ хийлээ. Чуулган хоёр өдрийн турш үргэлжилнэ.

            “Монголын мэс заслын тулгамдсан асуудлууд 2020” нэрийн дор зохион байгуулагдаж буй энэ удаагийн чуулганд мэс засалч эмч нар өөрсдийн ололт амжилт, алдаа оноог дүгнэн хэлэлцэж, шинэ технологи, дэлхийн мэс заслын чиг хандлагын талаар зөвлөлдөнө. Чуулганд нийслэл, орон нутгийн төлөөлөл болсон нийт 280 гаруй мэс засалч эмч нар оролцож байна. 
              Чуулганы нээлтийн арга хэмжээнд Монгол Улсын Хөдөлмөрийн Баатар, Ардын эмч Анагаахын шинжлэх ухааны доктор профессор, академич Н.Баасанжав, Монгол Улсын хөдөлмөрийн баатар, Төрийн шагналт Г.Нямхүү, дэлхийн шилдэг мэс засалч, Монгол Улсын  хүний гавьяат эмч, анагаахын шинжлэх ухааны доктор О.Сэргэлэн, Монгол Улсын Ардын эмч, хүний гавьяат эмч Цэдэн-Иш, УИХ-ын гишүүн, Монгол Улсын хүний гавьяат эмч Ж.Чинбүрэн болон Орхон аймгийн Засаг даргын орлогч С.Батжаргал, Орхон аймгийн Орхон аймгийн БОЭТ-ийн дарга Б.Батсүх, аймгийн Эрүүл мэндийн газрын дарга Д.Сүхээ  нар оролцлоо.
          Орхон аймгийн Засаг даргын орлогч С.Батжаргал нээлтийн арга хэмжээний үеэр тус үйл ажиллагааг зохион байгуулахад орон нутаг 5 сая төгрөгийн дэмжлэг үзүүлж буйгаа хэлсэн юм. 
            Ахмад үеэсээ суралцаж, ёс зүй, харилцаа хандлагаа улам бүр сайжруулж, ажилдаа судалгаатай байж, онолын мэдлэгээ байнга дээшлүүлж байх нь зүйтэй талаар Монголын мэс засалч эмч нарын холбооны ерөнхийлөгч Монгол Улсын хөдөлмөрийн баатар Ардын эмч Анагаахын шинжлэх ухааны доктор профессор, академич Н.Баасанжав  нээлтийн үеэр хэлсэн үгэндээ дурдлаа. Түүнчлэн хот хөдөөгийн мэс засалчдын ур чадварын ялгааг арилгах, хамтран ажиллах бодлого төлөвлөлтийг боловсруулах тал дээр анхаарах нь зүйтэй гэдгийг онцоллоо.
          Түүнчлэн Орхон аймгийн Засаг даргын Тамгын газар, “Эрдэнэт Үйлдвэр” ТӨҮГ-дад баярласан талархсанаа илэрхийлж байсан юм. 
 
Мэдээллийн төв
 
 
 
 
 
 
 

 

Сэтгэгдэл


Сэтгэгдэл

Мэдэгдэл. Энд сэтгэгдэл байхгүй!

Холбоотой мэдээлэл

2017-09-13 1950
ОРХОН АЙМГИЙН УДИРДЛАГУУД ЧЕХ УЛСТАЙ БИЗНЕС, ЭДИЙН ЗАСГИЙН ХАМТЫН АЖИЛЛАГААНЫ ТАЛААР ЯРИЛЦЛАА

БНЧУ-ын Худалдаа, эдийн засгийн танхим, БНЧУ-аас Монгол улсад суугаа Элчин сайдын яамтай хамтран эдийн ...

2014-06-28 1506
МЭРГЭЖЛИЙН ХЯНАЛТЫН ГАЗРЫН ДОЛОО ХОНОГИЙН МЭДЭЭ /2014.06.23-27/

Мал үржил: Байгаль орчин, аялал жуулчлал: Авто зам: Хөдөлмөрийн эрүүл ахуй:

2017-05-11 3099
“ЭКО” ХОРООЛЛЫН ТӨЛӨВЛӨЛТИЙГ ДУР МЭДЭН ӨӨРЧИЛЖЭЭ

Одоогоор “Эко” хороолол төсөлд төсвөөс 3.9 тэрбум төгрөгийн хөрөнгө оруулалт хийгээд байна. Одоогоор ...

Цахим төрийн үйлчилгээ


Сурталчилгаа

 

 

 

Веб статистик

Таны IP хаяг: 35.153.39.7
2017-11-30-ний өдрөөс хойш.
  • 24 Онлайн
  • 1731 Өнөөдөр
  • 4903 Өчигдөр
  • 19626 Долоо хоногт
  • 15793 Сүүлийн сард
  • 3008697 Нийт хандалт

Санал асуулга

Манай вэб сайт таны санаанд хэр нийцэж байна?
Нийт саналын тоо:  812

Facebook

Цаг агаар