МЭНДЧИЛГЭЭ

 Зууны манлай бүтээн байгуулалт Эрдэнэт хотыг сүндэрлүүлэн босгосон,

эрхэм хүндэт ахмад настан, азай буурлууд аа!

 

Өнөөдрийн байдлаар манай аймагт 10600 орчим ахмад оршин сууж байна. Аймаг орон нутгийн төр захиргааны зүгээс ахмад настнаа дэмжих үндсэн 4 зорилт 22 арга хэмжээ бүхий “Ач санах” дэд хөтөлбөрийг хэрэгжүүлэн ажиллаж байна. 
    Энэхүү хөтөлбөрийн хүрээнд багуудад үйл ажилллагаа явуулж буй ахмадын хөгжлийн төвүүдийн үйл ажиллагааг сайжруулах эрчимжүүлэх ажлын хүрээнд 8 багийн ахмадын байрны тохижилтыг хийж, “Медипас” эмнэлэгийн урьдчилан сэргийлэх үзлэгт 1993 ахмадыг хамруулж, 24 багийн салбар зөвлөлд тус бүр 516.0 мянган төгрөгийн дэмжлэг, “Эрдэнэт-Аз жаргалтай-Үнэ цэнэтэй ахмадууд” сургалтыг зохион байгуулж 160 ахмадыг хамруулаад байна.
     Мөн аймгийн ахмадын хороонд чийрэгжүүлэлтийн иж бүрэн өрөө, Жаргалант сумын ахмадын салбар зөвлөлийн байрны засварын зардалд 14.0 сая төгрөг, “Ахмадууд дуулж байна” дуун цэнгүүн, “1000 ахмадын чуулга уулзалт”-ыг зохион байгуулж 1700 ахмадыг оролцууллаа. Хэвтрийн болон архаг өвчтэй, хөгжлийн бэрхшээлтэй ахмад настанд гэрээр тусламж үйлчилгээ үзүүлж 380 ахмад, “Баялаг бүтээгч ахмадууд” үзэсгэлэн худалдааг 2 удаа зохион байгуулж 450 ахмад, “Үүргэвчтэй аялал” явган аялалын тэмцээн, Урлагийн спорт их наадмыг 2 үе шаттай зохион байгуулж 980 орчим ахмад, өрхийн эрүүл мэндийн төвүүдэд ахмадуудыг өвчлөлөөс урьдчилан сэргийлэх үзлэгт хамруулах ажлыг зохион байгуулж 3500 гаруй ахмадуудыг тус тус хамруулж 185.0 сая төгрөгийг зарцуулаад байна.
  Ирээдүй хойч үеийнхээ сайн сайхан, улс эх орон, Эрдэнэт хотынхоо хөгжил цэцэглэлтийн төлөө залуу нас, халуун сэтгэлээ зориулан уйгагүй хөдөлмөрлөж, шаргуу зүтгэсэн үе үеийн буянт буурлууд, та бүхэндээ Олон Улсын Ахмадын баярын өдрийн халуун мэндийг хүргэж, зуу насалж, зургаадай таяг тулж, үр хүүхэд, төр түмэндээ түшиг нь болж явахын өлзийтэй сайхан ерөөлийг өргөн дэвшүүлье!
 
Хоймор голлох нар мэт ээл ивээлтэй, эрхэм ахмадууд та бүхэндээ эрүүл энх байж, урт удаан наслахыг хүсэн ерөөе!
 
Сайн үйлс бүхэн дэлгэрэх болтугай!
Орхон аймгийн Засаг даргын орлогч С.БАТЖАРГАЛ
 
2020-10-01
 

 

Холбоотой мэдээлэл

2018-05-03 3677
ОРХОН АЙМГИЙН ЗАСАГ ДАРГЫН МЭНДЧИЛГЭЭ

Шударга үнэний дуу хоолой болсон эрхэм сэтгүүлчид, хэвлэл мэдээллийн ажилтнууд аа!

2020-12-11 1624
МЭНДЧИЛГЭЭ

Орхон аймаг, Эрдэнэт хотын нийт иргэд эрхэм хүндэт илгээлтийн эзэд, анхдагчид аа!

Цахим төрийн үйлчилгээ


Сурталчилгаа

 

 

 

Веб статистик

Таны IP хаяг: 54.158.251.104
2021-01-03-ний өдрөөс хойш.
  • 14 Онлайн
  • 1513 Өнөөдөр
  • 1745 Өчигдөр
  • 12272 Долоо хоногт
  • 8543 Сүүлийн сард
  • 6446817 Нийт хандалт

Санал асуулга

Манай вэб сайт таны санаанд хэр нийцэж байна?
Нийт саналын тоо:  1052

Facebook

Цаг агаар