АЖ АХУЙН НЭГЖ БАЙГУУЛЛАГУУДАД УРЬДЧИЛАН СЭРГИЙЛЭХ ХЯНАЛТ ШАЛГАЛТ ХИЙЛЭЭ

Орхон аймгийн Засаг даргын шуурхай зөвлөгөөн өнөөдөр боллоо. Шуурхай зөвлөгөөнийг Засаг даргын орлогч С.Батжаргал, А.Түвшинжаргал нар удирдан явууллаа. 

        Хуралдааны эхэнд 70353511 дугаарын утсанд ирүүлсэн өргөдөл гомдлын шийдвэрлэлтийг танилцуулж зарим алба хэлтсийн дарга нар мэдээлэл хийлээ.  

           Орхон аймгийн биеийн тамир спортын газрын захирлаар үүрэг гүйцэтгэгч Д.Дэлгэрбаярыг томилж өнөөдөр танилцууллаа. 
        Орхон аймаг болон Баян-Өндөр, Жаргалант сум, харьяа баг хороондоо Орон нутгийн хөгжлийн сангийн хөрөнгөөр ямар хөрөнгө оруулалт, төсөл хөтөлбөр, арга хэмжээг хэрэгжүүлэх шаардлагатай талаарх саналаа цахимаар өгөх www.Sanal.erdenet.mn сайт ажиллаж эхэлсэн. Иргэд саналаа өгөхдөө хэдэн хүн үр өгөөжийг хүртэх талаар бодит судалгааг хийсэн байх шаардлагатай ажээ. Өөрөөр хэлвэл хувийн ашиг сонирхолд нийцсэн ажлын талаар бус нийтэд хэрэгтэй бүтээн байгуулалтын ажил арга хэмжээ байх шаардлагатай юм. 
        Ковид-19 өвчнөөс урьдчилан сэргийлэх, Улсын Онцгой комиссын 2020 оны 29 дүгээр хурлын шийдвэр, аймгийн Засаг даргын 2020 оны А/529 дүгээр "Улсын Онцгой комиссын шийдвэрийг хэрэгжүүлэх тухай" захирамжийн хэрэгжилтийг ханган хариуцлагын гэрээ байгуулсан аж ахуйн нэгж, байгууллагуудад хяналт шалгалтыг хэрэгжүүлэн ажиллалаа. Мөн бүх аж ахуйн нэгж, байгууллагуудад урьдчилан сэргийлэх ажлыг эрчимжүүлэх талаар Гамшгаас хамгаалах улсын хяналтын ахлах байцаагчийн албан мэдэгдэл хүргүүлжээ. 
   Урьдчилан сэргийлэх хяналт шалгалтыг ерөнхий боловсролын сургууль болон Их дээд сургуулиас 150 метр радиуст байрлах хүнсний дэлгүүр, худалдааны газрын нийт 58 аж ахуйн нэгж, байгууллагуудад хийж, зөвлөмж өгч ажиллалаа. Шалгалтын явцад хүнсний бүтээгдэхүүний хадгалах хугацаа дууссан, үйлдвэрлэсэн он, сар, өдөр хугацааг тавиагүй зэрэг зөрчил илэрснийг газар дээр арилгаж, холбогдох хүмүүст мэргэжил арга зүйн зөвлөгөө өгсөн байна. 
    Хуралдааны төгсгөлд Засаг даргын орлогч С.Батжаргал хүүхдийн хүчирхийлэлтэй холбоотой мэдээ мэдээлэл өдөр бүр гарах боллоо. Иймд хүүхдийн хүчирхийллээс урьдчилан сэргийлэхийн тулд аймгийн холбогдох хэлтэс агентлагийг ажлын хэсэг гаргаж урьдчилан сэргийлэх ажлыг зохион байгуулах үүрэг өглөө. Түүнчлэн төрийн болон төрийн бус байгууллагуудтай хамтран өсвөр насны хүүхдүүдэд сэтгэл зүйн зөвлөгөөг нэмэгдүүлж, тэдний эрхийг хамгаалах ажлыг эрчимжүүлэх чиглэл өглөө.

 

 
Мэдээллийн төв
 
 
 
 
 

 

Сэтгэгдэл


Сэтгэгдэл

Мэдэгдэл. Энд сэтгэгдэл байхгүй!

Холбоотой мэдээлэл

2020-10-09 59
ХАЛААЛТ ДУЛААНТАЙ ХОЛБООТОЙ САНАЛ ХҮСЭЛТИЙН ДАГУУ ҮЗЛЭГ ХИЙГДЭЖ БАЙНА

Орон сууцны айл өрхүүдээс халаалт дулаантай холбоотой санал хүсэлтийн дагуу үзлэг хийгдэж байна.

2015-09-01 2175
ХАМТРАН АЖИЛЛАХ УРИЛГА

Дэлхийн Зөн Монгол ОУБ, Эрдэнэт Орон Нутгийн Хөгжлийн Хөтөлбөр

2015-08-27 1321
Эхнэрээ төрөхөд нөхөр нь хамт байх орчин бүрдэнэ

Эрдэнэт хотын 40 жилийн ойн бүтээлч ажлын хүрээнд төрөх тасгийн барилгыг улсын болон орон нутгийн ...

Цахим төрийн үйлчилгээ


Сурталчилгаа

 

 

 

 

Веб статистик

Таны IP хаяг: 3.237.254.197
2017-11-30-ний өдрөөс хойш.
  • 26 Онлайн
  • 841 Өнөөдөр
  • 2150 Өчигдөр
  • 841 Долоо хоногт
  • 82433 Сүүлийн сард
  • 2833331 Нийт хандалт

Санал асуулга

Манай вэб сайт таны санаанд хэр нийцэж байна?
Нийт саналын тоо:  790

Facebook

Цаг агаар