ХАВДРЫН ӨВЧНИЙГ ЭРТ ИЛРҮҮЛЭХ ҮНЭ ТӨЛБӨРГҮЙ ҮЗЛЭГ ОНОШИЛГОО ХИЙГДЭНЭ

Орон нутагтаа Хавдрын өвчнийг эрт илрүүлэх, үзлэг оношилгооны чанарыг дээшлүүлэх зорилгоор Орхон аймгийн Засаг даргын Тамгын газар, Эрүүл мэндийн газар, Бүсийн оношилгоо эмчилгээний төв, “Эрдэнэтийн эмч” төрийн бус байгууллага, Медипас эмнэлэг хамтран үнэ төлбөргүй үзлэг зохион байгуулах талаар өнөөдөр хэвлэлийн бага хурал хийлээ. 

Хэвлэлийн бага хуралд УИХ-ын гишүүн Д.Батлут, Орхон аймгийн Засаг даргын орлогч С.Батжаргал болон албаны хүмүүс оролцлоо. 

     “Эрдэнэтийн эмч” ТББ-аас санаачилж орон нутагт нарийн мэргэжлийн тусламж үйлчилгээг ард иргэдэд хүргэх ажлыг зохион байгуулж элэгний хавдрыг эрт оношилж, эмчлэх төслийг аймгийн Засаг даргын ивээл доор зохион байгуулж байсан юм. Иймд 2016 оноос хойш хэрэгжиж буй “Элэг бүтэн Монгол”, “Элэгний вирусгүй Эрдэнэт хот”, “Эрүүл Эрдэнэт хүн” хөтөлбөрүүдийн үргэлжлэл болгон уг үйл ажиллагааг хэрэгжүүлж байгаа ажээ. 
        Үзлэгийг Хавдар Судлалын Үндэсний Төвөөс нарийн мэргэжлийн эмч мэргэжилтнүүд ирж Орхон аймгийн эмнэлгийн байгууллагуудтай хамтарч ажиллах юм. Мөн энэ удаагийн үзлэг, оношилгоо Медипас эмнэлгийг түшиглэн хийгдэх бөгөөд энэ сарын 21-ээс  10-р сарын нэгнийг дуустал үргэлжилнэ. Түүнчлэн дээрх хугацаанд хөнгөвчлөх эмчилгээний талаар БОЭТ-ийн эмч, сувилагч нарт ХСҮТөвийн эмч нар ажлын байран дээр нь сургалт өгөх юм байна. 
      Орхон аймаг дээрх хөтөлбөрүүдийг хэрэгжүүлснээр 2016 оноос хойш 3000 гаран иргэдийг анхдагч хавдарын үед нь илрүүлсэн байна. Өнгөрсөн жилийн хувьд элэгний хавдрыг голчлон үзэж байсан бол энэ удаа элэг цөс нойр булчирхай, эрүү, нүүр, толгой,  хүзүү, шүлсний булчирхай болон бамбай булчирхай, эмэгтэйчүүдийн хортой болон хоргүй хавдрууд, цээжний хөндий, хоол боловсруулах буюу ходоод бүдүүн гэдэсний хавдрыг эрт илрүүлэх, оношлох, эмчлэх ажээ. 
       Элэг бүтэн Монгол хөтөлбөрийн хүрээнд B C вирусийн эрт илрүүлгийн шинжилгээнд нийт 72000 хүн хамрагдахаас 52000 хүн хамрагдаж одоогийн байдлаар 70 гаран  хувьтай хэрэгжиж байна. Үүнээс B вирус илэрсэн 4200, C вирус илэрсэн 3800 иргэн байна.Орхон аймаг энэхүү B, C вирус илрүүлэх улсдаа нэг дүгээр байранд явж байгаа. 2020 оны эхний хагас жилийн байдлаар даатгалгүй 10 мянган иргэнийг B, C вирусын шинжилгээнд хамруулж илэрсэн иргэдийг эмчилгээ хийж байна.
 
Мэдээллийн төв
 
 
 

 

 

Сэтгэгдэл


Сэтгэгдэл

Мэдэгдэл. Энд сэтгэгдэл байхгүй!

Холбоотой мэдээлэл

2017-01-07 3057
ОРХОН, БУЛГАН АЙМГИЙН БАЙГАЛЬ ОРЧИН, АЯЛАЛ ЖУУЛЧЛАЛЫН ГАЗРЫН ДАРГА НАРЫН 2017 ОНД ХАМТРАН АЖИЛЛАХ ТӨЛӨВЛӨГӨӨ БАТАЛЛАА

Орхон, Булган аймгийн Засаг дарга нарын 2016-2020 онд хамтран ажиллах гэрээ болон хэрэгжүүлэх ажлын төлөвлөгөөнд ...

2015-09-02 1034
МОНГОЛ УЛСЫН ЕРӨНХИЙ САЙД Ч.САЙХАНБИЛЭГ ОРХОН АЙМАГТ АЖИЛЛАХ ХӨТӨЛБӨР

МОНГОЛ УЛСЫН ЕРӨНХИЙ САЙД Ч.САЙХАНБИЛЭГ ОРХОН АЙМАГТ АЖИЛЛАХ ХӨТӨЛБӨР

2015-08-28 1134
Үндэсний монгол бичгээ хэрэглэх, хамгаалах зорилготой Монгол хэлний бодлогын зөвлөл манай аймагт байгуулагдлаа.

Үндэсний монгол бичгээ хэрэглэх, хамгаалах зорилготой Монгол хэлний бодлогын зөвлөл манай аймагт ...

Цахим төрийн үйлчилгээ


Сурталчилгаа

 

 

 

 

Веб статистик

Таны IP хаяг: 3.237.254.197
2017-11-30-ний өдрөөс хойш.
  • 29 Онлайн
  • 833 Өнөөдөр
  • 2150 Өчигдөр
  • 833 Долоо хоногт
  • 82425 Сүүлийн сард
  • 2833323 Нийт хандалт

Санал асуулга

Манай вэб сайт таны санаанд хэр нийцэж байна?
Нийт саналын тоо:  790

Facebook

Цаг агаар