НӨӨЦИЙН МАХ ХУДАЛДААНД ГАРЛАА

Даваа гараг бүр тогтмол хуралддаг аймгийн Засаг даргын ээлжит шуурхай зөвлөгөөн өнөөдөр болж өнгөрлөө. Хуралдааныг аймгийн Засаг дарга Д.Батлут удирдав. 

Энэ удаагийн хуралдаанд зарим хэлтэс агентлагийн удирдлагууд цаг үеийн мэдээлэл хийлээ. 
“Эрдэнэтийн ДЦС” ТӨХК-ийг 35 МВт-ын турбогенератороор өргөтгөж, цахилгаан эрчим хүчний үйлдвэрлэлийг нэмэгдүүлэх ажил өнгөрөгч онд эхэлсэн бөгөөд энэ онд ашиглалтад орно. Ажлыг гүйцэтгэх явцад нэг хүндрэлтэй асуудал тулгарсан нь "Эрдэнэт-Оргил" ХХК-ийн зөвшөөрөлгүй эзэмшиж буй 4200 м.кв газрын асуудал бөгөөд тус газрыг чөлөөлүүлэхээр шийдвэрлэж  тухайн компанид мэдэгдэл хүргүүлээд байгаа аж. 
Аймгийн ХХААГ-ын даргын мэдээлснээр энэ жил 126.9 мянган толгой мал өвөлжиж, хаваржиж байгаагаас 3 дугаар сарын 5-ны байдлаар 58097 толгой эх мал төллөхөөс 445 толгой эх мал төллөж, 425 толгой төл эсэн мэнд бойжиж, төл бойжилт 95.5 хувьтай байна. Одоогоор адуу 7, үхэр 8, хонь 2, ямаа 4 буюу нийт 21 толгой мал хорогдсон байна. Цаашид нутгийн хэмжээгээр мал аж ахуйн хаваржилт хүндрэх төлөвтэй байгаа аж.
Манай аймгийн хувьд одоогийн байдлаар хүнсний бараа бүтээгдэхүүний эрэлт нийлүүлэлт хэвийн байгаа бөгөөд нөөцийг жишсэн дундаж нийт хүн амд харьцуулахад гурил 52, мах 46, будаа 8, ургамалын тос 15, давс 12, элсэн чихэр 9, төмс 99, хүнсний ногооны 53 хоногийн нөөцтэй байна. Татан авалт хэвийн үргэлжилж байгаа аж. 
15-ны өдрөөс эхлэн нөөцийн мах цэгүүдээр худалдаалагдаж эхэлсэн бөгөөд энэ хавар “Эрдмийт” ХХК 300 тонн махыг худалдаалах аж. Ингэхдээ үхрийн мах 8400, ангилан савласан хонины мах 7500, ямааны мах 6500 төгрөгийн үнээр борлуулагдаж байна. 
Хуралдааны төгсгөлд аймгийн Засаг даргын зүгээс цаашид нөөцийн мах худалдан борлуулах цэгүүдийн тоог нэмэгдүүлэх, хотын өнгө үзэмжийг гутааж байгаа зөвшөөрөлгүй рекламын самбаруудыг буулгах, болзошгүй шар усны үерээс урьдчилан сэргийлэх, үерийн далан суваг шуудуу, гүүр хоолойд үзлэг хийх зэрэг үүрэг, чиглэлийг холбогдох байгууллагын удирдлагуудад өглөө. 
 
Мэдээллийн төв
 
 
 

 

Сэтгэгдэл


Сэтгэгдэл

Мэдэгдэл. Энд сэтгэгдэл байхгүй!

Холбоотой мэдээлэл

2015-09-21 2121
Говил баг сурагчдын автобустай боллоо

Орхон аймгийн алслагдсан багийн тоонд ордог Говил багийн чиглэлд 23 хүүхдийн суудалтай, дунд оврын ...

2013-09-16 1004
Эрхээ хэтрүүлэн эдлэж байгааг журамлана.

Зарим албан газар, аж ахуйн нэгжүүд эзэмшил газраа хэтрүүлэн ашиглаж байгаа нийтлэг дутагдал байдаг. ...

2016-12-02 2979
ЗАСАГ ДАРГА Д.БАТЛУТ “2017 ОНД АЙМГИЙН ЭДИЙН ЗАСАГ, НИЙГМИЙГ ХӨГЖҮҮЛЭХ ҮНДСЭН ЧИГЛЭЛ”-ИЙН ТӨСЛИЙГ ТАНИЛЦУУЛЛАА

Аймгийн эдийн засаг, нийгмийг 2017 онд хөгжүүлэх үндсэн чиглэлийн төслийг боловсруулахдаа 2017 ...

Сурталчилгаа

 

 

 

Веб статистик

Таны IP хаяг: 3.231.226.13
2017-11-30-ний өдрөөс хойш.
  • 22 Онлайн
  • 1206 Өнөөдөр
  • 2583 Өчигдөр
  • 5941 Долоо хоногт
  • 65948 Сүүлийн сард
  • 2350016 Нийт хандалт

Санал асуулга

Манай вэб сайт таны санаанд хэр нийцэж байна?
Нийт саналын тоо:  768

Facebook

Цаг агаар