2020 оны Төрийн албаны ерөнхий шалгалтын бүртгэл орон даяар эхэллээ

         Төрийн албаны тухай хуулийн 33 дугаар зүйлийн 33.7-д заасны дагуу төрийн жинхэнэ алба хаах хүсэлтэй иргэнийг сонгон шалгаруулах, нөөц бүрдүүлэх зорилгоор 2020 оны Төрийн албаны ерөнхий шалгалтыг Төрийн албаны зөвлөлийн хуралдаанаар хэлэлцэж товыг тогтоон, олон нийтэд зарлаад байна. Төрийн албаны ерөнхий шалгалтад хамрагдах хүсэлтэй иргэдийг 2020.01.01-нээс 2020.01.30-ны хооронд бүртгэнэ.

Харин Төрийн албаны шалгалтыг 2020.02.07-ноос 2020.02.17-ны хооронд зохион байгуулахаар болсон.

Өмнө нь төрийн албанд сул орон тоо гарсан тохиолдолд тухайн байгууллагуудын захиалгын дагуу, ажлын байрны болзол шаардлагыг хангасан иргэдийг бүртгэж, төрийн албаны шалгалтыг зохион байгуулдаг байсан. Тэгвэл энэ удаад Төрийн албаны тухай шинэ хуулийн хүрээнд дээд боловсролтой иргэдийг ажил, мэргэжил, туршлага харгалзахгүйгээр бүртгэж, гурван үе шаттай шалгаруулалтыг зохион байгуулж, иргэдэд адил тэгш боломж олгож буйгаараа онцлогтой.

Төрийн албаны ерөнхий мэдлэгийн шалгалтад бүртгүүлсэн иргэд ерөнхий шалгалтын 55 онооны тестийг 60 минутад бөглөх бөгөөд 35 ба түүнээс дээш оноо авсан бол эхний шалгалтад тэнцэх юм байна. Харин үүний дараагаар монгол хэл, бичгийн 30 онооны шалгалтыг 30 минутад өгч, 20 ба түүнээс дээш оноо авсан тохиолдолд тэнцсэнд тооцно. Эцэст нь удирдах ур чадварын буюу дүн шинжилгээний сорил болох 15 онооны шалгалт өгч, 10 ба түүнээс дээш оноо авсан тохиолдолд тэнцэнэ. Төрийн албаны шалгалтын нийлбэр дүнгээр 65 ба түүнээс дээш оноо авсан тохиолдолд шалгаруулалтад ТЭНЦСЭНД тооцогдож, нөөцөд бүртгэгдэх юм. Ийнхүү тэнцсэн иргэдээс төрийн албанд гарсан албан тушаалын сул орон тоог нөхөхдөө Төрийн албаны тухай хуулийн 3.1.4,  Төрийн албаны зөвлөлийн 2019 оны 14 дүгээр тогтоолоор баталсан “Төрийн албаны тусгай шалгалт өгөх болзол, журам”-ын 1.1-д заасны дагуу шийдвэрлэх юм байна.

   

 

Сэтгэгдэл


Сэтгэгдэл

Мэдэгдэл. Энд сэтгэгдэл байхгүй!

Холбоотой мэдээлэл

2015-06-03 873
ЭЭЛЖИТ XXIV ХУРАЛДААНЫГ ХОЙШЛУУЛЛАА

Аймгийн итх-ын тэргүүлэгчдийн 2015 оны 06 дугаар сарын 02-ны өдрийн 10 дугаар хуралдаан болж Аймгийн ...

2013-06-11 2053
Архины цэгийг бууруулах, тамхины хяналтын тухай хуулийн хэрэгжилтийн талаарх мэдээлэл

Аймгийн Засаг дарга түүний Тамгын газрын зүгээс архидан согтуурахтай тэмцэх, архи согтууруулах ундаагаар ...

2014-08-21 1252
"Иргэдийн санал хүсэлт хүлээн авах 70353511 төв"-д СӨХ-ийн Орхон аймаг дахь салбар зөвлөлийн дарга Ц.Ганхуяг ажиллалаа.

СӨХ-ийн Орхон аймаг дахь салбар зөвлөлийн дарга Ц.Ганхуяг 2014 оны 08 сарын 20-ны өдрийн 18:00-19:30 ...

Сурталчилгаа

 

 

 

Веб статистик

Таны IP хаяг: 34.204.200.74
2017-11-30-ний өдрөөс хойш.
  • 13 Онлайн
  • 1060 Өнөөдөр
  • 1735 Өчигдөр
  • 8027 Долоо хоногт
  • 36852 Сүүлийн сард
  • 1984084 Нийт хандалт

Санал асуулга

Манай вэб сайт таны санаанд хэр нийцэж байна?
Нийт саналын тоо:  742

Facebook

Цаг агаар