АТАР ГАЗАР ЭЗЭМШСЭНИЙ 60 ЖИЛИЙН ОЙ ТОХИОЖ БАЙНА

Монгол Улсад атар газар эзэмшиж, газар тариаланг шинжлэх ухааны үндэслэлтэй бие даасан салбар болгон хөгжүүлсний 60 жилийн ой энэ онд тохиож байна. Уг ойг тохиолдуулан Орхон аймгийн газар тариалангийн салбарынхан баярын хурлаа зохион байгууллаа.

 1976 онд “Атрын II” аяны хүрээнд тухайн үеийн Сайд нарын зөвлөлийн 249 дүгээр тогтоолоор Эрдэнэт хотын хүн амыг төмс, хүнсний ногоо, сүүгээр хангах үүрэгтэй Улаантолгойн сангийн аж ахуйг байгуулсан түүхтэй. Тус сангийн аж ахуй нь 7100 гаруй га эргэлтийн талбайтай. Жил бүр 4900-5000 га талбайд үр тариа, төмс, хүнсний ногоо тариалж хотын хэрэгцээг 100 хувь хангаж, зарим үед ЗХУ-ын хотуудад экспорт хийдэг байжээ.
 
Тухайн үеийн Улаантолгойн сангийн аж ахуй буюу одоогийн Жаргалант сумын тариаланчид жил бүр 3800-4500 га талбайд тариалалт хийж, 7500-10 мянган тонн ургац хураан авч байна. Уг үзүүлэлтээр буюу нэгжээс авах ургацын хэмжээгээрээ манай аймаг нь Монгол Улсын хэмжээнд тогтмол тэргүүлж буй.
 
Өнөөдрийн байдлаар Орхон аймагт 1000 өрх, 10 гаруй аж ахуйн нэгж төмс, хүнсний ногоо тариалдаг. Орон нутгаас тэднийг дэмжих зорилгоор аймгийн Засаг дарга Д.Батлутын мөрийн хөтөлбөрт туссан “Өрхийн тариалалтыг дэмжих” дэд хөтөлбөрийг хэрэгжүүлж буй. Хөтөлбөрийн хүрээнд жил бүр 1000 өрхд  төмс, хүнсний ногооны үрийг үнэ төлбөргүй олгодог.
 
Мөн Жаргалант суманд “Техник үйлчилгээний төв” байгуулахад шаардлагатай хөрөнгийг орон нутгийн 2020 оны төсөвт суулгасан. Ингэснээр өрхийн тариаланчид өндөр хүчин чадалтай, орчин үеийн техник, тоног төхөөрөмж ашиглах боломж бүрдсэн гэдгийг салбарын мэргэжилтнүүд онцоллоо. Үүгээр зогсохгүй орон нутгийн төсвийн хөрөнгөөр зуны хүлэмжийг хөнгөлөлттэй үнээр олгох ажлыг тогтмол зохион байгуулдаг.
 
Ийнхүү Монгол Улсад атар газар эзэмшиж, газар тариаланг шинжлэх ухааны үндэслэлтэй бие даасан салбар болгон хөгжүүлсний 60 жилийн ойн баярын хурлын үеэр салбартаа олон жил үр бүтээлтэй ажилласан нэр бүхий хүмүүсийг төрийн дээд одон медалиар шагнаж урамшуулсан юм.
 
 
 
 
 
 
 
 
 
 
 
 
 
 
 
Мэдээллийн төв
 
 
 

 

Сэтгэгдэл


Сэтгэгдэл

Мэдэгдэл. Энд сэтгэгдэл байхгүй!

Холбоотой мэдээлэл

2014-10-30 1400
СТАНДАРТЧИЛАЛ ХЭМЖИЛЗҮЙН ХЭЛТЭС ЦАХИЛГААН ХЭМЖИХ ХЭРЭГСЛИЙГ ШАЛГАХ ЭТАЛОН ТОНОГ ТӨХӨӨРӨМЖИЙН ШАЛГАЛТ ТОХИРУУЛГЫН ТАЛААР

Манай аймагт Улаанбаатар хотын Стандартчилал хэмжил зүйн газрын хэмжил зүйн хэлтсийн Цахилгааны эталон ...

2014-06-16 1524
ОРХОН АЙМГИЙН ЗАСАГ ДАРГЫН ТАМГЫН ГАЗРЫН 2014 ОНЫ 5 ДУГААР САРЫН ТОВЧ МЭДЭЭ

1. Удирдлага, зохион байгуулалт, эдийн засгийн бодлогын хүрээнд 2. Хууль, эрх зүйн бодлогын ...

2014-06-27 4714
ЦЭЦЭРЛЭГЖҮҮЛЭЛТИЙН АЖИЛ ХИЙГДЭЖ ЭХЭЛЛЭЭ

Энэ жилийн төсвийн тодотголоор хотын цэцэрлэгжүүлэлт ногоон байгууламжид 60 сая төгрөг батлагдсан ...

Сурталчилгаа

 

 

 

Веб статистик

Таны IP хаяг: 34.204.200.74
2017-11-30-ний өдрөөс хойш.
  • 12 Онлайн
  • 1083 Өнөөдөр
  • 1735 Өчигдөр
  • 8050 Долоо хоногт
  • 36875 Сүүлийн сард
  • 1984107 Нийт хандалт

Санал асуулга

Манай вэб сайт таны санаанд хэр нийцэж байна?
Нийт саналын тоо:  742

Facebook

Цаг агаар