МЭНДЧИЛГЭЭ

 

 

МЭНДЧИЛГЭЭ

Эрхэм хүндэт тариаланчид аа!

Та бүхэндээ Монгол улсад Атар газар эзэмшиж, газар тариаланг шинжлэх ухааны үндэслэлтэй бие даасан салбар болгон хөгжүүлсэний түүхт 60 жилийн ойн баярын мэнд дэвшүүлье. 

       1959 оноос улс орон  даяар “Атрын анхдугаар аян” өрнөж  гурил буудайнхаа хэрэгцээг монголчууд бид  өөрсдөө хангах түүхэн шийдвэр гарсан байдаг. 

      1976 оноос  “Атар II аян”  эхэлж  Сайд нарын зөвлөлийн 1976 оны 07 дугаар сарын 30-ны өдрийн 249 дүгээр тогтоолоор Эрдэнэт хотын хүн амыг төмс, хүнсний ногоо, сүүгээр хангах үүрэгтэй Улаантолгойн сангийн аж ахуйг Булган аймгийн Ингэт толгойн сангийн аж ахуйн  4 дүгээр тасгийг түшиглүүлэн байгуулсан байдаг.

       Улаантолгой сангийн аж ахуй нь 1986 онд 23850 тн сайн чанарын монокорм дарш бэлтгэж улсад тэргүүн байр эзэлж улмаар 8075 тн төмс хураан авч Эрдэнэт хотын хэрэгцээнээс илүү гарсан 500 тн төмсийг ОХУ-ын Владивосток хотод экспортолж, 1989 онд  3854 тн үр тариа хураан авсан нь сангийн аж ахуйн түүхэнд хамгийн өндөр ургац хураан авсан он жилүүд байсан юм. 

     2008 оноос  “Атрын III дахь аян” үндэсний хөтөлбөрийг Засгийн газраас зарлаж тариалангийн салбарыг сэргээн хөгжүүлэх зорилтыг дэвшүүлсэн билээ.  

    Орхон аймгийн газар тариалангийн салбарт 21 аж ахуй 1000 гаруй иргэн ажиллаж га-аас авах ургацын хэмжээг 15-аас 32.5 центрт хүргэж, төмс, хүнсний ногооны га-ийн ургацыг 127.0 центрт хүргэн сүүлийн 5 жил улсын дунджаас дээгүүр арвин ургац хураан авсан нь Монгол Улсад атар газар эзэмшиж, газар тариалангийн салбарыг шинжлэх ухааны үндэслэлтэй хөгжүүлсний түүхт 60 жилийн ой угтаж байгаа тариаланчид, механикжуулагчид, ногоочид та бүхний ажлын нөр их хөдөлмөрийн үр дүн юм. 

      Манай аймгийн газар тариалангийн салбараас “Хөдөлмөрийн баатар”, “Гавьяат механикжуулагч” 1, Гавьяат агрономич 1 төрөн гарсан бөгөөд “Улсын аварга тариаланч, механикжуулагч” 13, “Улсын аварга тариаланч хамт олон”-оор “Бүтлийн ундарга” ХХК  5 удаа,“Орхон тариа” ХХК 3 удаа,  “Алтан тошлой” ХХК  1 удаа тус тус шалгарсан байна. 

      Та бүхэндээ “Монгол улс атар газар эзэмшсэний түүхт 60 жилийн ой”-н баярын мэндийг дахин дэвшүүлж эрүүл энх, сайн сайхан бүхнийг хүсэн ерөөе.

 

Орхон аймгийн Засаг дарга 

Дамбын БАТЛУТ

2019-12-07

 

Сэтгэгдэл


Сэтгэгдэл

Мэдэгдэл. Энд сэтгэгдэл байхгүй!

Холбоотой мэдээлэл

2014-07-11 1049
Ховд аймгийн хоёр хүчтэн үзүүр түрүүнд үлдлээ

Монголын тулгар төрийн 2223, Их Монгол улсын 808, Ардын хувьсгалын 93 жилийн ойн Орхон аймгийн ...

2014-01-14 1027
Төрийн үйл ажиллагаанд иргэд оролцох, хяналт тавих хуулийн төслүүд боловсруулагдаж түүнд санал авч эхэллээ.

Өчигдөр Төрийн ордны иргэний танхимд Шилэн дансны тухай, Нийтийн зар мэдээний тухай, Засаг захиргаа, ...

2016-10-28 6828
Баян-Өндөр сумын ИТХ-ын даргаар Б.Баасансүрэн сонгогдлоо

Өнөөдөр Баян-Өндөр сумын ИТХ-ын анхдугаар хуралдаан боллоо. Уг хурлаар тус сумын ИТХ-ын даргыг сонгож, ...

Сурталчилгаа

 

 

 

Веб статистик

Таны IP хаяг: 34.204.200.74
2017-11-30-ний өдрөөс хойш.
  • 11 Онлайн
  • 1032 Өнөөдөр
  • 1735 Өчигдөр
  • 7999 Долоо хоногт
  • 36824 Сүүлийн сард
  • 1984056 Нийт хандалт

Санал асуулга

Манай вэб сайт таны санаанд хэр нийцэж байна?
Нийт саналын тоо:  742

Facebook

Цаг агаар