АЙМГИЙН ИТХ-ЫН ЭЭЛЖИТ 15 ДУГААР ХУРАЛДААН БОЛЖ БАЙНА

Аймгийн ИТХ-ын ээлжит 15 дугаар хуралдаан болж байна. Хурлыг нээж ИТХ-ын дарга П.Пүрэвлхагва хэлсэн үгэндээ, “Монгол Улсын Их Хурлаар Үндсэн хуулийн нэмэлт, өөрчлөлтийг баталснаар Эрдэнэт хот маань улсын зэрэглэлтэй хот болсон түүхэн цаг үед ээлжит хуралдаан болж байгааг тэмдэглэе. Улсын эдийн засгийн өсөлт 7 хувьд хүрч эдийн засаг сайжирч байгаа хэдий ч  2020 оны Улсын төсвийн тухай хуульд манай аймгаас тэгшитгэж төвлөрүүлэх орлогыг 16 тэрбумаас 29 тэрбум хүртэл өсгөн баталсан, аймгийн төсвийн хүндхэн нөхцөлд ирэх оныхоо төсвийг хэлэлцэн батлах гэж байна” хэмээн онцоллоо. Тус хурлаар, 2019 оны Үндсэн чиглэлийн биелэлтийн гүйцэтгэл, 2020 оны төлөвлөгөө, ирэх оны төсөв, Засаг даргын 2016-2020 оны Үйл ажиллагааны хөтөлбөр, түүний хэрэгжилт зэрэг зургаан асуудлыг хэлэлцэнэ.                       

   Үндсэн чиглэлийн биелэлт 90.8 хувийн гүйцэтгэлтэй байна 

Аймгийн ИТХ-ын ээлжит 15 дугаар хуралдаан үргэлжилж байна. Засаг даргын орлогч А.Түвшинжаргал  аймгийн нийгэм, эдийн засгийг  2019 онд хөгжүүлэх Үндсэн чиглэлийн биелэлтийг танилцуулж 90.8 хувийн гүйцэтгэлтэй байгааг мэдээллээ. 2019 онд Орхон аймгийн нийгэм, эдийн засаг, боловсрол, эрүүл мэнд зэрэг бүхий л салбарт хэрэгжиж буй онцлох хөтөлбөр, ажил, үр дүнгийн талаар товч мэдээлье. 
 
 
Улсын төсвийн хөрөнгөөр Жаргалант сумын Эрүүл мэндийн төвийн өргөтгөлийн барилгад  500 сая төгрөг, орон нутгийн төсвөөс Булаг багийн өрхийн эрүүл мэндийн төвийн барилга барьж эхлүүлэхэд 800 сая, БОЭТ-ийн  тоног, төхөөрөмжийг сайжруулахад  450  сая төгрөг зарцуулсан.
Амралт чөлөөт цагийн 18 талбай, тоглоомын 9,  биеийн тамирын 6 талбайг байгууллаа. 
117 иргэнд 489 сая төгрөг эргэн төлөгдөх нөхцөлтэй санхүүгийн дэмжлэг олгож шинээр  230 ажлын байр бий болгосон.  Мөн 2600 иргэнийг ажилд зуучилснаас байнгын ажлын байр 2160, улирлын болон түр ажлын байранд 440 иргэнийг ажилд зуучилж орлоготой болгов. 
Улсын төсвийн хөрөнгө оруулалтаар Яргуйт, Эрдэнэ, Булаг баг тус бүрт 150 хүүхдийн цэцэрлэг,  Их -Залуу багийн 23 дугаар цэцэрлэгийн өргөтгөл,  Жаргалант суманд  дотуур байр барих ажлыг эхлүүллээ.  Мөн   Баянбулаг багийн 16 дугаар сургуулийн спорт заалны барилга, Рашаант багийн 250 хүүхдийн сургуулийн барилга, 1 дүгээр сургуулийн 928 хүүхдийн суудал бүхий хичээлийн байрны өргөтгөлийн барилгын ажил 15-90 хувьтай гүйцэтгэлтэй байна. 
Хөрсний бохирдолтыг бууруулах зорилгоор  Байгаль хамгаалах арга хэмжээний зардлаас 300 сая,  БОАЖЯ-наас 250 сая,  НҮБ-ийн Хөгжлийн Хөтөлбөрөөс 95 сая төгрөгийн  санхүүжилтээр гэр хорооллын 300 өрх,   нийтийн эзэмшлийн 8 талбайд  эко ариун цэврийн байгууламж барив. 
"Явган зам" дэд хөтөлбөрийн хүрээнд  13  байршилд  13 мянган м.кв  явган хүний зам, гэр хорооллын 13 багт  11 км  сайжруулсан шороон зам барилаа. 
Мөн  Жаргалант суманд шинээр 8 мВт хүчин чадал бүхий уурын зуух барьж байна. 
Улсын төсвийн хөрөнгө оруулалтаар Баянбулаг багийн 0.7 км, Дөмөг захаас 6 хороолол хүртэлх 2.1 км, Дэнж, Эрдэнэ багт 3.6 км хатуу хучилттай  авто замын ажлыг хийж байна.
 
 
Мэдээллийн төв

 

 

Сэтгэгдэл


Сэтгэгдэл

Zochin

Орхон аймгийн цагдаагийн газар, прокурор, мэргэжлийн хяналтын газрынхан ажлаа хийнэ үү. ЕБС-д мэргэжлийн бус нийгмийн ажилтан, төлөвшлийн ажилтан ажиллаж байгаа нь гэмт хэрэг, авилга, хээль хахуультай болох нь тодорхой, тэдгээр нөхдүүд улсад хохирол учруулж боловсролын салбар дахь багш ажилчид сурагчдыг доромжилсон үйлдэл, хүүхдийн эрхийг ноцтойгоор зөрчсөн, бусдад болон мэргэжлийн хүмүүст сэтгэл санааны хохирол учруулсан, сурагчдад буруу үлгэр дуурайлал үзүүлж, нийгэм авилгын орон шүү гэдгээ харуулсан үйлдэл болох нь тогтоогдсоор байна. Тэднийг мэдсээр байж ажиллуулж байгаа захирлуудаас байцаалт авна уу. Төр төмөр нүүрээ үзүүлж нийгэмд сургамж болж мэргэжлийн бус нийгмийн ажилтан төлөвшлийн ажилтнуудыг ажиллуллж байгаа захирлуудыг мэргэжлийн бус шорогийн хоригдол болох үндэслэлтэй нийгмийн ажилтан, төлөвшлүүдийг төрийн өмнө мэдүүлэг авч зохих арга хэмжээг авч ажлаа хийгээчээ. Гэмт хэрэг авлигын шинж чанартай нь тогтоогдсоор бүүр ойлгомжтой байхад ажлаа хийгээчээ. Эдгээр нөхдүүдтэй юун хамтарч ажиллах вэ юун нэг тогооноос хоол идэх вэ хуулийн байгууллагынхаан эсвэл өөрсдөө тэд нартай холбоотой юмуу. Мэргэжлийн хяналтын газрынхан энгийн ядарсан ардыг дарамталдаг мөртлөө хяналт шалгалтаа хийхгүй юм. Хотын мэргэжлийн хяналтын газрынхан энэ тал дээр хяналт тавьж ажилладаг, Орхон аймгийн мэргэжлийн хяналтын газрын дарга нь хариуцсан мэргэжилтнийхээ хамт энэ авлигын шинж чанартай гэмт хэрэг, багш сурагч, эцэг эхчүүдийг доромжилсон, хүүхдийн эрхийг ноцтойгоор зөрчсөн үйлдэлтэй холбоотой юмуу. Ажлаа хийгээчээ. Ийм байхад мэргэжил сонголт гэж хэлэхээсээ ч ичиж байна. Сурагчид нээрээ тийм юм байна. Манай нийгмийн ажилтан төлөвшлийн ажилтан ийм мэргэжилтэй /тэс хөндлөн/ мөртлөө хийгээд яваад байдаг. Таны зөв юм байна жигшиж байна гэх зэргээр дуугарч байна. Хүүхдүүдийн өмнө нүдний булай болж байгаа, ирээдүйн мэргэжил сонголт дээр итгэх итгэлгүй болж байна, үүнийг засахын тулд ажлаа хийцгээгээчээ

Огноо:2019.11.29

Холбоотой мэдээлэл

2015-08-13 1469
“ЕВРО ЭКО ТӨГӨЛ” төслийн гэрээ шинэчлэн байгууллаа

Аймгийн Засаг даргын Тамгын газар Монгол-Чехийн хамтарсан

2015-02-06 1025
Жолооч нарт зориулсан “Аз жаргалын үнэлгээ” лекц сургалт боллоо

Одоогоос нэг жилийн өмнө согтуу жолоочийн буруутай үйлдлээс болж авто ослоор ханиа алдаж хүүхдүүдийн ...

2015-08-10 765
Аймгийн Засаг даргын зөвлөлийн хурал болж байна

Аймгийн Засаг даргын зөвлөлийн 15-р хуралдаан өнөөдөр 15:00 цагт эхэлсэн бөгөөд

Сурталчилгаа

 

 

 

Веб статистик

Таны IP хаяг: 100.26.176.182
2017-11-30-ний өдрөөс хойш.
  • 18 Онлайн
  • 1971 Өнөөдөр
  • 2057 Өчигдөр
  • 1971 Долоо хоногт
  • 17372 Сүүлийн сард
  • 1899011 Нийт хандалт

Санал асуулга

Манай вэб сайт таны санаанд хэр нийцэж байна?
Нийт саналын тоо:  736

Facebook

Цаг агаар