ӨНДӨР НАСНЫ ТЭТГЭВЭРТ ГАРАХ ТӨРИЙН АЛБАН ХААГЧДАД НЭГ УДАА БУЦАЛТГҮЙ ТУСЛАМЖ ОЛГОНО

Монгол Улсын Төрийн албаны тухай хууль шинэчлэгдэж энэ оны нэгдүгээр сарын нэгнээс хэрэгжиж эхэлсэн билээ. Энэ шинэчлэлийн хүрээнд төрийн албаны менежмент, ил, тод байдал, хүний нөөц, төрийн байгууллагын стратеги, зорилт, төрийн албан хаагчдад тавих шалгуур нөхцөл зэрэг олон өөрчлөлт бий болсон.

Мөн төрийн албан хаагчдын ажиллах нөхцөл, тогтвортой байдлыг хангах чиглэлээр зарим журамд ч өөрчлөлт орсон байна. Энэ талаар Монгол Улсын Төрийн албаны зөвлөл нь  төрийн албан хаагчдад мэдээлэл, зөвлөгөө хүргэх, чадавхижуулах, сургалт зохион байгуулах зэрэг олон ажил зохион байгуулж байна.

 Тухайлбал, Орхон аймгийн Төрийн албаны  салбар зөвлөл 2016, 2019 онд хоёр удаа Монгол Улсын Төрийн албаны зөвлөлтэй хамтран  төрийн албан хаагчдад чиглэсэн томоохон зөвлөгөөн, өдөрлөг зохион байгуулсан.

Энэ сарын 12-нд болсон “Монгол Улсын төрийн албаны менежментийн хөгжил” форумын үеэр  Монгол Улсын Төрийн албаны зөвлөлийн дарга Б.Баатарзориг төрийн албаны шинэчлэлийн хүрээнд хийгдэж буй өөрчлөлт, шинэчлэлтийн талаар мэдээлэл хийсэн билээ.

Тухайлбал, төрийн албан хаагчид өндөр насны тэтгэвэрт гарахдаа үндсэн цалингийнхаа 36 сарын цалинтай тэнцэхүйц буцалтгүй тусламжийг нэг удаа олгох талаар танилцууллаа. 

Үүнийг Засгийн газрын 2019 оны  1 дүгээр сарын 09-ний өдөр баталсан 07 дугаар тогтоол буюу  “Төрийн албан хаагчид өндөр насны тэтгэвэрт гарахад нэг удаагийн буцалтгүй тусламж олгох журам”-ыг үндэслэн олгох юм.

Тус журмын дагуу нэг удаагийн буцалтгүй тусламжийг төрийн үйлчилгээний бүх албан хаагч буюу  эмч, багш нарт ч олгоно.  Журам  ирэх оны нэгдүгээр сарын нэгнээс хэрэгжинэ.

Мөн Засгийн газрын 2018 оны 12 дугаар сарын 19-ний өдрийн 382 дугаар тогтоолын дагуу төрийн захиргааны болон үйлчилгээний алба хаагчдад төрийн алба хаасан хугацааны нэмэгдэл олгоно.

Үүнд 6-10 жилд 5 хувь, 11-15 жилд 10 хувь, 16-20 жилд 15 хувь, 21-25 жилд 20 хувь, 26 ба түүнээс дээш 25 хувийн нэмэгдэл олгоно. Уг журам ирэх оны нэгдүгээр сарын нэгнээс хэрэгжинэ.

Ташрамд дурдахад, Орхон аймагт 4000 гаруй төрийн албан хаагчид ажилладаг юм.

 

 

 

 

 

Сэтгэгдэл


Сэтгэгдэл

Bat eruult

Govil bagaas ar bulagiin amralt ruu tumur zam taviach

Огноо:2019.11.22

С.Бүрэнцэцэг

Төрийн албаны ажиллагсаддаа үнэтэй мэдээллийг цаг алдалгүй хүргэж байгаа Орхон аймгийн ЗДТГазрын хамт олонд баяр хүргэн ажлын өндөр амжилтыг хүсэн ерөөе.
Мөн Багш, Эмч дэд хөтөлбөрийн хүрээнд төрийн албанд ажиллагсдын нийгэм, эрүүл мэндрүү нь чиглэсэн олон сайхан ажлыг зохион байгуулж байгаа НБХэлтэсийн хамт олонд ажлын өндөр амжилт хүсье. Илүү их амжилт

Огноо:2019.11.14

Холбоотой мэдээлэл

2014-05-12 917
Өнөөдөр 70353511 төв-д Бүсийн оношилгоо эмчилгээний төвийн дарга Ч.Цэрэндагва ажиллана

Өнөөдөр "Иргэдийн санал хүсэлт хүлээн авах 70353511 төв"-д Бүсийн оношилгоо эмчилгээний ...

2014-06-25 1066
ХЯЗГААРЛАЛТЫН БҮС ТОГТООНО

Эрдэнэт хотын агаарын бохирдолтыг бууруулах зорилгоор “Агаарын чанарыг сайжруулах хязгаарлалтын ...

2015-02-03 1474
Цагаан сарыг хоггүй угтах аян төлөвлөгөөт хугацаанаасаа 2 хоногийн өмнө дуусна

Хот тохижуулах газрын мэдээллээр цагаан сарыг хоггүй угтах аяны хүрээнд гэр хорооллын хог татан ...

Сурталчилгаа

 

 

 

Веб статистик

Таны IP хаяг: 34.204.200.74
2017-11-30-ний өдрөөс хойш.
  • 13 Онлайн
  • 1732 Өнөөдөр
  • 2033 Өчигдөр
  • 5553 Долоо хоногт
  • 47046 Сүүлийн сард
  • 1994278 Нийт хандалт

Санал асуулга

Манай вэб сайт таны санаанд хэр нийцэж байна?
Нийт саналын тоо:  744

Facebook

Цаг агаар