61 ИРГЭНД ХҮҮГҮЙ, БАРЬЦААГҮЙ ЗЭЭЛ ОЛГОНО

Аймгийн Засаг даргын санаачилгаар байгуулагдсан “Эрдэнэт Шинжлэх ухаан технологийн парк” гагнуурын электродын үйлдвэр байгуулж олсон ашгаа өрхийн болон ЖДҮ эрхлэгчдэд зээл хэлбэрээр олгох ажлыг хоёр дахь удаагаа зохион байгуулж байна. Тодруулбал, Энэ удаад тус паркын ашиг болох 122 сая төгрөгийг 61 иргэнд олгох ажлын шалгаруулалт эхэллээ. Эдгээр иргэдэд 2 хүртэлх сая төгрөгийг эргэн төлөгдөх нөхцөлтэй, хүүгүй, барьцаагүй хэлбэрээр 24 сарын хугацаатай олгоно. 

Нийтдээ 150 иргэн төсөл ирүүлсэн байна. “Эрдэнэт ШУТП”-аас зээл авах хүсэлтэй иргэдийн төслийг 9-р сарын 27-ны өдрөөс 10-р сарын 27 хүртэл ажлын бүх өдөр хүлээн авсан. Мөн зээлийн танилцуулга үйл ажиллагааг Баян-Өндөр, Жаргалант сумын бүх багт зохион байгуулсан юм. 
 
Дашрамд дурдахад, “Эрдэнэт ШУТП” нь 2018 онд 140 сая төгрөгийн цэвэр ашигтай ажилласан. Тус парк нь “Эрдэнэт үйлдвэр”-ийн электродын хэрэгцээг 100 хувь хангаж байгаа юм. Дээрх ашгаа бичил болон өрхийн үйлдвэрлэл эрхлэгч 19 иргэнд хоёр сая төгрөг буюу нийт 38 сая, хамтарсан үйлдвэр байгуулах хоёр төсөлд нийт 100 сая төгрөгийн хөрөнгө оруулалт хийсэн. 
 
Түүнчлэн "Эрдэнэт шинжлэх ухаан технологийн парк" нь одоогоор хэд хэдэн үйлдвэрийн судалгаа хийж байна. Судалгааны дүнд Эрдэнэт хотын дэд бүтэц, эдийн засгийн нөөцөд тулгуурлаж 50 орчим үйлдвэрийг шинээр байгуулж хөгжүүлэх боломжтой гэж үзсэн. Эдгээрээс эхний ээлжинд 6 үйлдвэрийг цогцолбор хэлбэрээр хөгжүүлэхээр төлөвлөжээ. Үйлдвэр барих 10 мянган м.кв газрыг орон нутгаас Эрдэнэт шинжлэх ухаан технологийн паркт олгоод байна. 
 
 
 
 
 
 
 
 
Мэдээллийн төв

 

Сэтгэгдэл


Сэтгэгдэл

Мэдэгдэл. Энд сэтгэгдэл байхгүй!

Холбоотой мэдээлэл

2014-05-27 646
Ажилласан жил, тэтгэврийн даатгалын шимтгэлийг нөхөн тооцох хуулийн хугацаа 2014.05.31-нд дуусгавар болно

Ажилласан жил, тэтгэврийн даатгалын шимтгэлийг нөхөн тооцох хууль

2019-08-24 677
ГЭР ХОРООЛОЛД ЮНИВИШНИЙ ГУРВАЛСАН ҮЙЛЧИЛГЭЭ НЭВТРҮҮЛСЭН АНХНЫ АЙМАГ БОЛЛОО

ГЭР ХОРООЛОЛД ЮНИВИШНИЙ ГУРВАЛСАН ҮЙЛЧИЛГЭЭ НЭВТРҮҮЛСЭН АНХНЫ АЙМАГ БОЛЛОО

2019-05-27 257
ГАРААНЫ САНХҮҮЖИЛТ

ГАРААНЫ САНХҮҮЖИЛТ

Сурталчилгаа

 

 

 

Веб статистик

Таны IP хаяг: 100.26.176.182
2017-11-30-ний өдрөөс хойш.
  • 14 Онлайн
  • 1923 Өнөөдөр
  • 2057 Өчигдөр
  • 1923 Долоо хоногт
  • 17324 Сүүлийн сард
  • 1898963 Нийт хандалт

Санал асуулга

Манай вэб сайт таны санаанд хэр нийцэж байна?
Нийт саналын тоо:  736

Facebook

Цаг агаар