ЭРДЭНЭТ ХОТ ӨӨРИЙНХӨӨ ХЭРЭГЦЭЭГ ХАНГАХ ХЭМЖЭЭНИЙ ШАХМАЛ ТҮЛШ ҮЙЛДВЭРЛЭНЭ

2017 онд Эрдэнэт хотод агаар бохирдуулагч эх үүсвэрийн судалгааг явуулсан байдаг. Уг судалгааны дүнд аймгийн хэмжээнд 13190 орчим гал түлдэг суурин эх үүсвэр бүртгэгдсэн байна. Үүнээс гэрийн ердийн зуух 4253, гэрийн сайжруулсан зуух 468, байшингийн ердийн зуух 480, байшингийн сайжруулсан зуух 1417, ханан пишин 6403, нам даралтын зуух 164 байгааг тогтоосон юм. Эрдэнэт хотын агаарын бохирдлын хэмжээ нийслэл Улаанбаатарын хэмжээнд очоогүй ч цаашид автомашин болон утаат цэгийн тоо нэмэгдвэл өвөлдөө агаарын бохирдол улам нэмэгдэх болно.  

Эрдэнэт хот 1 дүгээр сарын дунд үед агаарын бохирдол хамгийн дээд цэгтээ хүрдэг. 2015 онд агаарт агуулагдах азотын давхар исэл байх ёстой хэмжээнээс 1.7 дахин, 2016 онд 1.4 дахин давсан байна.  
Иймд цаашид агаарын бохирдлыг бууруулах, байгаль орчинд ээлтэй түлш үйлдвэрлэх зорилгоор “Эрдэнэт үйлдвэр” ТӨХК-ийн Дулааны цахилгаан станцыг түшиглэн ОХУ-ын “PMI sysmems” компанитай хамтран хэрэгжүүлэхээр туршилтын ажил хийгдэж байна. 
Өнөөдөр Орхон аймгийн Засаг дарга Д.Батлут, Хотын захирагчийн албаны дарга М.Түмэнжаргал, ЗДТГ-ын Хөрөнгө оруулалт, хөгжлийн бодлого төлөвлөлтийн хэлтсийн дарга Ц.Баяржаргал нар “Эрдэнэт үйлдвэр” ТӨҮГ-ын Дулааны цахилгаан станцын удирдлагууд болон ОХУ-ын “PMI sysmems” компанийн инженер, шахмал түлшний үйлдвэрийн патент эзэмшигч нартай уулзлаа. 
Туршилтын журмаар анхны бүтээгдэхүүнийг гаргаж эхэлсэн бөгөөд 14 хоногийн дотор технологийн туршилтыг дуусган 100 шуудайг үйлдвэрлэн Орхон аймгийн зарим нэг айл өрхийг сонгон ханан пийшин, төслийн зуух, энгийн зуух, нам даралтын зуух гэх мэт төрөл бүрийн зуухыг сонгон бодит байдал дээр туршиж үзэх юм. 
Энэхүү шахам түлшний онцлог нь барьцалдуулагч бодисгүй байх, ямар ч төрлийн зууханд шатдаг байх, агаар бохирдуулдаг утаа бага байх тал дээр анхааран ажиллаж байна. 
Цаашид Эрдэнэт хотын түлшний хэрэгцээг бүрэн хангах үйлдвэр ашиглалтад орох юм. 
 
Мэдээллийн төв
 
 
 
 
 
 
 
 

 

Сэтгэгдэл


Сэтгэгдэл

Мэдэгдэл. Энд сэтгэгдэл байхгүй!

Холбоотой мэдээлэл

2016-10-17 1914
Эдийн засгийн хямралыг даван туулахад төр, хувийн хэвшил, Үйлдвэрчний эвлэлийн холбооны хамтын оролцоо чухал

Аймгийн Засаг дарга Д.Батлут, ҮЭХ-ны дарга М.Батцоож, “Ажил олгогч эздийн холбоо” ТББ-ын тэргүүн н.Цэдэнсодном ...

2014-08-19 3972
7-Р ТОЙРГИЙН ТАХАРЫН АЛБА

Монгол Улсын Их Хурлаар 2013 оны 07 сарын 05-ны өдөр батлагдсан Тахарын албаны тухай хуулиар эрх зүйн ...

2016-11-15 4478
Сураггүй болсон зургаан иргэнийг эсэн мэнд олжээ

Орхон аймагт эмэгтэйчүүд сураггүй алга болж байгаа талаарх ташаа мэдээлэл нийгмийн сүлжээ сайтуудад тавигдах ...

Сурталчилгаа

 

 

 

Веб статистик

Таны IP хаяг: 3.83.32.171
2017-11-30-ний өдрөөс хойш.
  • 5 Онлайн
  • 183 Өнөөдөр
  • 1303 Өчигдөр
  • 183 Долоо хоногт
  • 41676 Сүүлийн сард
  • 1988908 Нийт хандалт

Санал асуулга

Манай вэб сайт таны санаанд хэр нийцэж байна?
Нийт саналын тоо:  742

Facebook

Цаг агаар