ЗАСАГ ДАРГЫН ЗӨВЛӨЛИЙН ХУРЛААР, 2019-2020 ОНЫ ӨВӨЛЖИЛТИЙН БЭЛТГЭЛ АЖЛЫН ТАЛААР ХЭЛЭЛЦЭВ

Орхон аймгийн Засаг даргын зөвлөлийн ээлжит хурал боллоо. 

Энэ удаагийн хуралдаанаар Эрдэнэт хотын 2019-2020 оны өвөлжилтийн бэлтгэл хангах ажлын явц, аймгийн ХХАА-н салбарын өвөлжилтийн бэлтгэл хангах ажлын төлөвлөгөөний биелэлт, 2019-2020 оны хичээлийн шинэ жилийн бэлтгэл ажлын явцын танилцуулга, Төрөөс эрүүл мэндийн талаар баримтлах бодлогыг хэрэгжүүлэх Аймгийн дэд хөтөлбөр, Иргэдийг түрээсийн орон сууц хөтөлбөрт хамруулах журмын төсөл гэсэн 6 асуудал авч хэлэлцсэн юм.
       Төрийн Орон сууцны корпорациас санхүүжигдэн “Очир ундраа” группын барьж буй 315 айлын орон сууцны барилгын ажил одоо 80 гаруй хувьтай, гадна талбайн тохижилтын ажил эхлээгүй байдалтай байна.  Аймгийн ЗДТГ-ын холбогдох албаныханыг оролцуулсан ажлын хэсэг журам боловсруулан танилцуулсан боловч зарим нэг хуулийн заалттай зөрчилдсөн, агуулгын хувьд зөрүүтэйгээс шалтгаалан энэ асуудлыг дараагийн хуралдаанаар хэлэлцэхээр хойшлуулав.
       Харин хотын өвөлжилтийн бэлтгэл ажил нийт 67 хувийн гүйцэтгэлтэй явж байна. Үүнд 36 нэр төрлийн ажил хийхээр төлөвлөгөөнд тусгагдсан бөгөөд үүнээс бүрэн хэргэжсэн 5, хэрэгжих шатандаа буй 23, хугацаа болоогүй болон ажил удаашралтай байгаа 8 ажил байна. Иймд аймгийн Засаг даргын зүгээс удаашралтай байгаа ажлыг эрчимжүүлэх захын гэр хороололд үйл ажиллагаа явуулдаг сургууль цэцэрлэгүүдийн уурын зуух, халаалт дулаантай холбоотой асуудлыг шуурхайлах, Жаргалант суманд баригдаж эхлэх гэж буй уурын зуухны ажилд хяналт тавих зэрэг үүрэг даалгавар өгөв. 
      Мөн энэ хуралдаанаар аймгийн Хүнс, хөдөө аж ахуйн салбарын 2019-2020 оны  өвөлжилтийн бэлтгэл ажлын талаар хэлэлцэв. Тус салбарт 38 заалт бүхий арга хэмжээний төлөвлөгөө гарсан бөгөөд одоогийн байдлаар хэрэгжилт 72,6 хувь байна. 
Энэ өвөл аймгийн хэмжээнд 1180 өрхийн 120 гаруй мянган мал, бусад аймаг сумдын нутагт 265 өрхийн 51,9 мянган толгой мал өвөлжих төлөвтэй байна. 8000 тонн байгалийн хадлан, аймгийн аюулгүйн нөөцөд 20 тонн өвс, 10 тонн тэжээл Баян-Өндөр, Жаргалант сумдын аюулгүйн нөөцөд 120 тонн өвс, 40 тонн тэжээл нэмж бэлтгэхээр байна. Өвөлжилтийн бэлтгэл ажлын хүрээнд малчин ард иргэд өвөлжөө бууцаа дулаалах, засч сэлбэх ажил хийгдэж байгаа аж. Харин газар тариалангийн хувьд ирэх хаврын тариалалтад бэлтгэх , үр нөөцлөх, үтрэм агуулахууд бэлтгэх уринш хийх ажлууд хийгдэж байна. 
Аймгийн Эрүүл мэндийн газраас төрөөс эрүүл мэндийн талаар баримтлах бодлогыг хэрэгжүүлэх аймгийн дэд хөтөлбөрийн 2018 он хэрэгжилтийн талаар хэлэлцсэн. Түүнчлэн 2019-2020 оны хичээлийн жилийн бэлтгэл ажлын талаар хэлэлцсэн бөгөөд энэ хичээлийн жилд төрийн өмчийн 28, хувийн хэвшлийн 10 нийт 38 цэцэрлэг үйл ажиллагаа явуулна. одоогийн байдлаар 8658 хүүхэд СӨБ-ын байгууллагад бүртгүүлээд байна. Шинээр Баянбулаг багийн 150, Булаг багийн 18-р цэцэрлэгийн 150 хүүхдийн өргөтгөлийн барилга, шинээр ашиглалтад орно. ЕБС-д 2400 гаруй хүүхэд нэгдүгээр ангид шинээрр элсэн орж байгаа бөгөөд ЕБС-д нийт 21000 орчим хүүхэд суралцах аж. 1-р сургуулийн 928 хүүхдийн суудалтай өргөтгөлийн барилга, 16-р сургуулийн спорт заал, цайны газрын өргөтгөлийн барилгууд шинээр ашиглалтад орно. Одоогоор аймгийн БСУГ-аас анги танхимын хүрэлцээг нэмэгдүүлэх, сурах бичгийн хангалт, багш нарын сургалт, сурагчийн дүрэмт хувцасны хангалт, сургууль цэцэрлэгүүдийн засварын ажилд анхааран ажиллаж байна гэсэн мэдэллүүдийг өглөө. 
Аймгийн удирдлагуудын зүгээс өвөлжилтийн бэлтгэл ажлыг чиглэл бүрээр түргэн шуурхай чанартай гүйцэтгэхэд анхаарч ажиллах үүрэг чиглэл өглөө. 
 
Мэдээллийн төв
 
 
 
 

 

Сэтгэгдэл


Сэтгэгдэл

Мэдэгдэл. Энд сэтгэгдэл байхгүй!

Холбоотой мэдээлэл

2013-05-31 1222
Төрийн бус өмчийн 2 цэцэрлэг үйл ажиллагаагаа эхэллээ

Төрийн бус өмчийн “Гоё”, “Ундрам” гэсэн хоёр цэцэрлэг сургалтын ажил эрхлэх тусгай ...

2014-10-05 1190
Үйлдвэр, хөдөө аж ахуй чиглэлээр: 2014 оны 09 сарын 29-нөөс 10 сарын 03

Аймгийн Үйлдвэр, Хөдөө аж ахуйн газраас 2014 оны 10 дугаар сарын 02-ны өдөр Амарын талбайд “Нээлттэй ...

2014-10-06 1140
“Маамуу нааш ир” цэцэрлэгийн халаалт энэ долоо хоногт жигдэрнэ

Зарим газрын айл өрхийн халаалт доголдсоны гол шалтгаан нь өвөлжилтийн бэлтгэл ажлын хүрээнд хийж ...

Сурталчилгаа

 

 

Веб статистик

Таны IP хаяг: 3.226.243.10
2017-11-30-ний өдрөөс хойш.
  • 4 Онлайн
  • 175 Өнөөдөр
  • 832 Өчигдөр
  • 175 Долоо хоногт
  • 19558 Сүүлийн сард
  • 1755943 Нийт хандалт

Санал асуулга

Манай вэб сайт таны санаанд хэр нийцэж байна?
Нийт саналын тоо:  724

Facebook

Цаг агаар