ТҮРЭЭСИЙН ОРОН СУУЦНЫ БАРИЛГЫН ЯВЦ 88,7 ХУВЬТАЙ ҮРГЭЛЖИЛЖ БАЙНА

Орхон аймагт баригдаж буй 315 айлын түрээсийн орон сууцны барилгын ажлын явцтай Засаг даргын орлогч С.Батжаргал, ГХБХБГ-ын мэргэжилтнүүд танилцлаа. Өнөөдрийн байдлаар дээрх барилгын ажлын явц 88,7 хувьтай үргэлжилж байна. Одоогоор дотоод заслын ажил хийгдэж байгаа гэж гүйцэтгэгч “Очир Ундраа” ХХК-ийн инженер Г.Ганбат хэллээ.

Гүйцэтгэгч компанийн зүгээс 8-р сарын 15-нд техникийн комисс ажиллуулж, 9-р сарын эхээр улсын комисс ажиллуулах төлөвлөгөөтэй ажиллаж байгаа гэнэ.
 
Уг бүтээн байгуулалт нь 9 давхар 5 блок барилгатай. Давхар тус бүр 7 айлтай буюу 3 өрөө байр нэг, 2 өрөө байр гурав, 1 өрөө байр 3 байх юм. Эдгээр нь 34-66 м.кв хэмжээтэй. Орчин үеийн цахилгаан шат, домофон системтэйгээс гадна давхар бүрийг камержуулжээ.
 
Анх байгуулсан гэрээгээр “Очир Ундраа” ХХК нь 6-р сарын 30-нд дээрх 315 айлын орон сууцыг ашиглалтад хүлээлгэн өгөх ёстой байсан. Ийнхүү ажил нь удааширсан нь дулаанд холбогдох ажил саатсанаас болсон гэж тус компанийн инженер тайлбарлалаа.
 
Түүнчлэн, өнөөдрийн байдлаар барилгын гадна тохижилтын ажил огт эхлээгүй байна. Одоогоор гадна тохижилтын зураг төсөв боловсруулах ажил хийгдэж буй. Үүний дараа шаардлагатай хөрөнгийн асуудлыг шийдэх ёстой.
 
Тэгвэл уг ажилтай танилцсан Засаг даргын орлогч С.Батжаргал хэлэхдээ “Барилгын ажил 88,7 хувьтай үргэлжилж байгаа боловч гадна тохижилтын ажил эхлээчгүй байна. Улсын комисс иж бүрэн барилга хүлээж авах ёстой. Одоогоор гадна тохижилтын ажлын хөрөнгө шийдэгдээгүй байгаа. Бид аль болох богино хугацаанд ашиглалтад оруулахаар ажиллаж байна” гэлээ.
 
Иймд түрээсийн орон сууцанд орох иргэдийг бүртгэж эхлээгүй байгаа юм.  
 
 
 
 
 
 
Мэдээллийн төв
 

 

Сэтгэгдэл


Сэтгэгдэл

Мэдэгдэл. Энд сэтгэгдэл байхгүй!

Холбоотой мэдээлэл

2019-05-03 2045
ОРХОН АЙМГИЙН ЗАСАГ ДАРГА Д.БАТЛУТ ӨСВӨРИЙН ШИГШЭЭ БАГИЙН ХҮҮХДҮҮДЭД СПОРТЫН ИЖ БҮРЭН ХУВЦАС БЭЛЭГЛЭЛЭЭ

2015 онд багийн спортыг хөгжүүлэх тухай Монгол улсын Ерөнхийлөгчийн зарлиг гарч байсан бол Монгол улсын ...

2014-07-15 1262
Аврах гал унтраах 56-р ангийн аврагч гал сөнөөгч Ч.Алтанбаганыг шагналаа

2014.05.04-нд гал түймрийн аюулаас 3 хүний эрдэнэт амь насыг авран хамгаалсан Орхон аймгийн Онцгой байдлын ...

2014-12-01 1122
Нэгдсэн тооллого явагдаж байна

Огцом хүйтэрч байна. Ганц хоёр хоногоос хүйтний эрч сулрана гэж цаг агаарынхан хэлж байна. Цаг агаарынхан ...

Сурталчилгаа

 

 

 

Веб статистик

Таны IP хаяг: 3.229.118.253
2017-11-30-ний өдрөөс хойш.
  • 16 Онлайн
  • 1877 Өнөөдөр
  • 2376 Өчигдөр
  • 4253 Долоо хоногт
  • 35719 Сүүлийн сард
  • 2033261 Нийт хандалт

Санал асуулга

Манай вэб сайт таны санаанд хэр нийцэж байна?
Нийт саналын тоо:  748

Facebook

Цаг агаар