БОЛОВСРОЛ, СОЁЛ, ШИНЖЛЭХ УХААН СПОРТЫН САЙД Ё.БААТАРБИЛЭГ ОРОН НУТГИЙН УДИРДЛАГУУДТАЙ ЦАХИМ ХУРАЛ ХИЙЛЭЭ

БСШУС-ын сайд Ё.Баатарбилэг саяхан манай аймагт ирж ажиллан боловсрол, соёл, спортын салбарын ажилтан, албан хаагчидтай уулзалт хийсэн билээ. Энэ үеэс салбарын яамнаас баримталж буй бодлого, зорилт, хийж хэрэгжүүлж буй ажлуудаа танилцуулсан. 

Тэгвэл өнөөдөр сайд Ё.Баатарбилэг тус яамны газрын дарга нар болон удирдах ажилтнуудын хамтаар орон нутгийн аймгуудын дарга удирдлагуудтай онлайнаар шууд холбогдож, цахим хуралдаан хийлээ. Манай аймгийн зүгээс Орхон аймгийн Засаг даргын орлогч С.Батжаргал, БСУГ-ын дарга Ж.Бат-Амгалан нараар ахлуулан бусад албаны хүмүүс оролцлоо.  
Манай улсын хэмжээнд нийт 1 сая орчим хүүхэд шат шатны боловсролын байгууллагад сурч, хүмүүждэг гэсэн дүн мэдээ байдаг. 
Цахим хуралдааны үеэр улсын хэмжээгээр боловсрол, соёлын салбарын 22 барилга объект баригдаж байгаад санхүүжилгүйн улмаас барилгын ажил царцаагдаж, зогссоныг 2020 оны төсөвт санхүүжилтийг суулгуулах талаар Засгийн газрын хуралдаанаар оруулах гэж байгаагаа мэдэгдлээ. Улсын хэмжээгээр энэ онд 132 цэцэрлэг ашиглалтад орох бол ирэх 2020 онд 142 цэцэрлэг шинээр ашиглалтад орохоор байна.  
Ирэх жил БСШУС-ын яамнаас сургууль, цэцэрлэг, дотуур байрнуудын их засварыг хийхэд анхаарахаас гадна үдийн цай хөтөлбөр, цэцэрлэг, дотуур байрны хүүхдийн хоолны зардалыг 50 хувиар нэмэгдүүлэхээр болжээ. 
Сүүлийн жилүүдэд өргөн хэрэглээний бараа бүтээгдэхүүний үнэ нэмэгдсэн ч үдийн цай хөтөлбөрт зарцуулагдаж байгаа зардал 2012 оноос хойш ер нэмэгдээгүй байсан юм. Цаашид ЕБС-ийн “Үдийн цай” хөтөлбөрийг “Үдийн хоол” болгон нэр төрөл, амт чанар, килокалорыг нэмэгдүүлэхийг зорьж байна. 
Мөн багш нарын ажиллах орчин нөхцлийг сайжруулах, анги танхим кабинетууд, багшийн хөгжлийн тэнхим зэргүүдийн тохижуулах, техник тоног төхөөрөмжүүдээр хангах, ажлын ачааллыг бууруулахад анхаарч байгаа бөгөөд хичээлийн агуулгыг хөнгөрүүлснээр зарим хичээлүүд заах ёстой цагтаа багтдаггүй, сурагчдад гэрийн даалгавар их өгөх зэрэг сөрөг байдлууд арилах юм. Хичээлийн агуулга хөнгөрч байгаа тул ялангуяа 6 настнуудад очих хичээлийн цаг, агуулга буурч байна. 
  Харин ганцхан хичээлийн агуулга, хөтөлбөр үндсээрээ өөрчлөгдөж байгаа нь  “Иргэний боловсрол” хичээл юм. Энэхүү хичээл нь Монгол хүүхдүүдэд илүү ойр дөт үндэсний соёл, ёс, зан заншлыг уламжлуулан танин мэдэхүйд суурилагдан, эх оронч үзлийг төлөвшүүлэхэд чиглэгдэж байгаагаараа онцлогтой. 
Хуралдааны эцэст БСШУС-ын сайд Ё.Баатарбилэг орон нутгийн удирдлагуудад хандаж багш нарыг төр, олон нийтийн ажилд ихээр татан оролцуулахгүй байх талаар анхаарч ажиллахыг хүссэн бөгөөд энэ нь багш нар хичээл заах, хөтөлбөр төлөвлөгөө боловсруулах, шавь нартайгаа ажиллах цагийг багасгадаг сөрөг үр дагавартай байгааг хэллээ. 
 
Мэдээллийн төв
 
 

 

Сэтгэгдэл


Сэтгэгдэл

Мэдэгдэл. Энд сэтгэгдэл байхгүй!

Холбоотой мэдээлэл

2018-05-03 14182
БНСУ-ЫН ХӨРӨНГӨ ОРУУЛАЛТААР БАРИГДАХ ОРОН СУУЦНЫ ХОРООЛЛЫН АЖИЛ ЭХЭЛЛЭЭ

Эрдэнэт хот, БНСУ-ын Шихэн хоттой тогтоосон найрамдалт харилцаа, хамтын ажиллагааны хүрээнд тус улсын ...

2014-10-17 1289
ЭБОЛА ВИРУСЫН ХАЛДВАРААС СЭРГИЙЛЬЕ

Эбола вирусын халдвар (өмнө нь Эболагийн цусархаг халууралт гэж нэрлэдэг байсан) цочмог явцтай, үхлийн ...

2014-06-17 899
Хөдөлмөрийн яамны ЖДҮХС-аас олгох хөнгөлөлттэй зээлд хамрагдах хүсэлтэй иргэдийн иргэдийн анхаарал

Хөдөлмөрийн яамны ЖДҮХС-аас олгох хөнгөлөлттэй зээлд хамрагдах хүсэлтэй иргэн, аж ахуйн нэгжийн бизнес ...

Сурталчилгаа

 

 

 

Веб статистик

Таны IP хаяг: 34.238.190.122
2017-11-30-ний өдрөөс хойш.
  • 8 Онлайн
  • 805 Өнөөдөр
  • 2455 Өчигдөр
  • 12919 Долоо хоногт
  • 72926 Сүүлийн сард
  • 2356994 Нийт хандалт

Санал асуулга

Манай вэб сайт таны санаанд хэр нийцэж байна?
Нийт саналын тоо:  768

Facebook

Цаг агаар