ГЕРМАНЫ ОЛОН УЛСЫН ХАМТЫН АЖИЛЛАГААНЫ НИЙГЭМЛЭГИЙН “ТОГТВОРТОЙ ХӨГЖИЛ-ТҮНШЛЭЛ” ТӨСӨЛ ХЭРЭГЖИНЭ

Манай улс анх 1974 оны 1 дүгээр сарын 31-ний өдөр ХБНГУ-тай дипломат харилцаа тогтоож, 2008 оноос иж бүрэн түншлэлийн хүрээнд хамтран ажиллаж эхэлсэн байдаг. Харин үүнээс өмнө буюу 1992 онд Засгийн газар хоорондын Техникийн хамтын ажиллагааны тухай хэлэлцээр болж байжээ. 

Одоогийн байдлаар ХБНГУ-ын Эдийн засгийн хамтын ажиллагаа, хөгжлийн яам, Германы Олон улсын хамтын ажиллагааны нийгэмлэг /буюу GIZ/, Германы Сэргээн босголтын зээлийн банк /KfW/ гэсэн байгууллагуудтай Эрчим хүчний үр ашиг, Биологийн олон янз байдлыг хамгаалах, Ашигт малтмалын тогтвортой менежемент гэсэн чиглэлүүдээр манай улс хамтран ажиллаж байна. 
      1990 оноос хойш ХБНГУ нь Монгол Улсад 360 сая орчим еврогийн хөгжлийн тусламж олгоод байна. Үүнээс 170 сая орчим евро нь буцалтгүй тусламж юм.
   Харин манай аймаг Германы Олон улсын хамтын ажиллагааны нийгэмлэг /буюу GIZ/ байгууллагатай хамтран ажилахаар болсон. Германы Олон Улсын Хамтын Ажиллагааны Нийгэмлэг (GIZ) нь дэлхий дахинд тогтвортой хөгжлийн чиглэлээр ажиллаж буй олон улсын байгууллага юм. 
     “Тогтвортой хөгжил-түншлэл” төслийн багаас хамтын ажиллагааны зөвлөлийг байгуулах талаар аймгийн ЗДТГ, ИТХ-ын төлөөллүүд болон холбогдох албаны хүмүүстэй өчигдөр ЭМГ-ын сургалтын танхимд уулзаж хамтын ажиллагааны зөвлөлийг байгуулах талаар санал бодлоо солилцож, сургалт зохион байгууллаа.
Хамтарсан зөвлөл нь “Тогтвортой хөгжил-түншлэл” хүрээнд орон нутгийн хөгжилд Төр, иргэний нийгмийн байгууллага, уул уурхай, жижиг дунд үйлдвэрлэл эрхлэгчдийн төлөөллийн тэгш оролцоог хангасан, түншлэлийн уялдаа холбоо, хамтын ажиллагааг хангах үүрэгтэй ажиллах юм.
   “Тогтвортой хөгжил-түншлэл” төсөл Орхон аймагт хэрэгжсэнээр тогтвортой хөгжил, дэвшлийн төлөө нийгмийн бүлгүүдийн бүтээлч оролцооны шинэ хандлагыг тодорхойлон төрийн байгууллага, ААН хамтран ажиллаж, иргэдийн амьдралын чанарыг сайжруулахад бодитой хувь нэмэр оруулах зэрэг давуу талтай. Цаашлаад төрийн захиргааны байгууллагын шийдвэр гаргалт, хэрэгжүүлэлтэд салбар бүрийн бүтээлч санал, санаачилгыг дэмждэг, иргэдийн эрх ашгийг хамгаалж ажиллах юм.
     Зөвлөлийн үйл ажиллагаа нь нээлттэй, ил тод, хамтын ажиллагаа, харилцан хяналтын тогтолцоонд тулгуурлах бөгөөд төр, иргэний нийгмийн байгууллага, жижиг дунд үйлдвэрлэл эрхлэгч, томоохон аж ахуйн нэгжийн түншлэлийн тэгш оролцоог ханган ажиллах юм.
 
Мэдээллийн төв
 
 
 

 

Сэтгэгдэл


Сэтгэгдэл

Мэдэгдэл. Энд сэтгэгдэл байхгүй!

Холбоотой мэдээлэл

2015-03-30 805
Эрүүл мэндийн газрын долоо хоногийн мэдээ /2015.03.23-27/

1. Эрүүл мэндийн байгууллагуудын эмчилгээ чанарын албадын хурлыг зохион байгуулж, 2015 оны хийх ажлын ...

2013-07-02 692
Согтуугаар машин жолоодох явдал буурахгүй байна.

Өнгөрсөн долоо хоногт 144 иргэн эрүүлжүүлэгджээ. Энэ нь өдөрт дунджаар хориод хүн эрүүлжүүлэгджээ гэсэн ...

2014-09-17 668
2014.09.18-ны өдөр аймгийн Иргэдийн Төлөөлөгчдийн Хурлын ээлжит 18 дугаар хуралдаан хуралдана

1. Орхон аймгийн Нутгийн удирдлагын үйл ажиллагааны үр дүнгийн шалгуур үзүүлэлт тооцох тухай 2. Орхон ...

Сурталчилгаа

 

 

Веб статистик

Таны IP хаяг: 3.90.108.129
2017-11-30-ний өдрөөс хойш.
  • 9 Онлайн
  • 789 Өнөөдөр
  • 1084 Өчигдөр
  • 3960 Долоо хоногт
  • 25205 Сүүлийн сард
  • 1616324 Нийт хандалт

Санал асуулга

Манай вэб сайт таны санаанд хэр нийцэж байна?
Нийт саналын тоо:  707

Facebook

Цаг агаар