“ЭДЦС” ТӨХК-ИЙН ХҮЧИН ЧАДЛЫГ ӨРГӨТГӨХ АЖЛЫН НЭЭЛТ БОЛЛОО

Эрдэнэтийн дулааны цахилгаан станцыг барьж байгуулах ажил 1983 оноос эхэлсэн бөгөөд 1986 онд анхны зуухыг галлаж, 1987 онд анхны турбиныг ажиллуулж байсан бол 1990 онд бүрэн ашиглалтад оруулж байсан түүхтэй. Түүнээс хойш ямар нэг байдлаар томоохон хөрөнгө оруулалт хийгдэж байгаагүй бөгөөд ПТ-12-35/10М турбин нь өвөл, зуны улиралд бүрэн ачаалалтай байнгын ажиллагаатай байдаг тул 1987-2018 оны 11-р сар хүртэл 248,400 цаг ажилласан нь ОХУ-н Калугын турбины үйлдвэрийн баталгаат цаг 150,000 цагаас хэтэрсэн, манай аймагт “Эко”, “Өнөр”, “Залуус”, “Элит” хорооллууд баригдаж эхэлсэн, цаашид VII, VIIA, X, IIA хорооллууд баригдаж ашиглалтад орох тул сүлжээний групп бойлерын хүчин чадлыг нэмэгдүүлэх, шинэчлэх шаардлага тулгараад байв.

2018 оны 4 дүгээр сарын 29-нд  Монгол улс, БНХАУ-ын Засгийн газар хоорондын хэлэлцээрийн дагуу хөнгөлөлттэй зээлийн хүрээнд  явагдах өргөтгөлийн ажлын тусгайлсан гэрээнд Монгол улсын Ерөнхий сайд У.Хүрэлсүх, БНХАУ-ын Төрийн Зөвлөлийн Ерөнхий сайд Ли Көчяны урилгаар тус улсад  айлчлах   үеэр гарын үсэг  зурсан бөгөөд БНХАУ-ын 100 хувь төрийн өмчит “Hunan industrial equipment installation” компани 1 жилийн дотор гүйцэтгэхээр болжээ. 
Төслийн анхны хөрөнгө оруулалт нь жилийн горим, ТЭЗҮ, зээлийн хүү, Тээврийн зардал, гааль, НӨАТ зэргийг оруулаад тооцоход анхны хөрөнгө оруулалт нь 51,8 сая ам. доллар байх бөгөөд 9,9 жилд өртөгөө нөхөх юм.
Эрчим хүчний эх үүсвэрүүдийн дундаж тарифаар тооцоход цахилгаан эрчим хүчний борлуулалт 56,2 тэрбумд хүрч, цахилгаан эрчим хүчний өөрийн өртөг 65,04 төгрөгөөр бууран 82,2 төгрөг болж, “Эрдэнэтийн дулааны цахилгаан станц” ТӨХК жилд 12,79 тэрбум төгрөгийн ашигтай ажиллаж эхэлнэ. 
      Нээлтийн үйл ажиллагаа өнөөдөр болсон бөгөөд Монгол улсын Их хурлын гишүүн, Засгийн газрын гишүүн, Эрчим хүчний сайд Ц.Даваасүрэн, БНХАУ-ын элчин сайдын яамны эдийн засаг, худалдааны зөвлөх Сун Шүэ Жүнь, Төрийн өмчийн бодлого зохицуулалтын газрын мэргэжилтэн, Төлөөлөн удирдах зөвлөлийн гишүүн Д.Одмаа, Эрчим хүчний зохицуулах хорооны Зохицуулагч Д.Бассайхан, Орхон аймгийн ИТХ-ын дарга П.Пүрэвлхагва, Орхон аймгийн засаг даргын орлогч С.Батжаргал, БНХАУ-ын элчин сайдын яамны эдийн засаг, худалдааны зөвлөхийн нарийн бичиг Сунь Вэй, БНХАУ-ын “Хунан Индастрал Экуйпмент Инсталэйшн” ХХК-ийн Төлөөлөн удирдах зөвлөлийн дарга Жоу Хуй, Хунан Индастрал Экуйпмент Инсталэйшн” ХХК-ийн Тэргүүн дэд захирал Фу Жиан Хуа, “Диспетчерийн үндэсний төв” ХХК-ийн гүйцэтгэх захирал Г.Балжинням нарын албаны хүмүүс оролцлоо. 
     Нээлтийн үйл ажиллагаа, шав тавих ёслолоос өмнө Эрчим хүчний сайд Ц.Даваасүрэн “ЭДЦС” ТӨХК-ийн үйл ажиллагаатай танилцлаа. 
 
Мэдээллийн төв
 
 
 
 
 
 

 

Сэтгэгдэл


Сэтгэгдэл

Мэдэгдэл. Энд сэтгэгдэл байхгүй!

Холбоотой мэдээлэл

2015-04-21 816
Эрдэнэт хотын 40 жилийн ойн комисс байгуулж төлөвлөгөө гаргаж ажиллахыг үүрэгдэв

Хэлтэс албадын дарга нарын шуурхай хуралдаан боллоо

2017-02-24 1450
ОРХОНЧУУД БИЧИН ЖИЛД УЛСЫН ЧАНАРТАЙ ТЭМЦЭЭНЭЭС 217 АЛТАН МЕДАЛЬ ХҮРТЖЭЭ

Арван долдугаар жарны “Алтан унжлагат” хэмээх гал тахиа жилийн босгон дээр өнгөрөгч жилд урлаг, спорт, ...

2018-06-28 1720
ХООЛНЫ ХОРДЛОГОТ ХАЛДВАРААС СЭРГИЙЛНЭ ҮҮ

Урин дулааны улирал эхэлсэнтэй холбоотойгоор олныг хамарсан хоолны хордлогот халдварын дэгдэлт гарч, ...

Сурталчилгаа

 

 

Веб статистик

Таны IP хаяг: 35.153.135.60
2017-11-30-ний өдрөөс хойш.
  • 14 Онлайн
  • 626 Өнөөдөр
  • 2021 Өчигдөр
  • 2647 Долоо хоногт
  • 32364 Сүүлийн сард
  • 1669634 Нийт хандалт

Санал асуулга

Манай вэб сайт таны санаанд хэр нийцэж байна?
Нийт саналын тоо:  715

Facebook

Цаг агаар