ХҮҮХЭД ИВЭЭН ТЭТГЭХ ХӨТӨЛБӨРТ 50 САЯ ТӨГРӨГ ЗАРЦУУЛНА

Аймгийн Засаг дарга Д.Батлут Дэлхийн зөн олон улсын байгууллагын Монгол Улс дахь суурин төлөөлөгч Филип Ийвэртыг хүлээн авч уулзлаа.

Энэ үеэр Орхон аймаг тус байгууллагын “Хүүхэд ивээн тэтгэх” хөтөлбөрийг орон нутагтаа хэрэгжүүлэхэд төсвөөс 50 сая төгрөг зарцуулахаар болсныг олон нийтэд мэдээлсэн юм. 
 
Учир нь урьд жилүүдэд уг хөтөлбөр нь гадаадын иргэдийн сайн санааны хандиваар санхүүждэг байсан бол одооноос Монголын хандивлагч иргэдийн хөрөнгөөр хэрэгжихээр болсон байна. Монголчууд Монголчууддаа санаачилгын хүрээнд хэрэгжиж буй уг хөтөлбөрт одоогоор Орхон аймгийн 270 хүүхдийг хамруулсан байна. Энэ онд дээрх тоог 2 дахин нэмэгдүүлэхээр төлөвлөжээ. 
 
Мөн уулзалтын үеэр Орхон аймаг тус байгууллагатай “Гамшигт тэсвэртэй хотууд”  төслийг хамтран хэрэгжүүлэх гэрээнд гарын үсэг зурлаа. 
 
Уг төсөл нь ДЗОУБ болон USAID байгууллагын 380 мянга гаруй америк долларын санхүүжилттэй. Нийслэлийн 9 дүүрэг, 9 хороо, Орхон аймгийн 4 байгууллага, 6 багт хэрэгжинэ. Төсөл 2020 оны 9-р сар хүртэл үргэлжилнэ гэж тус байгууллагын ажилтан М.Аззаяа ярилаа. 
 
Төсөл хэрэгжснээр суурин газрын гамшгийн эрсдэлийг бууруулах, даван туулах чадавхыг бэхжүүлэх, орон нутгийн түвшний гамшгийн менежментийг сайжруулах цаашлаад “Гамшгаас хамгаалах тухай хууль”, “Гамшгийн эрсдэлийг олон нийтийн оролцоотой бууруулах үндэсний хөтөлбөр”-ийн хэрэгжилтийг хангахад түлхэц болно гэж  үзэж байгаа аж. 
 
ДЗОУБ нь Орхон аймагт 2001 оноос өнөөг хүртэл “Эрдэнэт” хөгжлийн хөтөлбөрийг хэрэгжүүлсэн. Энэ хугацаанд манай аймгийн 20 мянга гаруй хүүхэд, 35 мянга гаруй насанд хүрэгчдэд шууд болон шууд бусаар хүрч ажилласан гэж тус байгууллагын тайланд дурдсан байна. 
 
 
 
 
 
 
 
Мэдээллийн төв

 

Холбоотой мэдээлэл

2014-10-28 1802
Эрүүл мэндийн байгууллагаас “Нээлттэй хаалганы өдөр” зохиогдлоо

Аймгийн Засаг даргын Тамгын газрын 2014 оны 4/59–р тоотын хуваарийн дагуу төрийн байгууллагуудаас ...

2014-03-25 2315
“Эрдмийт”ХХК нь хонь, ямааны махыг гулуузаар зарж эхэллээ

Өнөөдрөөс эхлэн нөөцийн махнаас хонь, ямааны махыг гулуузаар долоон хоног бүрийн мягмар, пүрэв, бямба ...

2014-10-06 1305
Иргэдийн санал хүсэлт “Эрдэнэт ус” уруу голчлон чиглэжээ

Өнгөрсөн долоо хоногт иргэдийн санал хүсэлт хүлээн авах 70353511 төв дээр нийт 101 өргөдөл, гомдол, ...

Цахим төрийн үйлчилгээ


Сурталчилгаа

 

 

 

Веб статистик

Таны IP хаяг: 54.158.251.104
2021-01-03-ний өдрөөс хойш.
  • 21 Онлайн
  • 1583 Өнөөдөр
  • 1745 Өчигдөр
  • 12342 Долоо хоногт
  • 8613 Сүүлийн сард
  • 6446887 Нийт хандалт

Санал асуулга

Манай вэб сайт таны санаанд хэр нийцэж байна?
Нийт саналын тоо:  1052

Facebook

Цаг агаар