ОРХОН АЙМГИЙН ЗАСАГ ДАРГА БӨГӨӨД ЭРДЭНЭТ ХОТЫН ЗАХИРАГЧ ДАМБЫН БАТЛУТЫН XVII ДУГААР ЖАРНЫ ШОРООН ГАХАЙ ЖИЛИЙН САР ШИНИЙН МЭНДЧИЛГЭЭ

Орхон аймгийн нийт иргэд та бүхэндээ XVII жарны “Урвуулагч” хэмээх Шороон гахай жилийн сар шинийн баярын мэндийг өргөн дэвшүүлье!

 
Улиран одож буй Шороон нохой жил Эрдэнэтчүүд бидэнд ээл ивээлээ хайрласан сайхан жил болж өнгөрлөө. Аймгийн Засаг даргын 2016-2020 оны Үйл ажиллагааны хөтөлбөрийг хэрэгжүүлэх ажлын төлөвлөгөөнд нийт 304  арга хэмжээ төлөвлөсний биелэлтийг тооцож үзэхэд 2018 оны ажил гүйцэтгэлээр 85.2 хувийн, 4 жилийн төлөвлөлтийн хэмжээгээр 67.3 хувийн хэрэгжилттэй гарч байна.  
        Аймгийн эдийн засаг, нийгмийг хөгжүүлэх Үндсэн чиглэлийн 2018 оны биелэлт 93.3 хувьтай гарч амжилттай дүгнэгдлээ. 
Шороон нохой жил бол Орхон аймаг, Эрдэнэт хотод үйл ажиллагаа явуулж байгаа олон байгууллагуудын үүсэн байгуулагдсаны тэгш ой тохиосон, түүн дотроо Жаргалант сум, Улаан толгойн сангийн аж ахуй үүсэн байгуулагдсаны 40 жилийн ой тохиож, Уул уурхайн баяжуулах Эрдэнэт үйлдвэрийн уурхайчин хамт олон түүхт 40 жилийн ойгоо тэмдэглэсэн, иргэд байгууллагууд маань хөдөлмөр бүтээлээ үнэлүүлж, соёл, урлаг, спортынхон маань улс, тив, дэлхийн түвшинд орон нутгийнхаа нэрийг гаргаж алдаршуулсан  түүхэн жил байлаа. 
        Шороон нохой жилд Орхон аймагт 2500 гаруй иргэн байнгын болон түр ажлын байртай болж, аймгийн хэмжээнд  аж үйлдвэрийн салбарт 2.2 их наяд төгрөгийн бүтээгдэхүүн үйлдвэрлэн, 2.4 их наяд төгрөгийн бүтээгдэхүүн борлуулжээ. Өмнөх оны мөн үетэй харьцуулж үзвэл үйлдвэрлэлт 7.9 хувиар, борлуулалт 6.1 хувиар нэмэгдсэн амжилттай байна. 
        Манай аймаг иргэд нь эрүүл саруул байж, урт удаан наслах, эрдэм мэдлэг эзэмших, амьжиргааны зохистой нөхцөлд аж төрөх гэсэн хүний амьдралын үндсэн гурван хэмжигдхүүнээр илэрхийлэгддэг “Хүний хөгжлийн индексийн” болон эдийн засгийн тамир тэнхээ, дэд бүтэц, бизнесийн болон засаглалын үр ашгийг гол шалгуур болгон 180 гаруй үзүүлэлтээр шалгаруулдаг “Өрсөлдөх чадварын ерөнхий үнэлгээгээр Монгол Улсын хэмжээнд тэргүүн байр эзэллээ.
        Мөн XVII жарны “Тийн унжлагат” хэмээх Шороон нохой жилийн “Улсын аварга малчин”-аар Орхон аймгийн Баян-Өндөр сумын Дэнж багийн малчин Б.Зунгаажав, “Улсын аварга тариаланч”-аар Орхон аймгийн Баян-Өндөр сумын Яргуйт багийн тариаланч Д.Нэргүй, Жаргалант сумын Улаантолгой багийн тариаланч Д.Дарьсүрэн нар тус тус шалгарлаа. 
        “Аймгийн аварга малчин”-аар Баян-Өндөр сумын Даваат багийн малчин Ч.Баярсайхан, Жаргалант сумын Дулаан-Уул багийн малчин Л.Энхжаргал нар, “Аймгийн аварга фермер”-ээр, Баян-Өндөр сумын Уурхайчин багийн иргэн Н.Дэлгэрсүрэн эзэнтэй “Ариун-Ундарга” фермер, “Аймгийн аварга тариаланч”-аар Баян-Өндөр сумын Баянбулаг багийн тариаланч Ж.Сувдаа, Жаргалант сумын Улаантолгой багийн тариаланч Г.Нямцэцэг, С.Батцэцэг нар, “Аймгийн аварга тариаланч хамт олноор” Жаргалант сумын Б.Энхбаяр захиралтай “Хангарьд Ажнай” ХХК тус тус шалгарлаа. 
  Айлчлан ирж буй Шороон гахай жилдээ Эрдэнэтчүүд маань амар, амгалан, санаж сэдсэн ажил бүхэн нь ашид дэлгэрч байхын өлзийтэй ерөөлийг өргөн мэндчилэхийн сацуу үрс нь цовоо, өтгөс нь эрүүл, залуус нь цолгиун, юу санасан есөн цагаан хүсэл нь сэтгэлчилэн бүтэж байхын  өлзийтэй ерөөлийг өргөн дэвшүүлье!
 
Та бүхэн сар шинэдээ сайхан шинэлээрэй!

Орхон аймгийн Засаг дарга 
Дамбын БАТЛУТ

 

Сэтгэгдэл


Сэтгэгдэл

Мэдэгдэл. Энд сэтгэгдэл байхгүй!

Холбоотой мэдээлэл

2015-04-13 753
Мэргэжилтэй ажилтан бэлтгэх хүсэлтэй аж ахуйн нэгжтэй хамтарч ажиллана

“Хөдөлмөр эрхлэлтийн ур чадвар олгох, ажлын байр хадгалах хөтөлбөр”-ийн хүрээнд тухайн ...

2014-09-13 831
Анхдагч илгээлтийн эздийн 40 жилийн ойн баяр үдшийн цэнгүүнээр үргэлжилж байна

“Эртний сайхан” чуулга, “Мөнгөн сор” хамтлаг болон Зэвсэгт хүчний “Жанжин ...

2015-10-19 974
“БНМАУ-ЫН ТУСГААР ТОГТНОЛЫН ТУХАЙ БҮХ АРД ТҮМНИЙ САНАЛ ХУРААЛТ-70 ЖИЛ

БНМАУ-ын тусгаар тогтнолын төлөө бүх нийтийн санал хураалт нь 1945 оны 10 дугаар сарын 20-ны өдөр явагдаад ...

Сурталчилгаа

 

 

2018 ОНД УЛСЫН НЭГДСЭН ТӨСВИЙН ТЭНЦВЭРЖҮҮЛСЭН ОРЛОГО 11.9 ТЭРБУМ ТӨГРӨГИЙН АШИГТАЙ ГАРЛАА

2019-02-21 3

ХҮҮХДИЙН СПОРТЫН 6 ДУГААР ИХ НААДАМ БОЛНО

2019-02-20 129

ТАЙВАНИЙ ТӨЛӨӨЛӨГЧИЙН ГАЗРААС БОЭТ-Д ЭМНЭЛГИЙН АСАРГАА СУВИЛГААНЫ ТОНОГ ТӨХӨӨРӨМЖ ХАНДИВЛАЛАА

2019-02-19 33

ЗАРЛАЛ

2019-02-13 287

ОРХОН АЙМГААС 70 ГАРУЙ ХҮН ТӨРИЙН ДЭЭД ШАГНАЛ ХҮРТЛЭЭ

2019-02-04 963

ОРХОН АЙМГИЙН ЗАСАГ ДАРГА БӨГӨӨД ЭРДЭНЭТ ХОТЫН ЗАХИРАГЧ ДАМБЫН БАТЛУТЫН XVII ДУГААР ЖАРНЫ ШОРООН ГАХАЙ ЖИЛИЙН САР ШИНИЙН МЭНДЧИЛГЭЭ

2019-02-04 48

ОРХОН АЙМГИЙН ТӨСВИЙН ЕРӨНХИЙЛӨН ЗАХИРАГЧИЙН 2019 ОНЫ ХУДАЛДАН АВАХ АЖИЛЛАГААНЫ ЕРӨНХИЙ ТӨЛӨВЛӨГӨӨ

2019-02-04 109

НИЙГМИЙН ДААТГАЛЫН САНГААС ОЛГОСОН ТЭТГЭВЭР ТЭТГЭМЖ, ТӨЛБӨРИЙН ЖАГСААЛТ 2019-ОНЫ 1-САР

2019-02-02 43

ӨВЛИЙН ХУРДАН МОРИНЫ УРАЛДААН ЗОХИОН БАЙГУУЛАХЫГ ХОРИГЛОХ ТУХАЙ

2019-01-31 62

УЛСЫН БОЛОН АЙМГИЙН АВАРГА МАЛЧДАД ЗАСАГ ДАРГА Д.БАТЛУТ ШАГНАЛЫГ НЬ ГАРДУУЛАН ӨГЛӨӨ

2019-01-31 431

Веб статистик

Таны IP хаяг: 18.212.222.217
2017-11-30-ний өдрөөс хойш.
  • 16 Онлайн
  • 341 Өнөөдөр
  • 939 Өчигдөр
  • 3104 Долоо хоногт
  • 13805 Сүүлийн сард
  • 1475857 Нийт хандалт

Санал асуулга

Манай вэб сайт таны санаанд хэр нийцэж байна?
Нийт саналын тоо:  685

Facebook

Цаг агаар