УЛСЫН БОЛОН АЙМГИЙН АВАРГА МАЛЧДАД ЗАСАГ ДАРГА Д.БАТЛУТ ШАГНАЛЫГ НЬ ГАРДУУЛАН ӨГЛӨӨ

Орхон аймгийн Баян-Өндөр сумын Дэнж багийн малчин Б.Зунгаажав 2018 онд 453 толгой мал тоолуулж мал сүргээ өмнөх оноос 17 хувиар өсгөж, сүүлийн гурван жилд зургаан өрхийг малжуулж ажлын байр нэмэгдүүлжээ.  Түүний энэхүү ажил хөдөлмөрийг үнэлж Монгол Улсын Засгийн газраас “Улсын аварга малчин” –аар тодруулж уг шагналыг аймгийн Засаг дарга Д.Батлут, Засаг даргын орлогч А.Түвшинжаргал болон холбогдох дарга, удирдлагууд гардуулж өглөө. Б.Зунгаажавынх Булган аймгийн Орхон суманд өвөлжиж байна. 

Аймгийн удирдлагууд “Улсын аварга малчин” Б.Зунгаажавын хотонд  зочлохдоо, мал сүргээ өсгөн үржүүлж аймаг, орон нутгийнхаа эдийн засагт үнэтэй хувь нэмрээ оруулж байгаад талархан баяр хүргэсэн юм.   
“Улсын аварга малчин” Б.Зунгаажав мал аж ахуйн үйлдвэрлэл, үр ашгийг нэмэгдүүлэх, мал сүргийнхээ үүлдэр угсааг сайжруулах зорилгоор адуун сүргээ “Монгол”, үхэр сүргээ “Сэлэнгэ, “Монгол”, хонин сүргээ “Барга” , ямаан сүргээ “Эрчим” үүлдэрээр сайжруулан нутгийн малчдад жил бүр 15-23 толгой үржлийн өсвөр хээлтүүлэгчийг борлуулж малын удмын санг хамгаалж ажилладаг ажээ. Тэрээр 40 гаруй жил мал маллаж байгаа юм. 
Орон нутгийн удирдлагууд “Улсын аварга малчин”-нд баяр хүргэхийн дашрамд УИХ-ын гишүүн О.Содбилэгийн гарын бэлгийг мөн өглөө. 
 
 
               
АЙМГИЙН АВАРГА МАЛЧИН  Ч.БАЯРСАЙХАН: СУРГУУЛЬ, ЦЭЦЭРЛЭГҮҮДЭД СҮҮ, ЦАГААН ИДЭЭГЭЭ НИЙЛҮҮЛДЭГ 
Хорь гаруй жил мал маллан сүү, цагаан идээгээ уламжлалт аргаар боловсруулж Орхон, Булган аймгийн иргэдийг эрүүл хүнсээр хангаж , мал сүргээ тогтвортой өсгөн үржүүлж байгаа Ч.Баярсайханыг “Аймгийн аварга малчин” –аар шагналаа. Тэрээр 2016-2018 онд 492-738 толгой мал маллаж малаа хорогдолгүй онд оруулж жилд нийт төллөх эх малаас 85 хувиас доошгүй төл хүлээн авч зах зээлд 50-65 толгой мал, үржилд 25-42 толгой мал худалдан борлуулсан байна. Мөн гурван өрхөд 25-42 толгой мал өгч ажлын байрыг дэмжжээ. 
 
“Аймгийн аварга малчин” Ч.Баярсайхан хэлэхдээ, “Жилд дунджаар 10-12 мянган литр сүү боловсруулж өрөм, ааруул, ээзгий, аарц, тараг зэрэг цагаан идээ үйлдвэрлэн сургууль, цэцэрлэгүүдэд гэрээгээр нийлүүлдэг”  гэсэн юм.  
 
Ч.Баярсайханых өвөлжилтийн бэлтгэлээ өөрсдийн хүчээр бэлтгэж жил бүр 32-36 тонн байгалийн хадлан, хүчит тэжээл 3 тонн, халгайн дарш 1-2 тонн, хужир 2 тонныг бэлтгэн нөөцөлж хэвшсэн байна.  
Орхон аймаг 110 гаруй мянган толгой малтай, 800 орчим малчин өрхтэй юм. 
 
 
 
Мэдээллийн төв

 

Сэтгэгдэл


Сэтгэгдэл

Мэдэгдэл. Энд сэтгэгдэл байхгүй!

Холбоотой мэдээлэл

2016-09-26 14571
Б.Энхжаргал: Элэг шилжүүлэн суулгах нь гол биш. Харин вирусын халдвар авахгүй байх аргыг мэддэг байх нь чухал

Өнгөрсөн бямба гаригт Орхон аймагт “Элэгний вирусгүй Эрдэнэт хот” өдөрлөг боллоо. Өдөрлөгийн үеэр Улаанбаатар ...

2016-08-19 1348
“Эко хороолол”-ын гадна хашааг нээж хэд, хэдэн газарт гарц нээхээр болов

Аймгийн Засаг даргын орлогч А.Түвшинжаргалаар ахлуулсан ажлын хэсэг Цагаанчулуут багт байрлах “Эко хороолол” ...

2017-04-21 692
НИЙГМИЙН АЖИЛТНУУДЫН “КЕЙС КОНФЕРЕНЦИ” БОЛЖ БАЙНА

Орхон аймгийн “Сургуулийн Ниймгмийн ажилтны нийгэмлэг”-ээс санаачлан Нийгмийн ажилтнуудын мэргэжлийг ...

Сурталчилгаа

 

 

Веб статистик

Таны IP хаяг: 3.80.224.52
2017-11-30-ний өдрөөс хойш.
  • 5 Онлайн
  • 227 Өнөөдөр
  • 1151 Өчигдөр
  • 3971 Долоо хоногт
  • 23694 Сүүлийн сард
  • 1537503 Нийт хандалт

Санал асуулга

Манай вэб сайт таны санаанд хэр нийцэж байна?
Нийт саналын тоо:  694

Facebook

Цаг агаар