АЙМГИЙН ЗАСАГ ДАРГЫН ҮЙЛ АЖИЛЛАГААНЫ ХӨТӨЛБӨРИЙН ХЭРЭГЖИЛТИЙГ “ХАНГАЛТТАЙ” ХЭМЭЭН ДҮГНЭЛЭЭ

Аймгийн ИТХ-ын Ээлжит 12 дугаар хуралдаан үргэлжилж байна. Хуралдаанаар хэлэлцэх 6 дахь асуудал “Аймгийн Засаг дарга бөгөөд Эрдэнэт хотын захирагчийн 2016-2020 оны Үйл ажиллагааны хөтөлбөр, түүнийг хэрэгжүүлэх арга хэмжээний төлөвлөгөөний биелэлт” байлаа.  Итгэлийг аймгийн Засаг дарга Д.Батлут танилцуулсан юм. 

Аймгийн Засаг даргын 2016-2020 оны Үйл ажиллагааны хөтөлбөрт 9 бүлэг 116 зорилт 304 арга хэмжээ хэрэгжүүлэхээр төлөвлөснөөс 2018 оны байдлаар 85.2 хувь, 4 жилийн төлөвлөлтийн хэмжээ 67.3 хувийн хэрэгжиллттэй байна.  Өнгөрсөн хоёр жилийн хугацаанд Орхон аймагт хийгдсэн хөрөнгө оруулалт, бүтээн байгуулалтын зарим ажлаас дурдвал, 

Аймгийн хэмжээнд анх удаа сургууль, цэцэрлэгийн цогцолборыг  Баян-Өндөр сумын Даваат багт  ашиглалтанд оруулж 500 гаруй хүүхдийг хичээллэх, цэцэрлэгт сурч хүмүүжих бололцоогоор хангалаа. 

Эрдэнэ багт 640 хүүхдийн суудалтай ерөнхий боловсролын сургуулийн барилга, Дэнж багт 20 дугаар цэцэрлэгийн өргөтгөлийн барилга баригдан ашиглалтанд орж, 22, 24-р цэцэрлэгийн болон 2, 4. 5, 6, 7, 8, 17 дугаар сургуулиудын биеийн тамирын спортын гадна талбайн тохижуулж 10 гаруй сургууль, цэцэрлэгийн их болон урсгал засварын ажлуудыг хийлээ.

Мөн Рашаант, Цагаанчулуут, Уртын гол багийн хэмжээнд орон нутгийн төсвийн хөрөнгө оруулалтаар 280 хүүхдийн  хүчин чадалтай 26 дугаар цэцэрлэгийн барилгыг ашиглалтанд оруулснаар аймгийн хэмжээнд сургуулийн өмнөх боловсролын хамран сургалт 93.0 хувьд хүрээд байна. Одоо Баянбулаг багт 27 дугаар цэцэрлэгийг ашиглалтанд оруулахаар ажиллаж байна. 

“Эрдэнэт шинжлэх ухаан технологийн парк”  байгуулж  Электродны үйлдвэр,   Хүний экологийн төв үйл ажиллагааг эхлүүллээ. Эрдэнэт шинжлэх ухаан технологийн парк урьдчилсан байдлаар 2018 онд 140.0 сая төгрөгийн цэвэр ашигтай ажиллаж байна. Энэ бол бодит ажил юм. 

2018 оны эхний 10 сарын байдлаар статистик мэдээгээр аймгийн хэмжээнд нийт 2246 иргэн байнгын болон түр ажилтай болсон байна. Эдгээрийн 1099 нь шинэ ажлын байр байна.   

Мөн 2016 онд манай аймагт хөнгөлөлттэй эмийн санхүүжилтээр 598.0 сая төгрөг олгож байсныг 2017 онд 30 хувиар нэмэгдүүлж 850 сая, 2018 онд 977.1 сая төгрөг болгон 2016 оныхоос 1.6  дахин нэмэгдүүлсэн байна.

Энэ мэтчилэн  өнгөрсөн 2 жилийн хугацаанд Орхон аймагт  өрнөсөн хөрөнгө оруулалт, бүтээн байгуулалт, төсөл хөтөлбөр бүгд “Хүний хөгжил”-д чиглэгдэж “Эмч”, “Багш”, Ач санах”, “Анхдагч”, “Хашаандаа хаус” зэрэг 18 дэд хөтөлбөр хэрэгжиж үр дүнгээ өгч байна. 

 

Аймгийн ИТХ-ын төлөөлөгчид  “Аймгийн Засаг дарга бөгөөд Эрдэнэт хотын захирагчийн 2016-2020 оны Үйл ажиллагааны хөтөлбөр, түүнийг хэрэгжүүлэх арга хэмжээний төлөвлөгөөний биелэлт” -ийг  “Хангалттай” хэмээн дүгнэлээ. 

 

 

Сэтгэгдэл


Сэтгэгдэл

Мэдэгдэл. Энд сэтгэгдэл байхгүй!

Холбоотой мэдээлэл

2016-10-05 2525
“Намрын ногоон өдрүүд” үзэсгэлэн худалдаа нээлтээ хийлээ

Жил бүр уламжлал болон явагддаг “Намрын ногоон өдрүүд-2016” үзэсгэлэн худалдаа нээлтээ хийлээ. 13 дахь ...

2014-02-06 1606
ХҮНСНИЙ ТУХАЙ ХУУЛЬ БОЛОН ХҮНСНИЙ БҮТЭЭГДЭХҮҮНИЙ АЮУЛГҮЙ БАЙДЛЫГ ХАНГАХ ТУХАЙ ХУУЛИЙГ ХЭРЭГЖҮҮЛЭХТЭЙ ХОЛБОГДОН ХҮНС ҮЙЛДВЭРЛЭГЧДЭД ТАВИГДАХ ШААРДЛАГА

Хүнс үйлдвэрлэгч нь хүнсний түүхий эд, бүтээгдэхүүнийхээ аюулгүй байдлыг хуулийн өмнө бүрэн хариуцна. Хүний ...

2015-06-04 903
“Нийтийн биеийн тамир спортод хүн амын оролцоог эрчимжүүлэх нь” сэдэвт хангайн бүсийн сургалт боллоо

Нийтийн биеийн тамир спортод хүн амын оролцоог эрчимжүүлэх нь “2015 оны 5 дугаар сарын ...

Сурталчилгаа

 

 

Веб статистик

Таны IP хаяг: 54.82.10.219
2017-11-30-ний өдрөөс хойш.
  • 3 Онлайн
  • 93 Өнөөдөр
  • 482 Өчигдөр
  • 93 Долоо хоногт
  • 6641 Сүүлийн сард
  • 1422738 Нийт хандалт

Санал асуулга

Манай вэб сайт таны санаанд хэр нийцэж байна?
Нийт саналын тоо:  677

Facebook

Цаг агаар