Д.БАТЛУТ: ХААНА СУРАХ НЬ ГОЛ БИШ, ХЭРХЭН СУРАХ НЬ ЧУХАЛ ЮМ ШҮҮ

Өнөөдөр 2018-2019 оны хичээлийн жилийн нээлт боллоо. Аймгийн Засаг дарга Д.Батлут Баянцагаан багийн 24-р цэцэрлэг болон 18-р сургуулийн нээлтэд оролцож багш сурагчдад баяр хүргэлээ. Тэрээр энэ үеэр хэлэхдээ “Бид аймгийн хэмжээнд боловсролын үйлчилгээний хүртээмж, чанарыг дээшлүүлэх зорилгоор алслагдсан багуудад шинээр сургууль, цэцэрлэг барих ажлыг эхлүүлээд байна. Хичээл, сургуульдаа орж байгаа дүү нартаа амжилт хүсье. Хаана сурах нь гол биш, хэрхэн сурах нь чухал юм шүү” гэлээ. 

Засаг дарга  18-р сургуулийн нээлтийн ёслолд оролцох үеэрээ багшийн хөгжлийн төвд нь 10 орчим сая төгрөгийн өртөг бүхий тоног төхөөрөмж олголоо. Мөн тус сургууль AR технологийн 2 лаборатори тохижуулахаар болсныг дуулгасан юм. 18-р сургууль энэ хичээлийн жилд нийтдээ 5 зорилт дэвшүүлсэн бөгөөд эдгээрийг хэрэгжүүлэхэд орон нутгаас үзүүлж буй уг дэмжлэг том хувь нэмэр оруулна гэж үзэж буйгаа тус сургуулийн захирал хэллээ. 
 
Энэ хичээлийн жилд орон нутгийн төсвийн хөрөнгөөр баригдсан орчин үеийн стандартад нийцсэн 26-р цэцэрлэг болон улсын төсвийн хөрөнгөөр баригдаж буй Баянбулаг багийн цэцэрлэг ашиглалтад орно. Ингэснээр төрийн өмчийн 29 цэцэрлэг, хувийн хэвшлийн 10 цэцэрлэгт  9600 гаруй хамрагдах юм. 
 
Түүнчлэн төрийн өмчийн 17, хувийн хэвшлийн 7 сургуульд 20 мянга орчим хүүхэд суралцана. Дээрх сурагчдын 2163 нь нэгдүгээр ангид элсэгчид юм.  
 
Одоогоор аймгийн хэмжээнд Яргуйт багийн цэцэрлэг, 18-р цэцэрлэгийн өргөтгөл, 1-р сургуулийн өргөтгөл, 16-р сургуулийн урлаг болон спорт заалны барилгууд шинээр баригдаж байна. Эдгээр нь ирэх оны 09 сарын 01-нд ашиглалтад орох бол энэ хичээлийн жилд Баянбулаг багийн цэцэрлэгийг ашиглалтад оруулна гэдгийг аймгийн Засаг дарга онцоллоо. 
 
 
 
 
 
 
 
 
 
 
 
 
 Мэдээллийн төв

 

Сэтгэгдэл


Сэтгэгдэл

Мэдэгдэл. Энд сэтгэгдэл байхгүй!

Холбоотой мэдээлэл

2016-10-08 1604
Бүх нийтээр мод тарих өдөр тохиож байна

Энэ амралтын өдрүүдэд “Бүх нийтээр мод тарих өдөр” тохиож байна. Монгол Улсын Ерөнхийлөгчийн зарлигаар ...

2015-03-27 925
Иргэдийн Төлөөлөгчдийн Хурлын дарга Б.Мягмарсүрэн цэцэрлэг сургуулийн удирдлагуудтай уулзлаа

Аймгийн Иргэдийн Төлөөлөгчдийн Хурлаас иргэдийн дуу хоолойг сонсох, тулгамдаж буй асуудлыг хурлын ...

2017-10-23 1474
ЭРДЭНЭТ ХОТ ЖИЛД 80 МЯНГАН ЖУУЛЧИН ХҮЛЭЭЖ АВАХ ЗОРИЛТ ДЭВШҮҮЛЖ БАЙНА

Өнгөрсөн онд манай аймагт 23 мянга 200 жуулчин ирсэн гэх мэдээллийг БОАЖГ-аас өглөө. 2017-2021 онд аймгийн ...

Сурталчилгаа

 

 

Веб статистик

Таны IP хаяг: 35.153.135.60
2017-11-30-ний өдрөөс хойш.
  • 12 Онлайн
  • 619 Өнөөдөр
  • 2021 Өчигдөр
  • 2640 Долоо хоногт
  • 32357 Сүүлийн сард
  • 1669627 Нийт хандалт

Санал асуулга

Манай вэб сайт таны санаанд хэр нийцэж байна?
Нийт саналын тоо:  715

Facebook

Цаг агаар