ӨВЛИЙН ХҮЙТЭНД Ч АВТО ЗАМЫГ НӨХӨХ БОЛОМЖТОЙ ШИНЭ ТЕХНОЛОГИЙГ ТУРШЛАА

Цаг агаарын ямар ч нөхцөлд авто замыг хүйтэн асфальтаар нөхөх “Битуфикс” бүтээгдэхүүнийг “Битумина Монголиа” ХХК Орхон аймгийн удирдлагуудад танилцууллаа. Уг бүтээгдэхүүн нь -25 хүртэлх хэмд  ч авто замын нүхнүүдийг нөхөж, бөглөх боломжтой юм.

Эрс, тэс уур амьсгалтай Монгол оронд авто замын ажлыг зөвхөн дулааны улиралд хийдэг.  Тэгвэл Английн шилдэг  технологийг монголдоо нутагшуулж  буй “Битумина Монголиа” ХХК  “Битуфикс” хэмээх хүйтэн асфальт үйлдвэрлэж зах зээлд гаргаж эхлээд байна. Уг хүйтэн асфальтаар нэг м.кв талбайг ердөө 10 минутын хугацаанд нөхөх бөгөөд 2-3 уут /60-90 кг/-ыг  хэрэглэнэ.  Уг туршилтыг   1-р хорооллын "Мэлмий" төвийн урдах  авто зам дээр хийлээ.

 Харин одоо ашиглаж байгаа уламжлалт технологиор нэг м.кв талбайг нөхөхийн тулд асфальтаа халуунаар нь /+140 хэм/ авчрах, индүүдэгч техник ажиллуулах зэрэг цаг хугацаа их зарцуулдаг байна. Орхон аймаг асфальтын нэг үйлдвэртэй ч тэр нь хуучны технологиор ажилладаг ажээ.

Энэ жил Орхон аймаг  2214 м.кв авто замыг нөхсөн. Үүнд 100 орчим сая төгрөг зарцуулсан. Авто замын эвдрэл, нөхөөсийн хэмжилтийг хавар эрт хийдэг ч гүйцэтгэх хугацаа хүртэл нэмж томрох, өөр газарт шинээр үүсэх тохиолдол их байдаг аж.  Хэрэв дээрх технологи монголын цаг агаарын нөхцөл, авто замын ачааллын “шалгуур”-ыг давж чадвал зөвхөн Улаанбаатар хотын авто замыг нөхөхөд зарцуулдаг 6 тэрбум төгрөг Монголын эдийн засагт эргэлдэх боломжтой юм. Үндсэн түүхий эд нь хайрга юм.

Өөрсдийн бүтээгдэхүүн, үйлчилгээндээ хоёр жилийн баталгаа өгч буй “Битумина Монголиа” ХХК өдөрт 60 тонн хүйтэн асфальт үйлдвэрлэх хүчин чадалтай ажээ.

Мэдээллийн төв

 

 

 

Сэтгэгдэл


Сэтгэгдэл

Мэдэгдэл. Энд сэтгэгдэл байхгүй!

Холбоотой мэдээлэл

2017-04-11 1982
ЭНЭ ОНД ГАДААДЫН ХӨРӨНГӨ ОРУУЛАЛТААР ХЭД ХЭДЭН БҮТЭЭН БАЙГУУЛАЛТЫН АЖИЛ ХИЙГДЭНЭ

Энэ онд концессын гэрээгээр “Эрдэнэтийн Дулаан цахилгаан станц” ТӨХК-ийн үнсэн санг шинэчлэх болон “1А” ...

2014-02-11 1681
интернэт кафенуудад шалгалт хийгдлээ

Аймгийн Засаг даргын А/09 тоот захирамжаар томилогдсон ажлын хэсэг 2014 оны 01 сарын 08-наас 2014 оны ...

2014-10-21 642
Нийтийн тээврийн үйлчилгээг нийтээрээ анхаардаг

Өнгөрсөн 7 хоногт иргэдийн санал, хүсэлт хүлээн авах 70353511 утсанд 113 өргөдөл гомдол, санал хүсэлт ...

Сурталчилгаа

 

 

Веб статистик

Таны IP хаяг: 35.153.135.60
2017-11-30-ний өдрөөс хойш.
  • 14 Онлайн
  • 626 Өнөөдөр
  • 2021 Өчигдөр
  • 2647 Долоо хоногт
  • 32364 Сүүлийн сард
  • 1669634 Нийт хандалт

Санал асуулга

Манай вэб сайт таны санаанд хэр нийцэж байна?
Нийт саналын тоо:  715

Facebook

Цаг агаар