“ЭРДЭНЭТ ХУРД-2018” БҮСИЙН НААДМЫН ҮНДЭСНИЙ БӨХИЙН БАРИЛДААНД УЛСЫН ЗААН НЭГДЭЛИЙН ЖАРГАЛБАЯР ТҮРҮҮЛЛЭЭ

Монгол улсын Засгийн газрын 2018 оны 06 дугаар сарын 27-ны өдрийн хуралдааны 195 дугаар тогтоолоор Уулын баяжуулах “Эрдэнэт үйлдвэр” ХХК-ийн 40 жилийн түүхэн ойг тохиолдуулан Орхон аймагт Төвийн бүсийн хурдан морьдын уралдааныг “Эрдэнэт хурд-2018” нэртэйгээр зохион байгуулахаар шийдвэрлэсэн.
     “Эрдэнэт хурд-2018” төвийн бүсийн хурдан морины уралдаан, даншиг наадмыг “Эрдэнэт үйлдвэр” ХХК, Орхон аймгийн ЗДТГ хамтран 27-29-ний өдрүүдэд амжилттай зохион байгууллаа.
     Энэ удаагийн наадамд улс, аймгийн алдарт цолтой 128 бөх барилдсанаас Сэлэнгэ аймгийн Мандал сумын харъяат, “Увс нуур” дэвжээ, “Сүлд” спорт хорооны бөх Улсын заан Нэгдэлийн Жаргалбаяр түрүүлж, Ховд аймгийн Зэрэг сумын харъяат “Монтел” констракшн, “Алдар” спорт хорооны бөх, Улсын харцага Баярхүүгийн Бат-Өлзий үзүүрлэж, Говь-Алтай аймгийн Цээл сумын харьяат “Хантайшир” дэвжээний бөх, Монгол улсын Гарьд Жанцангийн Бат-Эрдэнэ, Орхон аймгийн Баян-Өндөр сумын харъяат, “Хонгор нутаг” дэвжээ, “Алдар” спорт хороо, “Эрин” группийн бөх аймгийн Хурц арслан Болдын Эрдэнэхүү нар шөвгөрлөө.
   

Азарганы уралдаанд нутаг нутгийн 80 гаруй хурдан азарга 22 километрийн зайд уралдсанаас Дорнод аймгийн Цагаан-Овоо сумын харъяат Монгол улсын алдарт уяач  Түвдэнжаажидын Батзоригийн цавьдар азарга түрүүлж, Төв аймгийн Баян сумын уугуул, Монгол улсын алдарт уяач Э.Анарын бор халзан азарга аман хүзүүдэж унасан хүүхэд, уясан эзэн, хурсан олон наадамчдаа баясгалаа.  
Харин адуу адууны эрмэг нь болсон Соёолон насны морьдын уралдаанд Завхан аймгийн Тосонцэнгэл сумын уугуул, Монгол улсын тод манлай уяач Төмөрбаатарын Галбадрахын хонгор халзан соёлон түрүүлж, Завхан аймгийн Завханмандал сумын уугуул, аймгийн алдарт уяач Цэрэндоржийн Мөнххуягийн цавьдар соёолон аман хүзүүдлээ.  
    Их насны морьдын уралдаанд эх орны дөрвөн зүг, найман зовхисоос цугласан шигшмэл хурдан хүлгүүд тоосоо өргөж Төв аймгийн Батсүмбэр сумын уяач Б.Саянсанаагийн хээр морь түрүүлж, Орхон аймгийн Баян-Өндөр сумын “Эрдэнэт хурд” гал, аймгийн алдарт уяач Л.Отгонтэнгэрийн бор морь аман хүзүүдэв.
    Хязаалан насны морьдын уралдаан Хүрэн шандын хөндийд тоосоо өргөхөд Төв аймгийн Баян сумын уугуул Б.Нямжавын хээр үрээ түрүүлж, Улаанбаатар хотын харъяат, уяач Т.Энхмөнхийн хар үрээ аман хүзүүдлээ.
   

Шүдлэн насны морьдын уралдаанд Төв аймгийн Алтанбулаг сумын уугуул, аймгийн алдарт уяач  Б.Ганзоригийн хээр үрээ түрүүлж, Архангай аймгийн Эрдэнэбулган сумын уугуул Н.Мөнхбатын цавьдар шүдлэн удааллаа.
Хурдан дааганы уралдаанд Өмнөговь аймгийн Хүрмэн сумын уугуул, Уулын баяжуулах “Эрдэнэт үйлдвэр” ХХК-ийн захирал, Монгол улсын алдарт уяач, Хоохорын Бадамсүрэнгийн хээр даага түрүүлэн ирж уясан эзэн, унасан хүүхэд, хурсан олноо баярлууллаа.
    Үндэсний сурын эрэгтэй харваанд Хангарьд спорт клубын харваач, Монгол улсын Үндэсний сурын дархан мэргэн Шагжсүрэнгийн Даваахүү 39 оноотой тэргүүлж, “Хангарьд” спорт клубын харваач, даяар дуурсах мэргэн Лхамжавын Отгонбаяр дэд байрыг эзлэв.
    Үндэсний сурын эмэгтэй харваанд Өвөрхангай аймгийн Нарийнтээл сумын уугуул, “Мон-Дэ” компанийн харваач, Монгол улсын мэргэн Бадам-Очирын Пунсалдулам түрүүлж, “Хангарьд” клубын харваач Эрдэнэбатын Заяа удааллаа.


         “Эрдэнэт хурд-2018” төвийн бүсийн хурдан морины уралдаан, даншиг наадмын үндэсний бөхийн барилдаанд түрүүлсэн Улсын заан Н.Жаргалбаярын аав болох Монгол улсын начин Довчингийн Нэгдэл нь тухайн үедээ Эрдэнэт хотын наадамд гурван удаа түрүүлж байсан түүхтэй. 
    Ийнхүү Төвийн бүсийн хурд, даншиг наадамд газар газрын хурдан ажнай, нутаг нутгийн хүчит бөхчүүд, улс даяарын мэргэн харваачин нэгэн дор цуглаж, бөх нь хүчтэй, морьд нь хурдан, сум нь ончтой гурван өдрийн турш наадамчин олон нь мэндийн ерөөл, эвийн жудагтай сайхан наадлаа.  
   

Мэдээллийн төв
 


 

 

Сэтгэгдэл


Сэтгэгдэл

Мэдэгдэл. Энд сэтгэгдэл байхгүй!

Холбоотой мэдээлэл

2014-01-21 779
Өнгөрсөн 7 хоногт Нийгмийн халамжийн чиглэлээр хийгдсэн ажил

Засгийн газрын хэрэг эрхлэх газрын 2014 оны 1954 дугаар албан тоотыг Баян өндөр, Жаргалант сумын Засаг ...

2014-01-22 1080
Сар шинийн баяраар ахмадуудад бэлэг гардуулна.

Ахмад настны нийгмийн хамгааллын тухай хуульд заасанаар Билгийн тооллын хаврын тэргүүн сар, сар шинийн ...

2016-05-04 626
Хэлэлцүүлэг зохион байгууллаа

Иргэдийн улс төрийн эрхийн тухай хуулийн төслийн хэлэлцүүлэг боллоо

Сурталчилгаа

 

 

ГУРВАН ИХРИЙН ГЭР БҮЛД 3 ӨРӨӨ БАЙР ОЛГОЛОО

2018-12-12 1190

“ЭРДЭНЭТИЙН БҮТЭЭН БАЙГУУЛАЛТЫН ТҮҮХЭН ТОВЧООН” НОМЫН НЭЭЛТ БОЛЛОО

2018-12-12 15

ОРХОН АЙМГИЙН ЗАСАГ ДАРГЫН ОРЛОГЧ С.БАТЖАРГАЛ НИЙТИЙН ТЭЭВРИЙН ҮЙЛЧИЛГЭЭНД ХЯНАЛТ ТАВИВ

2018-12-12 15

Иргэдийн санал хүсэлт хүлээн авах "70353511 утас"-аар ирсэн 2018-11-30-ны өдрөөс 2018-12-07-ний өдөр хүртэл 7 хоногийн мэдээлэл

2018-12-12 5

Аймгийн засаг даргын шуурхай зөвлөгөөний үүрэг даалгаврын биелэлт

2018-12-12 8

Хэлтсүүдийн 2018.12.10-наас 14-ний өдрүүдэд хийх ажлын төлөвлөгөө

2018-12-12 10

МЭНДЧИЛГЭЭ

2018-12-11 145

ОРХОН АЙМГИЙН НУТГИЙН ЗАХИРГААНЫ БАЙГУУЛЛАГЫН ДЭС БОЛОН ТУСЛАХ ТҮШМЭЛИЙН АНГИЛЛЫН ТӨРИЙН ЖИНХЭНЭ АЛБАН ТУШААЛЫН СУЛ ОРОН ТООНД ИРГЭДИЙГ СОНГОН ШАЛГАРУУЛАХ ТӨРИЙН АЛБАНЫ МЭРГЭШЛИЙН ШАЛГАЛТЫН ЗАР

2018-12-07 13

НЭЭЛТТЭЙ ДУУДЛАГА ХУДАЛДААНЫ ЗАР

2018-12-07 93

ОРХОН АЙМАГ ДАХЬ САЛБАР ЗӨВЛӨЛИЙН ЗАХИАЛГААР ДАРААХ АЖЛЫН БАЙРУУДАД УДИРДАХ АЖИЛТНЫ СОНГОН ШАЛГАРУУЛАЛТ ЗАРЛАСАН БАЙНА

2018-12-06 50

Веб статистик

Таны IP хаяг: 35.172.201.102
2017-11-30-ний өдрөөс хойш.
  • 5 Онлайн
  • 150 Өнөөдөр
  • 1713 Өчигдөр
  • 3508 Долоо хоногт
  • 10056 Сүүлийн сард
  • 1426153 Нийт хандалт

Санал асуулга

Манай вэб сайт таны санаанд хэр нийцэж байна?
Нийт саналын тоо:  677

Facebook

Цаг агаар