ОРХОН АЙМГИЙН ЗАСАГ ДАРГЫН ОРЛОГЧ А.ТҮВШИНЖАРГАЛ ЖАНЗЭ ЦОРЖ ГОСОГ РИНБҮҮЧИЙГ ХҮЛЭЭН АВЧ УУЛЗЛАА

Бурханы шашны Гэлүгвийн ёсны гурван тэргүүн ламын нэг болох Жанзэ Цорж Госог ринбүүчи нь Монголд өмнө нь хэд хэдэн удаа айлчилж байсан билээ. Тэгвэл энэ удаа 6-р сарын эхээр Монголынхоо сүсэгтэн олонтой уулзаж, бурханы номын сургааль талбихаар хүрэлцэн ирээд байгаа.
    Тэрбээр Төвдийн Литан хотын ойролцоо орших Молха тосгонд 1948 онд мэндэлжээ. Түүнийг дөрвөн настай байхад нь Госог ринбүүчийн хойд дүр хэмээн 14-р далай Ламын багш Тагдаг Ринбүүчи тодруулжээ.
     Госог Ринбүүчи 1959 онд Төвдөөс Энэтхэг рүү морилж, Энэтхэгийн Маясур хотын ойр орших Сэра хийдийн цогцолборыг бүтээн босгох ажилд оролцож, тэндээ сурч боловсрон 36 насандаа Гэвш Лхаарамбын зэрэг хамгаалсан юм. Далай Ламын айлдвараар 1988 онд Тарнийн ёсны Жүмэ дацангийн Хамба ламаар залагдсанаар дацангийн түүхэн дэх хамгийн агуу хамба болжээ.
     Госог ринбүүчи бурханы шашныг олон нийтэд түгээн дэлгэрүүлэх үйлсийн хүрээнд Энэтхэг, Непаль, Тайвань, Франц, АНУ, Монгол, Япон, Канад, Төвд зэрэг олон улс орнуудаар морилж, шавь нартаа номын айлдвар сургаалийг байнга айлддаг. Госог ринбүүчи айлдвартаа үргэлж бусдыг асрахуй сэтгэл нь дэлхий ертөнцөд урт удаан хугацааны амар амгалан, аз жаргалыг авчирдаг болохуйн ач холбогдлыг онцгойлон айлддаг.
    Энэ удаа Монголд айлчлах хугацаандаа Эрдэнэт хотын Бурхан багшийн сэрэг дүр дэх Жалданжанчүвлин хийдийн урилгаар манай аймагт хүрэлцэн ирж өнөөдөр өглөө 9 цагаас Бурхан багшийн сэрэг дүр цогцолборт Жинсрэг өргөх ёслол үйлдсэн юм.
     Энэхүү үйлийн гол агуулга нь галын тэнгэрийг тахиж, аж амьдрал, ажил үйлсээ даатгах нэгэн төрлийн тахилын зан үйл аж. “Жинсрэг цутгах” хурлын үеэр бурхан шашны зан үйлийн дагуу тусгай бэлдэж асаасан галд 13 зүйлийн эд зүйл, тариа будааг номын ёсны дагуу өргөж Идам сахиус, галын тэнгэрийг тахьдаг. Эдгээр 13 эд зүйл нь өөр өөрийн онцлогтой бөгөөд тус тусын эрдмүүдийг зан үйлд оролцсон сүсэгтэн олонд хүргэдэг байна.
    Жанзэ Цорж Госог ринбүүчи нь манай аймагт айлчлан ирэх хугацаандаа Орхон аймгийн Засаг даргын орлогч А.Түвшинжаргалтай уулзалт хийлээ.
 

Мэдээллийн төв

 

Сэтгэгдэл


Сэтгэгдэл

MAH zailuul

tejeesen gulug tereg evden gj 2018.10.07 ta nariig harnaa

Огноо:2018.07.05

Холбоотой мэдээлэл

2013-05-31 3097
ЗЭВСЭГТ ХҮЧНИЙ 2013 ОНЫ МАРШ ТАКТИКИЙН ТЭМЦЭЭН ЯВАГДАЖ ДУУСЛАА

Зэвсэгт хүчний 2013 оны марш тактикийн тэмцээн явагдаж дууслаа. Энэ удаагийн тэмцээнд 16 эмэгтэй тасаг ...

2018-10-01 666
МАЛ, МАЛЫН ГАРАЛТАЙ ТҮҮХИЙ ЭДИЙГ “ТАВАН ЭРДЭНЭ

Орхон аймгийн Засаг даргын ээлжит шуурхай зөвлөгөөн хуралдлаа.

2014-06-16 612
ОЛОН УЛСЫН КОРПОРАЦИЙН ХҮНСНИЙ АЮУЛГҮЙ БАЙДЛЫН ЗӨВЛӨХҮҮДТЭЙ ХАМТРАН АЖИЛЛАХ ҮЙЛ АЖИЛЛАГААНЫ ХӨТӨЛБӨР

Олон улсын корпорацийн хүнсний аюулгүй байдлын зөвлөхүүдтэй Мэргэжлийн хяналтын газар хамтран ажиллах ...

Сурталчилгаа

 

 

Веб статистик

Таны IP хаяг: 54.82.10.219
2017-11-30-ний өдрөөс хойш.
  • 3 Онлайн
  • 93 Өнөөдөр
  • 482 Өчигдөр
  • 93 Долоо хоногт
  • 6641 Сүүлийн сард
  • 1422738 Нийт хандалт

Санал асуулга

Манай вэб сайт таны санаанд хэр нийцэж байна?
Нийт саналын тоо:  677

Facebook

Цаг агаар