ЦАГААНЧУЛУУТ БАГТ БАРИГДСАН ЦЭЦЭРЛЭГТ 3 БАГИЙН ХҮҮХДҮҮД СУРАЛЦАНА

 Аймгийн Засаг даргын орлогч А.Түвшинжаргал Цагаанчулуут болон Баянбулаг багт баригдаж буй цэцэрлэгийн явцтай танилцлаа. 

Цагаанчулуут багийн 280 хүүхдийн цэцэрлэгийн барилгын ажил бүрэн дууссан байна. Уг ажилд орон нутгийн төсвөөс 2.4 тэрбум төгрөг зарцуулсан бөгөөд гүйцэтгэгчээр нь “Номун дөлгөөн” ХХК ажилласан юм. Тус цэцэрлэгт Цагаанчулуут, Рашаант, Уртынгол багийн хүүхдүүд суралцана. 
 
Уг барига нь 12 ангитай, спорт, урлагийн зал нь тусдаа, өрөө бүр аврах гарцтай. Түүнээс гадна анги бүрт камер байрлуулжээ. Зураг төсөл, дотоод засал зэрэг нь орчин үеийн стандартад бүрэн нийцсэн гэдгийг мэргэжлийн хүмүүс онцлон хэлж байлаа. Дээрх цэцэрлэгийг 26-р цэцэрлэг гэж нэрлэсэн бөгөөд 42 ажлын байр шинээр бий болжээ. 
 
 
 
 
 
 
Тэгвэл Баянбулаг багт баригдаж буй 150 хүүхдийн цэцэрлэгийн барилгын ажил 80 орчим хувьтай үргэлжилж байна. Энэ барилгын ажлыг “Хялганат нуга” ХХК гүйцэтгэж буй. Нийт санхүүжилт болох 1 тэрбум 77 сая төгрөгийг Улсын төсвөөс бүрэн шийдвэрлэсэн. Одоогоор гадна инженерийн шугам сүлжээний ажил бүрэн дууссан, дотоод заслын ажил хийгдэж байгаа талаар гүйцэтгэгч компанийн төлөөлөл ярьлаа.
 Дээрх 2 цэцэрлэгийн үйл ажиллагаа ирэх хичээлийн жилд буюу 9-р сарын 1-нд эхлэх юм. 
 
 
 
 
 
Түүнээс гадна 18-р цэцэрлэгийн өргөтгөлд энэ онд Улсын төсөвт 800 сая төгрөг суусан. Гэхдээ барилгын нийт өртөг нь 2,3 тэрбум төгрөг юм. Иймд Аймгийн Засаг даргын орлогч А.Түвшинжаргал үлдсэн санхүүжилтийг шийдвэрлэхэд шаардлагатай арга хэмжээг авахыг холбогдох албан тушаалтнуудад өглөө. Одоогоор тус цэцэрлэгт 7 бүлэгт 253 хүүхэд суралцаж байна. Эдгээрээс 3 бүлгийн 96 хүүхэд нь А корпусдаа буюу 1970-аад онд ашиглалтад орсон тоосгон байшинд байрладаг байна. 18-р цэцэрлэгийн өргөтгөл нь одоо байгаа хүчин чадал дээр нь 150 хүүхэд нэмэх боломжийг бүрдүүлэх аж. 
 
 
 
 
Дашрамд дурдахад, Энэ онд Рашаант багт 250 хүүхдийн сургууль, Яргуйт, Булаг багт тус бүр нь 150 хүүхдийн хүчин чадалтай цэцэрлэг шинээр баригдахаас гадна Эрдэнэт” цогцолбор сургуулийг өргөтгөж 928 хүүхдийн багтаамжтай болгох ажил хийгдэнэ. Эдгээр нь бүгд Улсын төсвөөс санхүүжих юм.   
 
 
 

Мэдээллийн төв

 

Сэтгэгдэл


Сэтгэгдэл

Мэдэгдэл. Энд сэтгэгдэл байхгүй!

Холбоотой мэдээлэл

2014-09-30 606
10000 номын үзэсгэлэн нээлтээ хийлээ

Уурхайчин соёлын ордонд 10000 номын үзэсгэлэн нээлтээ хийлээ. Энэхүү номын үзэсгэлэнг “Эрдэнэтийн ...

2015-03-27 733
Газар эзэмшүүлэх төсөл сонгон шалгаруулалтанд оролцохыг урьж байна

Орхон аймгийн Засаг даргын 2015 оны А/112 дугаар захирамжийн дагуу доорхи зориулалтаар газар эзэмшүүлэх ...

2014-08-10 555
ОРХОН АЙМГИЙН УЛСЫН БҮРТГЭЛИЙН ХЭЛТСИЙН ИРГЭНИЙ БҮРТГЭЛИЙН ТАСГААС 2014 ОНЫ 08 САРЫН 04-НӨӨС 08-НД ХИЙСЭН 7 ХОНОГИЙН АЖЛЫН МЭДЭЭ

ОРХОН АЙМГИЙН УЛСЫН БҮРТГЭЛИЙН ХЭЛТСИЙН ИРГЭНИЙ БҮРТГЭЛИЙН ТАСГААС: Гадаад паспорт бүртгэлийн чиглэлээр: Гадаад ...

Сурталчилгаа

 

 

Веб статистик

Таны IP хаяг: 54.224.108.238
2017-11-30-ний өдрөөс хойш.
  • 11 Онлайн
  • 390 Өнөөдөр
  • 1043 Өчигдөр
  • 8061 Долоо хоногт
  • 23347 Сүүлийн сард
  • 1245960 Нийт хандалт

Санал асуулга

Манай вэб сайт таны санаанд хэр нийцэж байна?
Нийт саналын тоо:  649

Facebook

Цаг агаар