“ЭРДЭНЭТИЙН ИРЭЭДҮЙН ЭЗЭД

“Эрдэнэтийн ирээдүйн эзэд" байгалийн ухааны хичээлүүдийн нэгдмэл агуулгын анхдугаар олимпиад өнөөдөр “Хангарьд” спорт цогцолборийн зааланд зохион байгуулагдлаа.
ЗГХЭГ-ын дэд дарга Б.Бат-Эрдэнийн санаачилга, БСШУСЯ-ны сайд Ц.Цогзолмаагийн дэмжлэгээр технологийн дэвшлийг орон нутагт нэвтрүүлэх, сурталчилан таниулах зорилготой энэхүү олимпиадыг анх удаа хөдөө орон нутагт цахим засагч машин ашиглан зохион байгууллаа.
Улаанбаатар хотод амжилттай туршигдсан мэдээллийн технологийг ашиглаж, шалгалт дуусмагц дүнг газар дээр нь засагч машинаар уншуулан 1 минутын дотор дүнг гаргаж, том лед дэлгэцээр оролцогч сурагчид болон эцэг эхчүүд, багш нарт газар дээр нь шууд харуулав.
     БСШУСЯ, Орхон аймгийн ЗДТГ, БСШУСЯ-ны дэргэдэх Боловсролын үнэлгээний төв, “Эрдэнэт хотын хөгжил, бодлого судалгааны хүрээлэн” ТББ-аас хамтран зохион байгуулсан тус олимпиадад нийт 105 сурагч бүртгүүлснээс 102 сурагч олимпиадад ирж оролцсон. Математик, хими, физик, биологи, газарзүйн хичээлүүдээс бүрдсэн байгалийн ухааны нэгдмэл агуулгын олимпиадын тестийн нууцлалыг хадгалах үүднээс интернет орчингүй, гар утасны сүлжээ барьдаггүй газарт тусгайлсан мэргэжлийн баг хамт олон боловсруулан, битүүмжилж лацдан цагдаагийн хамгаалалт доор Орхон аймагт хүргэн ирж хянагч багш нарыг байлцуулан олимпиадын материалыг 9 цаг 00 минутад оролцогч сурагчдын өмнө задалсан юм.
     Олимпиадын явцыг фэйсбүүкийн LIVE-аар нийтэд ил тод хүргэснээс гадна “Хангарьд” спорт цогцолборийн спорт заалнаас шууд дамжуулан “Уурхайчин” соёлын ордны өмнөх дэлгэцээр эцэг эхчүүд, Эрдэнэтийн иргэдэд харуулсан нь олимпиадын хэр нээлттэй, шударга зохион байгуулагдаж буйг харуулсан юм. Олимпиадын дүн гарснаар шагнал гардуулах ёслолд БСШУС-ын сайд Ц.Цогзолмаа, Засгийн газрын Хэрэг эрхлэх газрын дэд дарга Б.Бат-Эрдэнэ, Боловсролын үнэлгээний төвийн захирал Ж.Ган-Эрдэнэ, Орхон аймгийн Засаг даргын орлогч А.Түвшинжаргал, Орхон аймгийн ЗДТГ-ын Нийгмийн бодлогын хэлтсийн дарга А.Бумансор, Орхон аймгийн БСУГ-ын дарга Ж.Бат-Амгалан гэх мэт албаны хүмүүс оролцов.
    Нийт оролцсон суралцагчдыг программын тусламжтайгаар онооны дарааллаар байр эзлүүлэн хамгийн өндөр оноо авсан 20 сурагчийг шалгаруулахад Ш.Отгонбилэгийн нэрэмжит ШУТИС-ийн ахлах сургуулийн сурагчид эхний гурван байрыг эзэлсэн . Өөрөөр хэлбэл тус сургуулийн сурагч С.Сувданчимэг 114 оноогоор тэргүүн байр, Т.Цэлмэг 87 оноогоор 2-р байр, А.Мөнхзаяа 84 оноогоор 3-р байр эзэлсэн бол “Орхон Эмпати” сургууль, 14-р сургууль, 13-р сургууль гэх мэт бусад сургуулийн сурагчид онооны дарааллаар 20 хүртлэх байруудыг эзэлсэн.
     Өмнө нь нийслэлд энэхүү цахим программаар зохион байгуулагдсан олимпиадад хамгийн дээд тал нь 97 оноог авч байсан бол энэхүү цахим засалтын программ нэвтэрснээс хойших хамгийн өндөр буюу 114 оноогоор Эрдэнэтийн хүүхэд рекордыг мөн шинэчлэн тогтоож байна.
    Түрүүлсэн сурагчид өргөмжлөл 500 мянган төгрөгийн шагнал гардуулсан бол эхний 20 байрыг эзэлсэн сурагчдад мөн таблет, өргөмжлөл гэх мэт шагналын эзэд болцгоов. Олимпиадад оролцсон бүх сурагчдад бэлэг дурсгалын зүйл гардуулсан. Түүнчлэн тэмцээнд сурагчдаа амжилттай бэлтгэн оролцуулж байр эзлүүлсэн сургуулийн заах аргын нэгдлүүдэд тус бүр 200 мянган төгрөгөөр шагнаж багш нарыг нь ч мөн урамшууллаа.
      Цаашид боловсролын салбарын цахим шилжилтийг улам эрчимжүүлж, хаврын ЭЕШ-ыг мөн багш нар гараар засч цаг хугацаа алддагийг халж, 2 минутын дотор бүх сурагчдын оноог гаргахаар зорьж ажиллаж байна.
 

Мэдээллийн төв

 

Сэтгэгдэл


Сэтгэгдэл

Мэдэгдэл. Энд сэтгэгдэл байхгүй!

Холбоотой мэдээлэл

2015-02-09 1571
Хөгжлийн бодлогын хэлтсийн долоо хоногийн мэдээ /2015.02.02-06/

ХЭЛТСЭЭС ТӨЛӨВЛӨСӨН АЖЛУУДЫН БИЕЛЭЛТ: 1. 15 дугаар сургуулийн үйл ажиллагааг эхлүүлэх бэлтгэл хангах ...

2013-10-22 2219
Баян-Өндөр сумын ЗДТГ-аас мэдээлж байна.

“Намрын ногоон өдөр”- үүд үзэсгэлэн худалдааг ногоочдын хүсэлтээр 2013.10.21-ны өдөр хүртэл ...

2014-06-30 919
МЭНДЧИЛГЭЭ

Эрхэм хүндэт Онцгой байдлын албан хаагчид аа. 1922 онд байгуулагдсан Гал түймэртэй тэмцэх газар, ...

Сурталчилгаа

 

 

 

Веб статистик

Таны IP хаяг: 35.175.113.29
2017-11-30-ний өдрөөс хойш.
  • 18 Онлайн
  • 932 Өнөөдөр
  • 1940 Өчигдөр
  • 9857 Долоо хоногт
  • 41323 Сүүлийн сард
  • 2038865 Нийт хандалт

Санал асуулга

Манай вэб сайт таны санаанд хэр нийцэж байна?
Нийт саналын тоо:  748

Facebook

Цаг агаар