ОРХОН АЙМГИЙН ЗАСАГ ДАРГА Д.БАТЛУТ НИЙГМИЙН ДААТГАЛЫН ХЭЛТСИЙН АЖИЛТАЙ ТАНИЛЦЛАА

Орхон аймгийн Засаг дарга Д.Батлут аймгийн Нийгмийн даатгалын хэлтсийн үйл ажиллагаатай танилцлаа. Энэ үеэр Аймгийн Нийгмийн даатгалын хэлтсийн 2017 онд хийж хэрэгжүүлсэн ажлаа Орхон аймгийн Нийгмийн даатгалын хэлтсийн дарга Б.Анар танилцууллаа. Орхон аймгийн Нийгмийн даатгалын хэлтэсийн ажил үйлчилгээ нь өнгөрсөн онд бүх үзүүлэлт өсөлттэй гарчээ. Тухайлбал, бусад бүх аймаг орон нутагт сайн дурын даатгал буурсан үзүүлэлттэй гарсан бол ганцхан манай аймагт л өсөлттэй гарчээ. Түүнчлэн төрийн байгууллагууд дундаас анх удаа  Түүнчлэн үйлчилгээний менежментийн хувьд шинэчлэл хийж иргэний цахим үнэмлэхийг уншуулан үйлчилгээ үзүүлэх шинэ программыг нэвтрүүлснээр иргэдийн өргөдөл, хүсэлтийг шийдвэрлэх ажилд ахиц гарсан байна.
      Засаг дарга Д.Батлут Нийгмийн даатгалын хэлтсийн тасгууд болон архив, үйлчилгээний танхимтай танилцаж, үйлчлүүлж буй иргэдтэй уулзаж санал бодлыг нь сонслоо. Мөн Нийгмийн даатгалын хэлтсийн албан хаагчидтай уулзаж, тулгамдаад байгаа зарим нэг асуудлуудыг нь газар дээр нь шийдвэрлэлээ.
Ингэснээр нийгмийн даатгалын үйлчилгээг иргэдэд хүргэх, Нийгмийн даатгалын сангаас иргэдэд үзүүлэх үйлчилгээний чанар хүртээмж улам бүр сайжрах юм.
       Төрийн албаны шинэтгэлийн дунд хугацааны хөтөлбөр, “Сайн засаглалыг хөгжүүлэх хөтөлбөр”, Засгийн газрын болон аймгийн Засаг даргын үйл ажиллагааны хөтөлбөрийн хүрээнд төрийн үйлчилгээний төгөлдөршил, төр-иргэний харилцан итгэлцэл, иргэд, олон нийтийн сэтгэл ханамжийг сайжруулах, хүний суурь хөгжлийг хангах зорилтын хүрээнд манай аймгийн “Нийгмийн даатгалын хэлтэс” нийгмийн даатгалын үйлчилгээндээ чанарын удирдлагын  олон улсын ISO 9001:2015 стандартыг нэвтрүүлэн Монгол улсын Засгийн газрын тохируулагч агентлаг Стандарт, хэмжил зүйн газрын даргын 2018 оны 02 дугаар сарын 14-ний өдрийн А/51 дүгээр тушаалаар  3 жилийн хугацаатай гэрчилгээ авсан бөгөөд энэ нь Монгол улсын Засгийн газраас дэвшүүлж буй “Гурван тулгуурт бодлого”, Орхон аймгийн Засаг даргын дэвшүүлсэн “Хүний хөгжил”-ийг хангах Засаг даргын үйл ажиллагааны хөтөлбөрт нийцэж буй юм. 
 

Орхон аймгийн Нийгмийн даатгалын хэлтэс

 

Сэтгэгдэл


Сэтгэгдэл

Мэдэгдэл. Энд сэтгэгдэл байхгүй!

Холбоотой мэдээлэл

Сурталчилгаа

 

 

 

Веб статистик

Таны IP хаяг: 3.227.2.109
2017-11-30-ний өдрөөс хойш.
  • 6 Онлайн
  • 356 Өнөөдөр
  • 2260 Өчигдөр
  • 4184 Долоо хоногт
  • 16872 Сүүлийн сард
  • 1797065 Нийт хандалт

Санал асуулга

Манай вэб сайт таны санаанд хэр нийцэж байна?
Нийт саналын тоо:  727

Facebook

Цаг агаар