ХЭРЭГЛЭГЧИЙН ЭРХИЙГ ХАМГААЛАХ ӨДРИЙГ “ЦАХИМ ХУДАЛДААНЫ ЭРСДЭЛЭЭС ИРГЭДЭЭ ХАМГААЛЪЯ” УРИАН ДООР ТЭМДЭГЛЭВ

Өнөөдөр “Олон улсын хэрэглэгчийн эрхийг хамгаалах өдөр” тохиож байна. Энэ өдөр дэлхийн бүх орны хэрэглэгчийн төлөө үйл ажиллагаа явуулдаг байгууллагууд хоолойгоо нэгтгэдэг билээ.
     Олон улсын хэрэглэгчийн эрхийг хамгаалах өдрийг НҮБ-ын шийдвэрээр 1983 оны 3 сарын 15-нд тэмдэглэж байхаар болсон байна. Анх 1962 оны 3 сарын 15-нд АНУ-ын ерөнхийлөгч Жон Кеннеди Конгрессийн гишүүдэд хэрэглэгчийн эрхийн тухай дөрвөн заалт бүхий илгээлт явуулжээ. Энэ нь хэрэглэгч аюулгүй байдалд байх, мэдээлэл авах эрхтэй байх, сонголт хийх эрх, санал хүсэлтээ илэрхийлэх эрхтэй байх ёстой гэсэн дөрвөн заалт юм. Хожим өмнөх дөрвөн заалт дээр нэмж хохиролоо барагдуулах, хэрэглэх зааврын тухай мэдлэг авах, хүрээлэн байгаа орчин нь эрүүл байх эрх гэсэн заалт нэмэгдсэн байна. 1973 онд Европын холбоо 25 дахь удаагийн зөвлөх Ассамблейн хурлаараа хэрэглэгчдийн эрхийг хамгаалах журам баталжээ. 1985 оны 4 сарын 9-нд НҮБ-ын Ерөнхий Ассамблей хэрэглэгчдийн эрхийг хамгаалахад баримтлах удирдамж, зарчмыг баталсан түүхтэй.
    Харин манай улсын хувьд Засгийн газрын 2008-2012 оны үйл ажиллагааны хөтөлбөрийн 2.1.28-д “Үндэсний бүтээгдэхүүн, ажил, үйлчилгээний чанар, өрсөлдөх чадвар, хэрэглээний аюулгүй байдлыг дээшлүүлэх, экологийн аюулгүй орчныг бүрдүүлэх, хэрэглэгчийг чанартай, аюулгүй бүтээгдэхүүнээр хангахад стандартчилал, хэмжил зүй, тохирлын үнэлгээгээр дэмжлэг үзүүлэх ажлыг эрс сайжруулна” гэсэн зорилтоо хэрэгжүүлэхээр “Хэрэглэгчийн эрхийг хамгаалах үндэсний хөтөлбөр”-ийг Засгийн Газрын 2009 оны 12 дугаар сарын 23-ны өдрийн 371-р тогтоолоор батлаж хэрэгжүүлж эхэлсэн юм. Энэ жилийн хувьд манай улс “Хэрэглэгчийн боловсролыг дээшлүүлэх жил” болгон ажиллаж байна.
Орхон аймгийн Засаг даргын 2017 оны А/236 дугаар захирамжаар “Хэрэглэгчийн эрхийг хамгаалах үндэсний хөтөлбөр”-ийг хэрэгжүүлэх ажлыг зохион байгуулах орон тооны бус зөвлөлийг 10 хүний бүрэлдэхүүнтэйгээр байгуулсан.
      Олон улсын хэрэглэгчийн эрхийг хамгаалах өдрийг тохиолдуулан өнөөдөр Орхон аймгийн ЗДТГ-ын Хууль, эрхзүйн хэлтэс, “Хэрэглэгчдийн эрх ашгийг хамгаалах нийгэмлэг”-ээс хамтран “Цахим худалдааны эрсдэлээс хэрэглэгчдээ хамгаалъя” уриан доор өдөрлөг зохион байгууллаа. Нээлтийн үйл ажиллагаанд аймгийн ЗДТГ-ын хууль, эрхзүйн хэлтсийн дарга, ШӨХТГ-ын улсын ахлах байцаагч бөгөөд аймгийн хэмжээнд “Хэрэглэгчийн эрхийг хамгаалах үндэсний хөтөлбөр”-ийг хэрэгжүүлэх ажлыг зохион байгуулах орон тооны бус зөвлөлийн дарга Б.Ганзориг, ХЭАХН-ийн Удирдах зөвлөлийн тэргүүн Д.Байгал, ХЭАХГ-ийн дарга Б.Батжаргал нар оролцож үг хэллээ.
    Мөн “Цахим худалдааны эрсдлээс хэрэглэгчдийг хамгаалъя” сэдэвт мэдээллийг Ш.Отгонбилэгийн нэрэмжит ШУТИС-ийн багш Д.Заяабаатар хийлээ.
    Өдөрлөгийн үеэр Хэрэглэгчдийн эрх ашгийг хамгаалах нийгэмлэгүүдийн үндэсний холбооны нэрэмжит шагналыг зарим иргэдэд гардууллаа.
Тус өдөрлөгийн үеэр Орхон аймгийн Эрүүл мэнд, нийгмийн даатгалын хэлтэс болон зарим нэг байгууллагууд иргэдэд үйлчилгээ үзүүлж ажиллав.
 

Мэдээллийн төв

 

Сэтгэгдэл


Сэтгэгдэл

Мэдэгдэл. Энд сэтгэгдэл байхгүй!

Холбоотой мэдээлэл

2018-08-10 3191
ЭРҮҮЛ МЭНДИЙН САЛБАРЫН АЖИЛТНЫ ӨДӨР ТОХИОЖ БАЙНА

Жил бүрийн наймдугаар сарын хоёр дахь долоо хоногт “Эрүүл мэндийн салбарын ажилтны өдөр” тохиодог.

2015-06-17 734
Зарлал

“ХӨГЖЛИЙН БЭРХШЭЭЛТЭЙ ИРГЭНИЙ АЖЛЫН БАЙРЫГ ДЭМЖИХ ХӨТӨЛБӨР”-ийн хүрээнд “Шинэ замнал” ...

2014-03-05 1047
Өнөөдөр Орхон аймгийн Засаг Даргын Тамгын газарт...

1. “Гэр бүлийн хүчирхийлэлтэй тэмцэх тухай хууль”-нд шинэчилсэн найруулга хийж байгаатай ...

Сурталчилгаа

 

 

 

Веб статистик

Таны IP хаяг: 35.168.111.191
2017-11-30-ний өдрөөс хойш.
  • 29 Онлайн
  • 610 Өнөөдөр
  • 899 Өчигдөр
  • 2924 Долоо хоногт
  • 31749 Сүүлийн сард
  • 1978981 Нийт хандалт

Санал асуулга

Манай вэб сайт таны санаанд хэр нийцэж байна?
Нийт саналын тоо:  742

Facebook

Цаг агаар