30 ОРЧИМ АЙЛ УСАНД АВТЖЭЭ

Цаг агаар дулаарсантай холбоотойгоор цас хайлж аймгийн хэмжээнд хэд хэдэн байршилд их хэмжээний ус хураад байна. Иймд аймгийн Засаг даргын орлогч С.Батжаргал холбогдох байгууллагуудын удирдлагуудтай хуралдаж, үүний дараа сэтгүүлчдэд мэдээлэл хийлээ.

Өнөөдрийн байдлаар Эрдэнэ, Яргуйт, Ихзалуу, Яргуйт, Уртынгол  багийн нутаг дэвсгэрт хур цасны шар ус түрж ороод байна. Үүний улмаас 30 орчим айлын хашаа, гэр, байшин, эд хөрөнгө усанд автаад байна. Тиймээс аймгийн Онцгой байдлын газар, Хотын захирагчийн алба, Баян-Өндөр сум зэрэг байгууллагууд хамтран айлууд эд хогшлыг нүүлгэн шилжүүлэх, гэр, байшингаас усыг шавхах зэрэг тусламжийг үзүүлж байна. Мөн эдгээр байгууллагууд хамтран  4 км үерийн сувгийг цэвэрлэжээ. Усанд автсан айлуудын тодорхой хувь нь зөвшөөрөлгүй газарт буусан байгааг мэргэжлийн байгууллагууд онцлон хэллээ.
 
Үүсээд байгаа нөхцөл байдал цаашид ч хүндэрч болзошгүй. Учир нь өнөөдөр ялимгүй цас орох бол маргаашаас цаг агаар нэмэх градуст орох юм. Одоогийн байдлаар хотын хэмжээнд орсон нийт цасны дөнгөж гуравны нэг нь хайлаад байна гэж аймгийн ОБГ-ын дарга хэлсэн. Тиймээс цаг агаар дулаарахад хотруу түрж орж ирэх шар усны хэмжээ улам нэмэгдэх хандлагатай байгаа юм.
 
Аймгийн Засаг даргын орлогч С.Батжаргал уг ажилд Эрдэнэт үйлдвэрээс техникийн тусламж авах, далан , шуудуу, гудамжинд асгах хайрга, дайрга, шороо бэлдэх, авто замын нөхцөл байдал сайнгүй байгаа тул Хот тохижуулах газар цас цэвэрлэгээний ажлыг эрчимжүүлэх зэрэг үүргийг өглөө.
 
Өнгөрсөн 2017 онд орон нутгийн төсвийн 532 сая төгрөгийн хөрөнгөөр Шанд, Даваат багт нийт 320м, Говил  багт 682м үерийн далан шинээр барьж ашиглалтад оруулсан юм. Мөн Баян-Өндөр сумын гэр хорооллын 14 багийн нутаг дэвсгэрт байрлах 66,8 км үерийн усны далан суваг, байгалийн жалга судгийн хог хаягдлыг цэвэрлэх, авто машин болон  явган хүний гарцын хэсэгт  бөглөрсөн хоолойг нээх болон 7км суваг шинээр татах, хуучин  5км сувгийг сэргээх ажлыг хийж  гүйцэтгээд байна.
 
 
 
 
 
 
 
 
Мэдээллийн төв

 

Сэтгэгдэл


Сэтгэгдэл

Мэдэгдэл. Энд сэтгэгдэл байхгүй!

Холбоотой мэдээлэл

2014-04-02 2831
Эрээн, Эрдэнэт хотын багш нар хамтарч ажиллана

Эрээн хотын багшийн их сургуулийн төлөөлөгчид Эрдэнэт хотод айлчиллаа. Төлөөлөгчид МУИС-ийн Орхон аймгийн ...

2014-10-02 887
АЙМГИЙН БОЛОВСРОЛЫН ГАЗРЫН 2014 ОНЫ 9 ДҮГЭЭР САРЫН 4-р 7 ХОНОГИЙН МЭДЭЭ

1. Аймгийн ГХУСАЗЗ, Цагдаагийн газар, Боловсролын газрын “Гэмт хэргээс урьдчилан сэргийлэх” ...

2015-03-24 667
ГХБХБГ-ын төсвийн байгууллагын санхүүжилтийн 2-р сарын гүйцэтгэл

ГХБХБГ-ын төсвийн байгууллагын санхүүжилтийн 2-р сарын гүйцэтгэлийн мэдээ

Сурталчилгаа

Веб статистик

Таны IP хаяг: 54.144.16.135
2017-11-30-ний өдрөөс хойш.
  • 22 Онлайн
  • 293 Өнөөдөр
  • 3194 Өчигдөр
  • 5830 Долоо хоногт
  • 14511 Сүүлийн сард
  • 1142326 Нийт хандалт

Санал асуулга

Манай вэб сайт таны санаанд хэр нийцэж байна?
Нийт саналын тоо:  632

Facebook

Цаг агаар