ОРХОН АЙМГИЙН ЗАСАГ ДАРГА Д.БАТЛУТ 38 АСУУДЛЫГ ГАЗАР ДЭЭР НЬ ШИЙДВЭРЛЭЖЭЭ

Орхон аймгийн Засаг дарга Д.Батлут болон аймгийн удирдлагууд 2017 оны 1 дүгээр сарын 5-ны өдрөөс эхлэн 2 дугаар сарын 7-ны хооронд Орхон аймгийн бүх багуудаар болон төрийн байгууллагын албан хаагч нартай уулзалт зохион байгуулсан билээ.
  Нийт 21 удаагийн уулзалтаар 3697 иргэн, төрийн албан хаагчтай уулзсан байна. Уулзалтын үеэр давхардсан тоогоор 910 санал хүсэлт гаргаснаас 38 асуудлыг газар дээр нь шийдвэрлэжээ. Иргэдээс гарсан санал, шүүмжлэлийн мөрөөр асуудлуудыг багцлан 76 заалт бүхий ажлын төлөвлөгөө боловсруулан аймгийн Засаг даргын дэргэдэх Зөвлөлийн хурлаар хэлэлцүүлэн батлуулж төрийн болон төрийн өмчит байгууллагуудад хүргүүлэн ажил хэрэг болгон хэрэгжүүлж байна.
    Энэ талаар өнөөдөр Орхон аймгийн Засаг даргын орлогч А.Түвшинжаргал болон ЗДТГ-ын хэлтэсийн дарга нар сэтгүүлчдэд хэвлэлийн бага хурал зохион байгууллаа.
    Засаг даргын иргэдтэй хийх уулзалтын үеэр 3697 иргэнтэй уулзсанаас 910 санал хүсэлт гарч, 38-ыг нь газар дээр нь шийдвэрлэсэн байна. Тухайлбал, Мэдээлэл харилцаа сүлжээ компанийн хурлын заалны засвар, тоног төхөөрөмжийн хөрөнгийг шинэчлэхэд 9,2 сая төгрөг, Хүний эрхийг хангах чиглэлээр Цагдаагийн газарт 2 байцаалтын өрөөг тохижуулахад 15 сая төгрөг, цагдаагийн газарт хөдөлгөөнт эргүүлийн автомашин авах 18 сая төгрөг, “Эрх бүжинхэн цэцэрлэг”-ийн халаалтын асуудал, Жаргалант сумын ундны ус зөөвөрлөх автомашиныг засварлах, 3-р сургуульд шүдний эмч ажиллуулах, Хот тохижуулах газрын ажилчдын цалин урамшууллыг нэмэгдүүлэх, баяр наадмын үеэр ажиллах илүү цагийн урамшуулал 20 сая төгрөг, “Эрдэнэт-Ус” ОНӨХК-д албан хэрэгцээнд гагнуурын аппарат бүхий тоноглосон автомашин авах 45 сая төгрөг, БОЭТ-ийн амбулаторийн хэсгийн дээврийн засвар, Нярайн тасагт сурфуктант эмчилгээнд зориулсан төсвийг 5 сая төгрөгөөр нэмэгдүүлэх, Жаргалант сумын Хүн эмнэлгийн агааржуулалт, дээврийн засварт шаадлагатай хөрөнгө, ажил хүссэн 1 иргэнийг 15-р сургуульд ажилд оруулах, Баянцагаан багт 21 сая, Говил багт 81 сая, Эрдэнэ багт 15 сая төгрөгөөр ус түгээх байрыг нэмж барих, зарим байр хооронд хүүхдийн тоглоомын талбай нэмж барих зэрэг 38 асуудлыг газар дээр нь шийдвэрлэлээ.  Түүнчлэн уулзалтын үеэр орон гэр хүссэн 5 иргэнд гэр олгохоор боллоо.
    Иргэд, байгууллагуудаас гарсан бусад санал хүсэлтийг чиглэл хариуцсан хэлтэс, анентлаг, байгууллагууд шийдвэрлэхээр төлөвлөгөө гарган ажиллаж байна.
 

Мэдээллийн төв


 

Сэтгэгдэл


Сэтгэгдэл

Мэдэгдэл. Энд сэтгэгдэл байхгүй!

Холбоотой мэдээлэл

2014-04-22 572
ОРХОН АЙМГИЙН БАГУУДЫН АЖИЛЧДЫН ДУНД УРЛАГИЙН НААДАМ ЗОХИОН БАЙГУУЛАГДЛАА

Баян-Өндөр сум байгуулагдсаны 20 жилийн ойн ажлын хүрээнд олон ажил төлөвлөгдөн хийгдэж байгаа билээ.Харин ...

2015-01-13 982
ЗӨВД ЗӨӨЛӨН БУРУУД ХАТУУ ХАНДАНА

Аймгийн ИТХ-ын ээлжит XXI хуралдаанд Аймгийн ИТХ-ын дарга Б.Мягмарсүрэнгийн хэлсэн үг Эрхэм хурлын төлөөлөгчид ...

2013-11-14 2439
ЭРДЭНЭТ ХОТЫН АНХНЫ БАЙГУУЛЛАГУУД

1.1976 оны 1 дүгээр сард Улаанбаатар хотын Авто тээврийн 25 дугаар баазын ашиглалтын Ш хэсгийг Эрдэнэт ...

Сурталчилгаа

Веб статистик

Таны IP хаяг: 54.144.16.135
2017-11-30-ний өдрөөс хойш.
  • 20 Онлайн
  • 291 Өнөөдөр
  • 3194 Өчигдөр
  • 5828 Долоо хоногт
  • 14509 Сүүлийн сард
  • 1142324 Нийт хандалт

Санал асуулга

Манай вэб сайт таны санаанд хэр нийцэж байна?
Нийт саналын тоо:  632

Facebook

Цаг агаар