ГОЦ ХАЛДВАРТ ШҮЛХИЙ ӨВЧНИЙ ХОРИО ЦЭЭРИЙН ДЭГЛЭМ ТОГТООЛОО

Орхон аймгийн Жаргалант сум Улаантолгой баг иргэн  А  2018 оны 02 дугаар сарын 15-ний өглөө 08 цаг 30 минутад манай үхрийн амнаас шүлс гоожоод байна гэсэн мэдээллийг Жаргалант сумын Мал эмнэлэг үржлийн тасгийн эмч Ч.Доржмягмарт өгснөөр мэдээллийн дагуу малын эмч Ч.Доржмягмар, Г.Хангал нар 09 цаг 30 минутад хаягийн дагуу очиж эхний үзлэгээр  малын гоц халдварт шүлхий өвчний шинж тэмдэг байж болохыг тогтоосон. 

Орхон аймгийн Онцгой байдлын газрын дарга, хурандаа Г.Ганбаатараар ахлуулсан 4 хүний бүрэлдэхүүнтэй ажлын хэсэг 2018 оны 02-р сарын 15-ны өдрийн  Жаргалант суманд очиж, сумын онцгой комиссыг  14:20 минутад хуралдуулж  Жаргалант сумын Засаг даргын А/10 тоот “Малын гоц халдварт “Шүлхий” өвчнөөс урьдчилан сэргийлэх, хариу арга хэмжээ авах тухай” захирамж гарган сэжигтэй малаас дээж авч, Улаантолгой багийн нутаг дэвсгэрт хязгаарлалтын дэглэм тогтоон,  4 цэгт пост гарган ажиллуулсан. 
Голомтын цэг нь Жаргалант сумын төвөөс 1,27 км зайд Улаанбаатар Эрдэнэтийн чиглэлийн 1001 дугаарын төв замаас 122м орчим зайд байрладаг. 
 
Аймгийн Онцгой комиссыг 2018 оны 02 дугаар сарын 15-ны өдрийн 20:00 цагт Онцгой комиссын өрөөнд хурлыг зохион байгуулж, Онцгой комиссын даргын шийдвэрээр хяналтын 6 пост гаргаж ариутгал халдваргүйжүүлэлт хийх 24х8 хэмжээтэй функтийг шинээр хийж байрлуулах, ариутгал хийх өндөр даралтын уурын зуухыг хийх үүрэг чиглэлийг онцгой комиссын бүрэлдэхүүнд өгсөн.
 
Жаргалант сумын нутаг Улаантолгой багт шүлхий өвчнөөс урьдчилан сэргийлэх хорио цээрийн дэглэм тогтоох хяналтын 6 цэг 2018 оны 2 дугаар сарын 16-ны өдрийн  01 цаг 45 минутаас 05 цагийн хооронд байгуулсан. 
 
Онцгой комиссын бүрэлдэхүүн 2018 оны 02 дугаар сарын 16-ний өдрийн 10 цагт хуралдаж өмнөх 4 дүгээр хуралдаанаас өгсөн үүргийн биелэлттэй танилцаж, малын гоц халдварт шүлхий өвчний хорио цээрийн дэглэм тогтоох тухай аймгийн Засаг даргын 2018-02-15-ний өдрийн А/76 тоот захирамж гарган хэрэгжилтийг ханган ажиллах талаар Онцгой комиссын бүрэлдэхүүнд үүрэг өглөө. 
Улсын мал эмнэлэг ариун цэврийн төв лабораторын вирус судлаач эмч Х.Гэрэлмаа Орхон аймгийн Мал эмнэлэг үржлийн лабораторт “Шүлхий” өвчний онош баталгаажуулах шинжилгээг орон нутгийн малын эмч нартай хамтран хийж, сургалт арга зүйн зөвлөмжөөр ханган ажиллаж байна. 
 
Сэжигтэй бүсэд байрлах 34 өрхийн 1431 үхэр, 19 хонь, 64 ямаа нийт 1514 малд үзлэг тандалтын ажлыг зохион байгуулан ажиллаж, Гурван багийн 42 ажилтан Шүлхий өвчний шинж тэмдэг илэрч байгаа эсэхэд үүрэн телефоны утсаар тандалт судалгааг 270 хүнээс асууж, шүлхий өвчнөөс урьдчилан сэргийлэх ажлыг өөрийн хашаа, хороо,мал амьтанд зохион байгуулах зөвлөгөөг өгч ажиллаа. 
 
Баян-Өндөр сумын мал эмнэлэг үржлийн нэгжийн 3 автомашин, 6 ажилтан, ХХААГ-ын 4 автомашин, 8 ажилтан, Цагдаагийн  газрын 2 автомашин 8 алба хаагч, Онцгой байдлын газраас 2 автомашин,  постод 4 хүн, голомтын бүсэд функт   барих ажилд 11 алба хаагч, Жаргалант сумаас 6 ажилтан нийт 11 тээврийн хэрэгсэл,  43 алба хаагч ажиллаж байна. 
 
Эрдэнэт Үйлдвэр ХХК-аар өндөр даралтын уураар ариутгал хийх 2ш зуух хийлгэж голомтын бүсэд байрлуулан ариутгалын ажлыг хийж гүйцэтгэхээр бэлтгээд байна. 
Шаардлагатай нөхцөлд голомтын бүсээс гарах иргэдийн хувцсыг солих, ариутгал халдваргүйжилт хийх зорилгоор Онцгой байдлын албанаас 3 гэрийг гарган байрлуулсан. 
 
 
 
 
 

 

Сэтгэгдэл


Сэтгэгдэл

Мэдэгдэл. Энд сэтгэгдэл байхгүй!

Холбоотой мэдээлэл

2014-07-06 683
Стандартчилалын чиглэлээр: 2014 оны 06 сарын 30 аас 07 сарын 04

Нутгийн захиргааны байгууллагуудаас иргэдэд үзүүлэх төрийн үйлчилгээг түргэн шуурхай болгох талаар авч ...

2015-05-25 1057
Байгаль орчны газрын 7 хоногийн мэдээ 2015.05-18-22

1.Аймгийн хэмжээнд устгах шаардлагатай химийн бодисын бүртгэлд хамрагдсан 373 нэр төрлийн 6863 кг хуурай ...

2014-01-28 1305
ЦАГААН САРЫН БАЯРЫГ ТОХИОЛДУУЛАН ШАГНАЛ ГАРДУУЛЛАА.

Сар шинийн баярыг тохиолдуулан Улсын сайн малчин, Улсын тэргүүний тариаланч хамт олон, Тэргүүний тариаланч ...

Сурталчилгаа

 

 

 

Веб статистик

Таны IP хаяг: 3.227.2.109
2017-11-30-ний өдрөөс хойш.
  • 9 Онлайн
  • 352 Өнөөдөр
  • 2260 Өчигдөр
  • 4180 Долоо хоногт
  • 16868 Сүүлийн сард
  • 1797061 Нийт хандалт

Санал асуулга

Манай вэб сайт таны санаанд хэр нийцэж байна?
Нийт саналын тоо:  727

Facebook

Цаг агаар