ХӨНГӨВЧЛӨХ ЭМЧИЛГЭЭНИЙ ТАЛААР САЛБАР ДУНДЫН ХЭЛЭЛЦҮҮЛЭГ ӨРНӨЛӨӨ

Иргэдийн дунд хөнгөвчлөх эмчилгээ, тусламж үйлчилгээ гэхээр зөвхөн хорт хавдар өвчнөөр өвдсөн тохиолдолд л хамааралтай хэмээх ташаа ойлголт байдаг.
       Хөнгөвчлөх эмчилгээ нь өвчин нь идэвхитэй даамжирч, илаарших боломжгүй, тавилан нь хязгаарлагдмал болсон өвчтөн ба түүний гэр бүл, асарч, халамжилж буй хүмүүсийн амьдралын чанарыг дээшлүүлэхэд чиглэсэн эмчилгээ, асаргаа, үйлчилгээ, сургалт, удирдлагыг хөнгөвчлөх тусламж үйлчилгээ гэдэг. Анагаахын шинжлэх ухааны талаас бол өвчин нь илаарших боломжгүй болсон, үсэрхийлэлтэй хорт хавдар, улаан хоолой нарийссан учир хоол идэж чадахаа больсон, турж эцсэн, зүрх уушгины архаг дутагдалтай, элэгний хатуурлаас хэвлийд их хэмжээний шингэн хурсан, бөөрний архаг дутагдалтай, диализ нэмэргүй болсон, их хэмжээний харвалт эсвэл тархины хүнд гэмтлээс мөчид нь мэдээгүй болсон, хэвтэрийн цооролт үүссэн, насны доройтолд орсон, ДОХ, эмэнд дасалтай сүрьеэ зэрэг өвчтэй хүмүүсийн амьдрал, өвчний төгсгөлийн шатанд өвдөлт, зовиур, шаналгааг хөнгөвчлөх бүхий л тусламж үйлчилгээг хөнгөвчлөх тусламж үйлчилгээ хэмээн үзэх болсон байна.
         Тэгвэл “Эмч” дэд хөтөлбөрийн хүрээнд нас баралтаар дээгүүрт ордог зүрх судас, цус харвалт зэрэг өвчлөлийн талаар 2017 онд ЗДТГ-ын Нийгмийн бодлогын хэлтсээс хэлэлцүүлэг зохион байгуулж байсан бол өнөөдөр Хөнгөвчлөх тусламж үйлчилгээ, эмчилгээний талаар салбар дундын хэлэлцүүлэг өрнөж байна. Тус хэлэлцүүлэгт  АШУҮИС-ийн багш, АУ-ны доктор, профессор Д.Одонтуяа болон аймгийн Засаг даргын орлогч А.Түвшинжаргал, ЗДТГ-ын Нийгмийн бодлогын хэлтсийн дарга А.Бумансор, Нийгмийн бодлогын хэлтсийн Эрүүл мэндийн асуудал хариуцсан мэргэжилтан А.Өнөржаргал, БОЭТ-ийн дарга Б.Батсүх болон Эрүүл мэндийн газрын мэргэжилтэн, ӨЭМТ-ийн урирдлагууд оролцлоо.  
         ДЭМБ-аас хөгжиж буй орнуудад 100 мянган хүн ам тутамд 8-10 хөнгөвчлөх тусламж үйлчилгээний ортой байхыг зөвлөдөг. Харин манай аймагт одоогоор хөнгөвчлөх тусламж үйлчилгээнд 14 ор ашиглагддаг. 2017 оны байдлаар манай аймагт нийт 493 хүн нас барж, 10.000 хүн ам тутамд 4.8 тохиолдол бүртгэгдсэн. Нас баралтын тэргүүлэх шалтгаанд зүрх судас, хавдар, осол гэмтэл, хоол боловсруулах эрхтэн системийн өвчлөл, амьсгалын замын өвлөлүүд ордог байна. ДЭМБ-ын зүгээс нийт нас баралтын 60 хувьд нь хөнгөвчлөх тусламж шаардлагатай байдаг гэсэн судалгааг гаргажээ. Өөрөөр хэлбэл 2017 онд нас барсан 493 хүний 300 орчимд нь хөнгөвчлөх тусламж хэрэгтэй байсан нь харагдаж байна. Одоогийн байдлаар аймгийн хэмжээнд 1343 өвчтөнд хөнгөвчлөх тусламж хэрэгтэй ба үүний 398 нь хавдарын 3-4-р үе шатандаа байгаа өвчтөнүүд юм.  Мөн тархины цус харвалт, зүрх уушигны архаг дутагдал, чихрийн шижингийн хүндэрсэн хэлбэр, сүрьеэ, бөөрний архаг дутагдал гэх мэт өвчлөлүүдээс шалтгаалан хөнгөвчлөх тусламж авах шаардлагатай иргэд байна.
        Орхон аймгийн хувьд хорт хавдартай иргэдийн эмийн зардалд дэмжлэг үзүүлж эхэлсэн бөгөөд 2017 онд нийт 916 хүнд 124 сая төгрөг, дотоод гадаадын эмчилгээнд явахад зориулан мөн тодорхой тооны мөнгөн тусламж үзүүлсэн байна. Түүнчлэн манай аймагт хорт хавдартай өвчтөнд химийн эмчилгээ хийж эхэлсэн бөгөөд эм тарианы зардалыг орон нутгийн төсөвөөс шийдвэрлэн 20 сая төгрөг зарцуулжээ. БОЭТ-д хоёр өрөөг хөнгөвчлөх эмчилгээний чиглэлээр тохижуулан, нэн шаардлагатай тоног төхөөрөмжөөр хангасан юм.
Орхон аймгийн хувьд энэ чиглэлээр авч хэрэгжүүлж буй арга хэмжээний хувьд бусад аймгуудаас харьцангуй сайн гэсэн үнэлгээтэй явдаг байна.
 

Мэдээллийн төв

 

Сэтгэгдэл


Сэтгэгдэл

Мэдэгдэл. Энд сэтгэгдэл байхгүй!

Сурталчилгаа

 

 

 

Веб статистик

Таны IP хаяг: 3.227.2.109
2017-11-30-ний өдрөөс хойш.
  • 7 Онлайн
  • 353 Өнөөдөр
  • 2260 Өчигдөр
  • 4181 Долоо хоногт
  • 16869 Сүүлийн сард
  • 1797062 Нийт хандалт

Санал асуулга

Манай вэб сайт таны санаанд хэр нийцэж байна?
Нийт саналын тоо:  727

Facebook

Цаг агаар