АЙМГИЙН ОНЦГОЙ КОМИСС ХУРАЛДЛАА

Орхон аймгийн Онцгой комиссын 8 дугаар хуралдаан өнөөдөр боллоо.
     2017 оны 10-12 дугаар саруудад олон жилийн дунджаас хүйтэн, ахиу цас унаж аймгийн хэмжээнд 12 дугаар сарын 31-ний байдлаар дундажаар 16-25 см, зарим хэсэгтээ 35-50 см хүрч, хөрлөж хатуурсны улмаас мал бэлчээрлэх боломжгүй цагаан зудын нөхцөл байдал үүсээд байна.
     2017 оны жилийн эцсийн мал тооллогын дүнгээр манай аймагт адуу 12.117, үхэр 21.939, хонь 47.823, ямаа 40.648, тэмээ 39 буюу нийт 122.556 толгой мал 1218 малчин болон мал бүхий  өрхөд өвөлжиж байна.
Иймээс аймгийн Онцгой комиссын энэ удаагийн хуралдаанаар “Аймгийн аюулгүйн нөөцөд байгаа өвсийг малчдад хуваарилах, Баян-Өндөр, Жаргалант сумдын аюулгүйн нөөцийн хөрөнгөөр өвс тэжээл авах тухай аймгийн ХХААГ-ын дарга Ж.Бат-Өлзий санал танилцууллаа.
      Аймгийн аюулгүйн Нөөцийн өвс тэжээлийг 2018 оны 1 сарын 10-ны өдрөөс эхлэн  нийт малчин өрхийн 265 өрхөд олгох зөвшөөрлийг Онцгой комиссын зүгээс Холбогдох байгууллагуудад өглөө. Ирэх жилээс эхлэн Эрдэнэт хотод өвөлжиж, малаа хотын төврүү оруулдаг, зун нь хотын төвийн ногоон байгууламж руу малаа оруулж зөрчил гаргасан тохиолдлоор бүртгэгдсэн, өөрсдийн нөөц бололцоог дайчлан намартаа огт хадлан тэжээл огт аваагүй малчдад өвс тэжээл олгохгүй байх чиглэл гаргав.
       Түүнчлэн зарим иргэн аж ахуйн нэгжүүд хувиараа өвс авч ирж худалдаалж байгаа бөгөөд эдгээр нь малын гоц халдварт шүлхий өвчний голомттой бүс нутгаас ирсэн байж болох тул үүн дээр холбогдох байгууллагууд анхаарлаа хандуулж ажиллахыг үүрэг болголоо.   
       Мөн цаг агаарын нөхцөл, төлөв байдлын талаар УЦУОША-ны дарга Я.Тунгалаг мэдээлэл хийлээ. Цаашид 4 дүгээр сар хүртэл олон жилийн дундажаас ахиу цас орох төлөвтэй байгаа бөгөөд 4 дүгээс сараас харьцангуй дулаарч нэмэх градуст шилжих төлөвтэй байх аж.
 

Мэдээллийн төв

 

Сэтгэгдэл


Сэтгэгдэл

Мэдэгдэл. Энд сэтгэгдэл байхгүй!

Холбоотой мэдээлэл

2013-08-01 592
Эрэлт ихтэй мэргэжлээр суралцвал урамшууллын тэтгэлэг хүртэнэ

Засгийн газрын 19 дүгээр тогтоолоор баталсан үндэсний тэтгэлгийн 70 мянган төгрөгийг өнгөрсөн хичээлийн ...

2017-07-18 2561
МЯГМАР ГАРАГ БОЛОН САР БҮРИЙН 15-НД АРХИ ХУДАЛДАХЫГ ХОРИГЛОСОН ШИЙДВЭРИЙГ ЦУЦАЛЛАА

Өнгөрсөн 5-р сарын 26-нд аймгийн Иргэдийн төлөөлөгчдийн ээлжит 7-р хуралдаан болж “Аймгийн нутаг дэвсгэрт ...

2014-04-17 2397
Орхон аймагт төл бойжилт 96%-тай байна

Орхон аймгийн хэмжээнд нийт 1321 өрхийн 175,9 мянган мал хаваржиж байна. Энэ жил өвөл өнтэй байснаас ...

Сурталчилгаа

Веб статистик

Таны IP хаяг: 54.224.44.168
2017-11-30-ний өдрөөс хойш.
  • 11 Онлайн
  • 163 Өнөөдөр
  • 2613 Өчигдөр
  • 6222 Долоо хоногт
  • 31006 Сүүлийн сард
  • 1080422 Нийт хандалт

Санал асуулга

Манай вэб сайт таны санаанд хэр нийцэж байна?
Нийт саналын тоо:  622

Facebook

Цаг агаар